Оюутан борлуулагч
Багууд:
- Нийт 10 баг
- Нэг баг 5 хүүхэдтэй
- Нэг багын ахлагчтай
- 4 гишүүнтэй
- Их дээд сургуулийн оюутнууд байх шаардлагатай
- Нас хүйс харгалзахгүй
- Гишүүн солихгүй
Шагнал
| № | Байрууд | Шагналын сан | Болзол | Катлоги |
| 1 | Нэгдүгээр байр | 15% + 500.000₮ | 132 ширхэг + | 50 ширхэг + |
| 2 | Хоёрдугаар байр | 15% + 300.000₮ | 132 ширхэг + | 50 ширхэг + |
| 3 | Гуравдугаар байр | 15% + 200.000₮ | 132 ширхэг + | 50 ширхэг + |
| 4 | Тусгай байр | 15% + 100.000₮ | 132 ширхэг | 50 ширхэг |
| 5 | Оролцсон баг | 15% |
Хугацаа:
- Бүртгэл- 2010.10.11-2010.10.20 17 цаг хүртэл
- Сургалт, зааварчилгаа өгөх – 2010.10.20 18 цагт
- Уралдаан эхлэх –2010.10.21
- Уралдаан дуусах - 2010.10.27 18 хүртэл
- Уралдаан дүгнэх – 2010.10.28
- Дүнг танилцуулах, хүлээн авалт 2010.10.29-ны 19 цагт
Барилгын салбарын номер нэг мэдээллийн хэрэгсэл “Барилга. МН” сэтгүүлээс бүх дээд сургуулийн оюутнуудын дунд зарласан “Оюутан борлуулагч” уралдаан амжилттай зохион байгуулагдаж өндөрлөлөө.
Тэргүүн байрын эздээр Хүмүүнлэгийн Ухааны Их сургуулийн “Хүмүүнлэг ” баг болзлоо давуулан биелүүлсэн амжилтаар шалгарч 500 мянган төгрөгийн эзэд боллоо.
Дэд байранд Монгол бизнес сургуулийн “Монгол бизнес” баг шалгарсан.
Оюутан залуусын чөлөөт цагаа зөв боловсон өнгөрөөх тэдний бизнес сэтгэлгээг хөгжүүлэх, багаар ажиллах чадварыг нэмэгдүүлэх, хөдөлмөрийн шимийг хүртээх гээд олон зорилготой уралдаан маань үр өгөөжөө өгч оролцогчид маань өдөрлөг зохиох, урамшуулал бодох гээд онолын мэдлэгээ бататгах нэг боломж бүрдүүлсэн юм.
Тэмцээний маань манлай болсон Хүмүүнлэг багийн хувьд өмнө нь оюутнуудын дунд зохион байгуулагдсан борлуулалтын тэмцээнд оролцон түрүүлж байсан туршлагатай юм. Дахин түрүүлнэ гэдэгтээ итгэлтэй байсан тухайгаа шагнал гардах мөчид онцлон дурдаж байсан.
Баг бүр өөрсдийн боломжоо ашиглан борлуулалтаа хийж байсан бөгөөд “Smart enginery” баг маань сургууль дээрээ өдөрлөг зохиохын сацуу борлуулалтаас илүүтэйгээр захиалгад түлхүү анхаарлаа төвлөрүүлэн ажиллаж байсан юм.
Монгол бизнес багийнхан маань бизнесийн олон шинэ санааг хэрэгжүүлэн амжилттай оролцож дэд байранд орсон юм.
Харин манай уралдааны хамгийн бяцхан оролцогчид бол Худалдаа үйлдвэрлэлийн дээд сургуулийн “BOS” баг байлаа. Дөнгөж оюутан хэмээх алдрыг хүртэн биенээ таньж эхэлж буй хүүхдүүд баг болон нэгдэж энэхүү уралдаанд амжилттай оролцон тусгай байр эзэлсэн юм. Жигүүрээ дэлгэж эхэлж буй тэдний хувьд ажлын анхны гараа нь болсондоо бид бэлэгшээж байгаа.
Ингээд уралдаанд оролцсон нийт багийнхандаа болон хамтран ажилласан байгууллагууддаа сурлага хөдөлмөрийн өндөр амжилт хүсье.
- БОС Баг
“Барилга.МН” сэтгүүлийн зүгээс зарласан “Оюутан борлуулагч” шоу дуусахад хоёр өдөр үлдлээ. Оюутан залуусынхаа чөлөөт цагаа зөв боловсон өнгөрөөх, бизнес сэтгэлгээг хөгжүүлэх зорилгоор явуулж буй шоу маань амжилттай явагдаж байна.
Манай шоуны оролцогч БОС баг маань SKY их дэлгүүр дээр хоёр өдрийн борлуулалтаа хийж байгаа нь энэ.
Бусдаас онцгой шинэ санаа гарган өрсөлдөж буй тэдний хувьд манай шоуны өрсөлдөөны гол эздийн нэг байгаа.
2010-10-27
Ингээд БОС багта амжилт хүсье.
Гараа ойртож байгаа шүү залуусаа.
- Smart engineering Баг
Барилгын бүх төрлийн мэдээлэлтэй “Барилга.МН” сэтгүүлээс оюутан борлуулагч шоуг зохион байгуулж байгаа билээ.
Оюутнуудынхаа чөлөөт цагийг зөв боловсон өнгөрөөх, бизнес сэтгэлгээг хөгжүүлэх, хөдөлмөрийн үр шимийг хүртээх зорилготой уг шоу маань долоо хоногийн хугацаанд 10 баг оролцон өрсөлдөж байна.
Тэдний нэг ШУТИС-ын БИАСургуулийн “Smart engineering” баг өнөөдөр өөрсдийн сургууль дээрээ өдөрлөг зохион байгууллаа. Оюутан залуус барилгачин оюутныхаа дунд “Барилга.МН” сэтгүүлээ сурталчлан таниулж, борлуулалтаа хийлээ.
2010-10-25
