Фасадны хавтан: Хавтангаар хийгдсэн фасадны заслыг хуурай гэх ба энэ засал нь амьсгалдаг мөн дулаан болон дуу чимээг сайн тусгаарладаг. Угсралтын ажлыг дурын улиралд хийх боломжтой, урьдчилан гадаргууг тусгай аргаар бэлтгэх шаардлагагүй. Дутагдалтай тал нь угсрахад хөдөлмөр зарцуулалт ихтэй. Давуу тал нь: бат бэх, олон төрлийн хавтангаар төрөл бүрийн өнгө гарган хийх боломжтой байдаг.




Полимер өнгөлгөөтэй металл фасад: Металл хавтангууд удаан эдэлгээтэй, эрс тэс уур амьсгалд зохицсон байдаг. 



Модон суурьтай хавтангууд дулаан орчныг бүрдүүлнэ.

 

Өнгөлгөөний тоосго: Даацын хана, гадна ханын өнгөлгөөнд хэрэглэхэд тохиромжтой. Өнгөлгөөний тоосго нь олон төрлийн гадаргуутай/ бүрсгэр, гялгар/ , өнгөний сонголттой, төрөл бүрийн хэлбэртэй /тэгш өнцөгт, дугуй ирмэгтэй, булангийн, эмжээрийн/ үйлдвэрлэгдэж байна.  Гол давуу тал: хүйтэн тэсвэрлэлт сайтай, механик үйлчлэлд тэсвэртэй, бат бэх, ашиглалтын үеийн зардал бага, удаан хугацаанд гадна төрхөө алддаггүй, дуу чимээ болон дулаан тусгаарлалт сайтай.Гоёл чимэглэлийн гадаад байдал, өнгөний өргөн сонголт, гадна температурт тэсвэртэй байдлаараа  өнгөлгөөний тоосго өнөөг хүртэл хэрэглэгдэж байна.




Гантиг чулуун хана тансаг, өвөрмөц байдлыг бий болгоно.



Чулуун өнгөлгөө нь  сууцан доторхи дулааныг хадгалдаг.



Фасадыг чулуугаар өнгөлөх нь байгальтай ойр байгаа мэдрэмжийг төрүүлнэ.


Бэлтгэсэн: Барилгачин группын зөвлөх инженер С.Тунгалаг