Зурвас бичих
Messenger
Залгах
- Batsuh
Үндэсний хэв шинжийг орчин үеийн шийдэлтэй хослуулж чадсан МУИС-ийн номын сан
Монголын хамгийн анхны орчин үеийн шийдэлтэй, хамгийн шилдэг архитектур төлөвлөлттэй, дэлхийн жишигт хамгийн ихээр нийцсэн гээд олон, олон тодотголтой нэгэн шинэхэн барилга байгууламжийн архитектурын өвөрмөц бас шинэлэг төлөвлөлтийн талаар энэ удаагийн дугаартаа танилцуулж байна. Энэ бол МУИС-ийн номын сан бөгөөд бүрэн цутгамал каркасан, шилэн фассад бүхий 7 давхар барилга байгууламж юм. Нийт 16 мянган ам.метр талбайтай тул нэг зэрэг 700 хүн нэг үйлчлэх хүчин чадалтай ажээ.
Номын сангийн барилгын ажлын зураг төслийг “N.A.P” ХХК хийж, гүйцэтгэгчээр “Барилга корпораци” ХХК ажилласан бөгөөд нийт 120 гаруй инженер, техникийн ажилтан, туслан гүйцэтгэгч зургаан компани хамтран бүтээн босгосон байна. 2015 оны наймдугаар сард шавыг тавьж, 2017 оны дөрөвдүгээр сард улсын комисст хүлээлгэн өгчээ. Ингээд тус номын сангаар хамтдаа зочилъё.
Тухайн барилгын зориулалт, үйл ажиллагааных нь чиглэлийг харгалзаж номын тавиурын хэлбэрээр зохиомжилж, гадна өнгөлгөөний материалыг сонгохдоо орчин үеийн өнгөт шил, чулуу байхаар шийдлийг сонгожээ. Мөн барилгын шилэн хананы өнгө хуваалт нь гадна, дотор (интерьер, экстерьер) архитектур зохиомжийн шийдэл гаргахад уялдаж, шилэн фасад нь өдрийн цагт архитектурын өвөрмөц шийдлийг илтгэх бол шөнийн цагт зам дагуух гэрэлтүүлэг нь барилгыг тодотгосноор өөрийн гэсэн өвөрмөц өнгө төрхийг бий болгож харагдуулж чаджээ.
Архитектур төлөвлөлт: Номын сангийн барилгын архитектур орон зайн төлөвлөлтийг боловсруулахдаа дэлхийн алдартай номын сангуудын жишиг, хийц загвараас санаа авсан байна. Үүний зэрэгцээ хувьсан өөрчлөгдөж байгаа сургалтын бодлого, залуусын төвлөрөл, амарч тухлангаа мэдээлэл авах боломжийг бүрдүүлэх, бий болгох цаашилбал тэднийг гэртээ байгаа мэт тав тухтай байлгахыг зорьсон хэмээн барилгын ажлын зураг төслийг гүйцэтгэсэн “N.A.P” ХХК-ийн хамт олон өгүүлж байсан юм.
Өрөө, тасалгааны зориулалт, үйл ажиллагааны чиглэлийг төрөлжүүлж А, Б, В буюу үндсэн хоёр, туслах нэг блок барилга байхаар төлөвлөжээ. Зарим нэгэн энд зөвхөн ном л уншдаг болов уу гэж эндүүрч магадгүй. Тэгвэл үгүй юм. Та МУИС-ийн брэнд дэлгүүр, кофе шоп, амрах талбайгаас гадна номын дэлгүүр, бүлгээр ажиллах өрөө, сургалтын өрөө гээд зочилж танилцах, амрах газар мундахгүй. Дээр нь уншлагын танхим, гэрээр ном олгох хэсэг, орон судлалын төв, нийгэм, хүмүүнлэгийн ухааны уншлагын танхим, байгалийн ухааны уншлагын танхим, семинарын өрөө, магистр, докторын уншлагын танхим, дижитал хэлбэрт шилжүүлэх номын танхим, номын сангийн сургалтын арга зүйн нэгдсэн төв гэх мэтчилэн өрөө бүхэн өөрийн гэсэн онцлог шинжийг агуулсан архитектур төлөвлөлттэй тул ирсэн хүн бүхний сонирхлыг эрхгүй татдаг.
