• ХАЯГ : Монгол улс, Улаанбаатар хот, Баянзүрх дүүрэг, 6-р хороо, 21-р сургуулийн баруун талд
  • 77111777 91000222 91000233
Товч танилцуулга
Гишүүнчлэл: PLATINUM
Үйл ажиллагааны чиглэл: Төсөл, хөтөлбөрүүд
Суурин утас: 77111777
Гар утас: 91000222
91000233
И-Мэйл:
Вэб: http://setguul.barilga.mn
Лого татах
Менежертэй холбоо барих
Танилцуулга

“БАРИЛГА.МН” СЭТГҮҮЛИЙН ТАНИЛЦУУЛГА

          "Барилга.МН" сэтгүүл нь 2010 оны 3 дугаар сараас эхлэн олон нийтийн хүртээл болсон бөгөөд өдгөө байнгын уншигчид, хамтран ажилладаг байгууллага, хэвлэлтийнхээ тоогоор салбартаа тэргүүлдэг билээ.

Тус сэтгүүл нь сар тутам 3000-5000 хувь хэвлэгдэхийн сацуу барилга орон сууц, интерьер дизайн, амины орон сууц, засвар үйлчилгээний зөвлөгөө, үнэ ханш, барилгын зах зээлд болж буй шинэ соргог мэдээ мэдээлэл, хууль эрх зүй, дэлхийн шилдэг архитектор дизайн, техник технологийн зэрэг цогц мэдээллийг уншигчдадаа хүргэсээр ирлээ. Түүнчлэн  барилгын салбарт үйл ажиллагаа явуулж буй ААН байгууллага, иргэдийн үйл ажиллагаа, шинэ бүтээгдэхүүн, техник технологийн мэдээлэл, зөвлөгөө, бизнес санал зэргийг олон нийтэд хүргэж, өргөн цар хүрээг хамран хамтран ажилладаг. Төрийн болон төрийн бус байгууллага, сургалт судалгааны төвүүдтэй хамтын үйл ажиллагааны гэрээ байгуулан ажиллаж, барилгын салбарт холбогдох цаг үеийн тулгамдсан асуудал, хууль, тогтоомж, шийдвэр зөвлөмжүүдийн талаарх мэдээллийг тогтмол хүргэдэг.

Уншигчид маань даацтай, жинтэй хамгийн шинэлэг мэдээлэл авахын зэрэгцээ ахуйн зөвлөгөө, хэн бүхэн уншихуйц сонирхолтой, шинэлэг нийтлэл, мэдээ мэдээллийг унших дуртай сэтгүүлээсээ авч чаддаг нь бидний давуу тал юм.

Сэтгүүлийн булан

Дугаарын зочин: Барилга, үл хөдлөх хөрөнгийн салбарын онцлох хүнийг урьж, ярилцдаг.
Хөндөх сэдэв: Барилгын салбарт тулгамдаж буй асуудлыг хөндөх, түүнийг шийдвэрлэх гарц хайх, шийдвэр гаргагчдын түвшинд салбарынхны дуу хоолойг хүргэх чухал булан юм.
Харах өнцөг: Тухайн асуудлаар холбогдох мэргэжилтнүүдээс тодруулга авч, үзэл бодлыг нь тусгадаг.
Ажлын нэг өдөр: Салбарт амжилттай яваа залуу эрхмийн ажлын нэг өдөртэй танилцаж, сэтгүүлч ажлын талбарт харж үзсэнээ ярилцлага эсвэл сурвалжилга байдлаар бэлтгэдэг.
Мэргэжлийн зөвлөмж: Сэтгүүлийн тухайн сарын онцгойлсон сэдвийн хүрээнд мэргэжлийн байгууллага, ИТА-нуудын хүргэх зөвлөмжийг хүргэдэг булан.
Мэргэжилтний үг: Барилгын салбарынханд, бусад инженер техникийн ажилтнуудад хүргэх мэргэжлийн зөвлөмжийг хүргэнэ.
Амины орон сууц: Амины орон сууц барих болон бариулахаар төлөвлөж буй иргэд, хувь хүмүүст зориулсан байшингаа чанартай, боломжийн үнээр барьж болох тухай зөвлөмж, өртөг, орц материалын мэдээлэл орно.
Интерьер: Дотоодын интерьер дизайнеруудын содон, өвөрмөц шийдэл бүхий интерьерийн шийдлүүдийг танилцуулах булан.
Үнэ ханш: Шинэ орон сууц болон барилгын материалын үнэ ханшийн судалгааг тогтмол хүргэдэг булан.
Онцлох орон сууц: Стандарт, стандарт сайн, тансаг гэсэн ангиллаар тус бүр нэг орон сууц сонгон авч, танилцуулга, орц материал зэргийн мэдээллийг хүснэгтэд оруулж, харьцуулах хэлбэрээр бэлтгэдэг.
Сонин содон: Энтертаймент мэдээ, мэдээлэл багтана.
Хэрэглэгчийн булан: Иргэдэд хэрэгцээтэй, энгийн, өөрсдөө бэлтгэж зүйлсийн мэдээллүүд
Архитектур: Монголын болон гаднын өвөрмөц, сонин содон архитектур болон түүний мэдээлэл
Дэвшилтэт технологи: Сүүлийн үеийн техник, технологийн мэдээлэл
Гадаад мэдээ: Салбарын орчуулгын мэдээ
Мэдээ, мэдээлэл: Үүнд тухайн сарын дотоодын Тойм мэдээ, гадаад, дотоодын Энэ сард юу болох вэ болон бусад мэдээ багтана.
Монголд үйлдвэрлэв: Үйлдвэрлэлийн сурвалжилга
Хуулийн булан: Хуульчийн зөвлөгөө, мэдээлэл
Жич: Дээрх булангууд сар бүр тогтмол ордоггүй. Тухайн нөхцөл байдлаас мөн хуудас дүүргэлтээс шалтгаалан ээлжилж ордог болно.
 
Сэтгүүлийн бодлогын зөвлөл

  • Барилга.МН сэтгүүлийн Эрхлэгч А.Мягмаржав
  • БХБЯ-ны БТГ-ын мэргэжилтэн А.Энхтүвшин
  • МБМҮХ-ны Гүйцэтгэх захирал О.Лхагвадорж
  • СЭЗДС, Санхүүгийн тэнхимийн дэд профессор, эдийн засагч Ж.Дэлгэрсайхан
  • ШУТИС-ийн  БАС-ийн доктор, дэд профессор Д.Сүнжидмаа
  • Архитектор З.Оюунбилэг
  • “Тулга проект” ХХК-ийн захирал Г.Тулга /конструктор инженер/
  • ШУТИС, Барилгын эрчим хүч хэмнэлт төвийн захирал, МБИХ-ны Ерөнхийлөгч Б.Мөнхбаяр
 
Сэтгүүлийн албаны баг
 
“БАРИЛГА.МН” сэтгүүлийн баг нь:
  • Гүйцэтгэх захирал
  • Эрхлэгч
  • Ерөнхий редактор
  • Сэтгүүлч
  • Дизайнер
  • Борлуулалтын менежер
  • Менежер 3
  • Санхүүч
  • Хуулийн зөвлөх
  • Админ гэсэн 12 хүний бүрэлдэхүүнтэй.
Дэлгэрэнгүй

Видео мэдээлэл
Мэдээ мэдээлэл