Идэвхтэн бичигч

Идэвхитэн бичигчдийг урьж байна

Барилгын салбарын хөгжил жилээс жилд өсөн нэмэгдэж байгаа өнөө цагт салбарын шинэ соргог мэдээ мэдээллийг олон нийтэд хүргэх, түгээн дэлгэрүүлэх  зорилгоор Барилга.МН сэтгүүлийг эрхлэн гаргаад багагүй хугацааг үдлээ.

Бидний дугаар бүрийг алгасалгүй уншдаг, мэргэжилтэн болон уншигч та бүхнийхээ дуу хоолойг, салбарын өнөөгийн бодит, тулгамдсан асуудлыг олон нийтэд хүргэх зорилгоор Идэвхитэн бичигчдийн уралдаан зарлаж байна.

Барилгын салбарын өнөөгийн байдал, тулгамдсан асуудлыг хөдлөшгүй баримтан дээр дэлгэн тавьж, иргэд олон нийтэд салбарын мэдээллийг цаг алдалгүй хүргэх бидний зорилгод нэгдэн ажиллах хүсэлтэй үзэг нь хурц үг нь цэцэн идэвхитэн бичигч хэн бүхний өмнө манай сэтгүүлийн хуудас нээлттэй байх болно.

            Бодож яваа бүхнээ бусдад хүргэх, шинэ санаагаа ажил хэрэг болгох, өөрийн мэдлэгээ бусдад хуваалцаж заавар зөвлөгөө өгөх чин хүсэл эрмэлзэлтэй та бүхэнд алтан боломж нээн өгч байгаадаа “Барилга.МН” сэтгүүлийн хамт олон баяртай байгаагаа та бүхэндээ хэлэхэд таатай байна.            

Нас, хүйс, мэргэжил харгалзахгүй уншигч та бүхэн манай уралдаанд оролцохын зэрэгцээ он солигдох мөчид шилдэгээр шалгарах бүрэн боломжтой юм.

 

 

Идэвхитэн бичигчдийг шалгаруулах журам

Барилгын салбарын хөгжил жилээс жилд өсөн нэмэгдэж байгаа өнөө цагт салбарын шинэ соргог мэдээ мэдээллийг олон нийтэд хүргэх зорилгоор Барилга.МН сэтгүүлийг эрхлэн гаргаад багагүй хугацааг үдлээ.

Бидний дугаар бүрийг алгасалгүй уншдаг, мэргэжилтэн болон уншигч та бүхнийхээ дуу хоолойг, салбарын тулгамдсан болон өнөөгийн бодит байдлыг олон нийтэд хүргэх зорилгоор Идэвхитэн бичигчдийн уралдаан зарлаж байна.

Та бүхний нийтлэл бидний зорилго чиглэлд нийцэж байвал бидэнд илгээн хамтран ажиллахыг санал болгож байна. Бид таны оюуны хөдөлмөрийн олон нийтэд хүргэн сурталчилан таниулахын сацуу шилдэгийг шалгаруулан урамшуулах болно.

Уралдааны зорилго: Барилгын салбарын мэдээллийг олон нийтэд түгээх, салбарын тулгамдсан асуудлыг хөндөн тавих, гарах гарцыг олох, иргэдэд мэргэжлийн заавар зөвлөгөө өгөхөд оршино.

Агуулга: Барилгын салбарын өнөөгийн байдал, дэлхий дахинаа шинээр нэвтэрч буй дэвшилтэт техник, технологи, салбарын тулгадмсан асуудал, түүнийг шийдвэрлэх арга зам, амины орон сууц барих, ашиглахтай холбогдсон олон талт заавар зөвлөгөөг олон нийтэд хүргэх, түгээн дэлгэрүүлэх зорилтыг дэвшүүлсэн байна.

Шалгаруулалт: Идэвхитэн бичигчдийн уралдаанд ирүүлсэн материал бүрийг хүлээн авч Барилга.МН сэтгүүлд нийтлэнэ. Жилийн эцэст шилдэг нийтлэлийг шалгаруулна. Оролцогч та бүхэн материалаа Барилга.МН сэтгүүлийн setguul@barilga.mn хаягаар ирүүлэх буюу өөрийн биеэр сэтгүүлийн редакцид авчирч өгнө.

Шаардлага:

-       сэтгүүл зүйн бичдэгийн аль ч төрлөөр бичиж болно.

-       сэдвийн хүрээнд өөрийн үзэл бодлоо баримт нотолгоон дээр тулгуурлан чөлөөтэй, цэгцтэй илэрхийлсэн байна.

-       үндсэн бичлэг компьютерийн Ariel фондоор 12-ын хэмжээтэй бичигдсэн 4-5 хуудас байна.

-       өөрийн овог нэр, холбоо барих утас, хаяг, цахим хаягаа нүүр хуудсан дээр тодорхой бичсэн байна.

-       насны хязгааргүй, мэргэжил харгалзахгүй оролцох боломжтой.