Хамгийн гол төлөвлөлтийн онцлог, шинэлэг тал нь чөлөөт орон зай, амарч тухлангаа мэдээлэл авах боломжоор хангаж өгсөнд оршиж буй. Мөн амарч тухлах хэсэг нь залууст таатай орчин бүрдүүлж чадсан бөгөөд давхар бүрийн орц, гарц, уншлагын талбай, техник технологийн шинэлэг шийдэл болох унших номоо хайх онлайн цэгүүдийг олноор байршуулахын зэрэгцээ хайсан номоо ч хялбар олох арга буюу өөрөө өөртөө үйлчлэх боломжийг саш сайн хангаж өгч чаджээ.
Байгалийн ухааны уншлагын танхим
Өрөө, танхим бүхэн нь үндэсний хэв шинжийг агуулсан төлөвлөлттэй. Тухайлбал, 180 хүн зэрэг үйлчлүүлэх хүчин чадалтай Байгалийн ухааны уншлагын танхим нь хязгааргүй эрх чөлөө, баялаг, эцэс төгсгөлгүйг бэлгэдсэн уул, үүлэн хээг танхимын интерьерийн шийдэлд тусгасан байна.
Огторгуйг төлөөлж үүлийг уран сайхнаар дүрслэн буулгасан бөгөөд утга агуулга нь хурмаст тэнгэрийн хурын шимээр байгаль дэлхий сэргэж, хүн бүр аз жаргалтай аж төрөхийг бэлгэджээ.
Лекцийн танхим
90 хүн зэрэг үйлчлүүлэх хүчин чадалтай энэхүү уншлагын танхимаа байгаль дэлхий, бодол оюуны гүйцэтгэшгүй сэтгэлгээг бэлгэдэж төлөвлөжээ. Үндэсний хэв маягтай бөгөөд уулан хээг танхимын интерьерийн шийдэлд тусгаж өгчээ.
Мөн галын аюулгүй байдлын үед нүүлгэн, шилжүүлэлт хийх галын орц, гарцыг давхар бүрд дөрөв байхаар төлөвлөжээ. Түүнчлэн аливаа гэмт халдлагаас ажилтан болон оюутан залуус, үйлчлүүлэгчдийг хамгаалах урьдчилан сэргийлэх, номын сангийн фондыг эвдэн сүйтгэх гэмт хэргээс хамгаалах гэх мэтчилэн байгалийн болон хүний хүчин зүйлээс шалтгаалсан үйл явцыг урьдчилан сэргийлэх дохио өгөх, зарлан мэдээлэх, хяналтын камерын аюулгүй байдал, гал унтраах автомат систем зэргийг иж бүрэн цогц байдлаар шийдэж өгснөөрөө давуу талтай ажээ.
Номын сангийн барилгын ажлын зураг төслийг “N.A.P” ХХК хийж, гүйцэтгэгчээр “Барилга корпораци” ХХК ажилласан бөгөөд нийт 120 гаруй инженер, техникийн ажилтан, туслан гүйцэтгэгч зургаан компани хамтран бүтээн босгосон байна. 2015 оны наймдугаар сард шавыг тавьж, 2017 оны дөрөвдүгээр сард улсын комисст хүлээлгэн өгчээ. Ингээд тус номын сангаар хамтдаа зочилъё.
Тухайн барилгын зориулалт, үйл ажиллагааных нь чиглэлийг харгалзаж номын тавиурын хэлбэрээр зохиомжилж, гадна өнгөлгөөний материалыг сонгохдоо орчин үеийн өнгөт шил, чулуу байхаар шийдлийг сонгожээ. Мөн барилгын шилэн хананы өнгө хуваалт нь гадна, дотор (интерьер, экстерьер) архитектур зохиомжийн шийдэл гаргахад уялдаж, шилэн фасад нь өдрийн цагт архитектурын өвөрмөц шийдлийг илтгэх бол шөнийн цагт зам дагуух гэрэлтүүлэг нь барилгыг тодотгосноор өөрийн гэсэн өвөрмөц өнгө төрхийг бий болгож харагдуулж чаджээ.
