Сүүлийн жилүүдэд Улаанбаатар хотод хөдөө орон нутгаас жилд 20,000 гаруй иргэд амьдрах орчноо сайжруулах зорилготой ирж суурьшдаг бөгөөд ихэвчлэн хотын захад, гэр хороололд амьдардаг. Үүнээс үүдэн хот тэлж, агаар, хөрсний бохирдол, байгаль экологийн тэнцвэргүй байдал бий болоод зогсохгүй авто замын түгжрэл, нийгмийн болон хүрээлэн буй орчны асуудал үүсээд байна. Мөн газрын үнийн хөөрөгдөл, орон сууцны үнийн хөөрөгдөл зэрэг хүндрэл бэрхшээл бий болоод байгаа билээ.  Иймд Нийслэлийн орон сууцны корпорациас тулгамдаад буй дээрх хүндрэлүүдийг бууруулах, бага дунд орлоготой иргэдийн орлогод нийцсэн орон сууцаар хангах, орон сууц худалдан авах чадваргүй иргэдийг түрээсийн орон сууцаар хангах зорилгоор дараах төслүүдийг хэрэгжүүлж байна.

Ханын материал орчимд хэрэгжүүлэх түрээсийн орон сууц

Улаанбаатар хотын дагуул хаяа, хот тосгон, шинэ суурьшил хорооллыг хөгжүүлэх зорилготой энэ төслийг нийслэлийн төв цэгээс 7.3км зайд, Сонгинохайрхан дүүргийн 6 дугаар хорооны нутаг дэвсгэрт Ханын материал орчимд гэр хорооллоор хүрээлэгдсэн суурьшил үүсээгүй 5.0 га газарт хэрэгжүүлэх юм. Инженерийн дэд бүтэцтэй энэ газарт 1006 өрхийн түрээсийн орон сууцыг барих бөгөөд нийт газар нутгийн 12 хувьд нь ногоон байгууламж, 25 хувьд нь явган зам, тоглоомын талбай, 16 хувьд цэцэрлэг, 23 хувьд хорооллын доторх зам талбай, 17.2 хувьд нь барилга, орон сууц баригдах ажээ.

 

Ахмадуудад зориулсан энэхүү төслийг нийслэлийн төв цэгээс 17.4км зайд буюу Сонгинохайрхан дүүргийн 1 дүгээр хорооны нутаг дэвсгэр, Баянголын ам орчимд хэрэгжүүлэхээр төлөвлөсөн байна. Инженерийн дэд бүтэцтэй 2000 өрх амьдрах боломжтой тус хотхон нь 840 хүүхдийн сургууль, 400 хүүхдийн цэцэрлэг, 350 ажлын байр бий болгохоор урьдчилсан байдлаар төлөвлөжээ.  

 

 

Морингийн даваа түрээсийн орон сууц

    

Шинэ суурьшил бий болгох зорилгоор хэрэгжүүлж буй энэхүү төслийг хотын төвөөс 18 км зайд буюу Морингийн даваа орчимд 129.0 га газарт барихаар төлөвлөөд байна. Нийт 5325-10000 өрхийн шинэ хотхон, хороолол баригдах бөгөөд нийт газар нутгийн  47.7 га талбайд орон сууц, 21.3 га газарт худалдаа үйлчилгээний бүс, 16.6 га газарт үйлдвэрийн бүс, 27.6 га газарт ногоон байгууламж, амралт, аялал жуулчлалын бүс, 15.9 га газарт инженерийн хангамжийн бүс бий болгох юм.

Буянт- Ухаа спорт цогцолбор орчимд хэрэгжүүлэх түрээсийн орон сууц