Хугацаа:

2012 оны 12 сарын 10-ыг дуустал үргэлжлэнэ. Уралдааныг дүнг 2012 оны Барилгын салбарын шилдэг шалгаруулах цэнгүүн дээр танилцуулж, шагнал гардуулна.


Сэтгэгдэл

  • T.Natsagdorj
    2011-10-29 17:28
    Миний хувьд уралдаан гол биш. Харин баригдаж байгаа барилгуудад "Орон сууц захиалан бариулах гэрээ" гэж хийгдэх юм. Гэрээний загварыг барилга барьж байгаа ямарч компани дээр очоод үзэж болно. Гэрээ нь нэг талаас барилгыг барьж ашиглалтанд оруулах үүрэгтэй гүйцэтгэгч компани, нөгөө талаас орон сууцыг худалдан авах хүсэлтэй иргэдийн хооронд байгуулдаг гэрээ юм. Энэхүү гэрээнд хэд хэдэн зөрчил байгаа бөгөөд орон сууцыг захиалж байгаа иргэд ихээхэн хохирохоор гүйцэтгэгч нь бараг хариуцлага хүлээхгүй байхаар гэрээнүүд хийгдэж байна. Үүнд: 1. Гэрээнд гэрээ байгуулж байгаа хоёр талын эрх, үүрэг тэгш шудрага байх зарчим байхгүй байна. Үүнд захиалагчийн үүрэг дэндүү хатуу бөгөөд захилагч төлбөрөө төлж чадаагүй хугацаа хэтэрсэн хоног тутамд төлөх үнийн дүнгийн 0.1 хувьтай тэнцэх хэмжээний алдангийг төлөхөөр заасан байх юм. 2. Гэтэл бэлтгэн нийлүүлэгч орон сууцыг хугацаанд нь оруулаагүйн төлөө ямарч хариуцлага хүлээхгүй байхаар заалттай. Уул нь захиалагч орон сууцаа захиалж орон сууцны үнийн тодорхой хувь, урьдчилгааг (30-70%)-г төлдөг. 3. Захиалагч нь энэхүү гэрээг дангаараа зөрчиж орон сууцаа авахгүй тохиолдолд төлсөн нийт төлбөрийнхөө 20 хувийг алдангад төлж үлдсэн хэсгийг авна гэсэн дарамталсан шудрага бус нэг талыг барьсан заалт байна. Гэтэл захилагчид учирсан хохирол, алдангийг төлөх талаар бэлтгэн нийлүүлэгч хариуцлага хүлээх тухай заалт алга байна. Захиалагчийн эрх гэвэл: 1. Урьдчилан танилцах эрхтэй. 2. Бэлтгэн нийлүүлэгч буюу гүйцэтгэгчээс захилагчид мэдэгдсэнээс хойш 14 хоногийн дотор өрөөний дотоод зохион байгуулалтыг өөрчлүүлэх хүсэлт тавих эрхтэй. Эдгээр эрх гэж байгаа заалтуудыг эрх гэж үзэхэд хэцүү юм. Мэдээж захилага өгөхийн тулд танилцах, саналаа хэлэх эрхтэй шүү дээ. 3. Бэлтгэн нийлүүлэгч буюу гүйцэтгэгч үүргээ биелүүлээгүй тохиолдолд захиалагчаас гэрээг цуцлахыг хүсвэл үндэслэл бүхий саналаа бичгээр гаргаснаас хойш 30 хоногийн дотор шийдвэрлүүлнэ гэсэн ерөнхий заалт байх юм. Энд захиалагчийн хохирлыг буюу урьдчилгаа авч ашигласан учраас урьдчилгааны хэмжээ, хугацаанаас хамааруулж тооцсон алдангийг мөн хоног тутамд 0,1%-ийн алдангийг төлөх ёстой шүү дээ. Захиалга өгч буй иргэд бүгд хуульчид биш. Тэд бүгдийг нарийн мэдэх алба бас байхгүй. Гэхдээ иргэдийн мэдэхгүйг далимдуулж барилгын компаниуд өөрсөддөө ашигтай гэрээ хийгээд байгааг хянадаг, засаж залруулдаг баймаар байна.
  • Ganbat
    2011-11-10 21:58
    Хотын захиргаа иргэдийн газрыг 1м.кв-г 100мян. төгрөгөөр үнэлж байгаа нь цэвэр дээрэм, луйварын шинжтэй байна.Үнийг би тоо баримт, тооцоогоор баталаад өгч болно.Мэр Мөнхбаярыг энэ тал дээр шударга мэтгэлцээнд дуудаж байна.
  • Barsbold
    2011-11-14 16:49
    заавал А4 форматаар 4-5 хуудас байх юм уу
  • Odgerel
    2012-01-05 17:03
    hi. zaaval tiim hemjeetei bh albagui ch tanii heleh gd bgaa uzel bodol zaaval bagtsan bh shaardlagatai

Та нэвтэрч орсны дараа сэтгэгдэл бичих боломжтой болно. Энд дарж нэвтэрнэ үү.