Архитектур төлөвлөлт: Номын сангийн барилгын архитектур орон зайн төлөвлөлтийг боловсруулахдаа дэлхийн алдартай номын сангуудын жишиг, хийц загвараас санаа авсан байна. Үүний зэрэгцээ хувьсан өөрчлөгдөж байгаа сургалтын бодлого, залуусын төвлөрөл, амарч тухлангаа мэдээлэл авах боломжийг бүрдүүлэх, бий болгох цаашилбал тэднийг гэртээ байгаа мэт тав тухтай байлгахыг зорьсон хэмээн барилгын ажлын зураг төслийг гүйцэтгэсэн “N.A.P” ХХК-ийн хамт олон өгүүлж байсан юм.
Өрөө, тасалгааны зориулалт, үйл ажиллагааны чиглэлийг төрөлжүүлж А, Б, В буюу үндсэн хоёр, туслах нэг блок барилга байхаар төлөвлөжээ. Зарим нэгэн энд зөвхөн ном л уншдаг болов уу гэж эндүүрч магадгүй. Тэгвэл үгүй юм. Та МУИС-ийн брэнд дэлгүүр, кофе шоп, амрах талбайгаас гадна номын дэлгүүр, бүлгээр ажиллах өрөө, сургалтын өрөө гээд зочилж танилцах, амрах газар мундахгүй. Дээр нь уншлагын танхим, гэрээр ном олгох хэсэг, орон судлалын төв, нийгэм, хүмүүнлэгийн ухааны уншлагын танхим, байгалийн ухааны уншлагын танхим, семинарын өрөө, магистр, докторын уншлагын танхим, дижитал хэлбэрт шилжүүлэх номын танхим, номын сангийн сургалтын арга зүйн нэгдсэн төв гэх мэтчилэн өрөө бүхэн өөрийн гэсэн онцлог шинжийг агуулсан архитектур төлөвлөлттэй тул ирсэн хүн бүхний сонирхлыг эрхгүй татдаг.
Хамгийн гол төлөвлөлтийн онцлог, шинэлэг тал нь чөлөөт орон зай, амарч тухлангаа мэдээлэл авах боломжоор хангаж өгсөнд оршиж буй. Мөн амарч тухлах хэсэг нь залууст таатай орчин бүрдүүлж чадсан бөгөөд давхар бүрийн орц, гарц, уншлагын талбай, техник технологийн шинэлэг шийдэл болох унших номоо хайх онлайн цэгүүдийг олноор байршуулахын зэрэгцээ хайсан номоо ч хялбар олох арга буюу өөрөө өөртөө үйлчлэх боломжийг саш сайн хангаж өгч чаджээ.
Байгалийн ухааны уншлагын танхим
Өрөө, танхим бүхэн нь үндэсний хэв шинжийг агуулсан төлөвлөлттэй. Тухайлбал, 180 хүн зэрэг үйлчлүүлэх хүчин чадалтай Байгалийн ухааны уншлагын танхим нь хязгааргүй эрх чөлөө, баялаг, эцэс төгсгөлгүйг бэлгэдсэн уул, үүлэн хээг танхимын интерьерийн шийдэлд тусгасан байна.
Огторгуйг төлөөлж үүлийг уран сайхнаар дүрслэн буулгасан бөгөөд утга агуулга нь хурмаст тэнгэрийн хурын шимээр байгаль дэлхий сэргэж, хүн бүр аз жаргалтай аж төрөхийг бэлгэджээ.
Лекцийн танхим
90 хүн зэрэг үйлчлүүлэх хүчин чадалтай энэхүү уншлагын танхимаа байгаль дэлхий, бодол оюуны гүйцэтгэшгүй сэтгэлгээг бэлгэдэж төлөвлөжээ. Үндэсний хэв маягтай бөгөөд уулан хээг танхимын интерьерийн шийдэлд тусгаж өгчээ.
Мөн галын аюулгүй байдлын үед нүүлгэн, шилжүүлэлт хийх галын орц, гарцыг давхар бүрд дөрөв байхаар төлөвлөжээ. Түүнчлэн аливаа гэмт халдлагаас ажилтан болон оюутан залуус, үйлчлүүлэгчдийг хамгаалах урьдчилан сэргийлэх, номын сангийн фондыг эвдэн сүйтгэх гэмт хэргээс хамгаалах гэх мэтчилэн байгалийн болон хүний хүчин зүйлээс шалтгаалсан үйл явцыг урьдчилан сэргийлэх дохио өгөх, зарлан мэдээлэх, хяналтын камерын аюулгүй байдал, гал унтраах автомат систем зэргийг иж бүрэн цогц байдлаар шийдэж өгснөөрөө давуу талтай ажээ.