Барилга МН сэтгүүл
Үнэлгээ
Нүүр
Мэдээ
Цахим сэтгүүл
Захиалах
Холбоо барих
Танилцуулга татах
Барилга МН сэтгүүл
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Batsuh
А.Золжаргал: 453 айлын дөрвөн орон сууцыг дахин барилгажуулж, ашиглалтад оруулсан
Барилгын тухай, Орон сууцны тухай, Хот, суурин газрыг дахин хөгжүүлэх тухай хуулийн дагуу Барилга, хот байгуулалтын сайдын 2016 оны 126 дугаар тушаалаар батлагдсан билээ. Энэ дагуу ашиглалтын шаардлага хангахгүй барилгыг буулгаж, шинээр дахин барих журам гарсан юм. Улмаар газар хөдлөлтөд тэсвэргүй, ашиглалтын шаардлага хангахгүй нийтийн зориулалттай орон сууцны барилгыг буулгаж, шинээр барих төсөл хөтөлбөр дөрөв дэх жилдээ хэрэгжиж буй. Иймд дахин барилгажуулах ажлын явцын талаар нийслэлийн Хот төлөвлөлт, ерөнхий төлөвлөгөөний газрын мэргэжилтэн А.Золжаргалаас тодрууллаа.
-Ашиглалтын шаардлага хангахгүй барилгыг хэрхэн дүгнэдэг вэ. Иргэд энэ талаарх мэдээллийг хаана өгч болох вэ?
-Газар хөдлөлтийн долоон баллд нурах аюултай, оршин суугчдын амь нас, эрүүл мэнд, эд хөрөнгөд эрсдэл учруулж болохуйц барилгыг ашиглалтын шаардлага хангахгүй орон сууцаар тогтоодог. Мэдээж хэрэг мэргэжлийн байгууллагын дүгнэлт гарч, эдийн засгийн эргэлтэд орох нөхцөл буурсан, өдрөөс өдөрт үнэ цэнээ алдаж буй үл хөдлөх хөрөнгө энэ ангилалд багтана.
Хэрэв иргэд, оршин суугчид ашиглалтын шаардлага хангахгүй байр орон сууцаа дахин төлөвлөлтөд хамруулахыг хүсвэл нэн түрүүнд, нийслэлийн Хот төлөвлөлт, ерөнхий төлөвлөгөөний газарт эзэмшиж буй байр, орон сууцны тухай мэдээллээ албан бичгээр хүргүүлнэ. Дараа нь иргэн, хуулийн этгээдийн саналд үндэслэн, нийслэлийн Хот төлөвлөлт, ерөнхий төлөвлөгөөний газрын Барилгын чанар, аюулгүй байдлын хэлтсээс орон сууцны барилгад биет үзлэг хийж, нийслэлийн Мэргэжлийн хяналтын газарт дүгнэлт хүргүүлж, ашиглалтын шаардлага хангах, хангахгүй эсэхийг тогтоосон дүгнэлт, шийдвэрийг гаргана.
-
Нийслэлийн хэмжээнд дахин барилгажуулах шаардлагатай хэдэн барилга байна вэ?
-Ашиглалтын шаардлага хангахгүй, газар хөдлөлтөд тэсвэргүй нь тогтоогдсон 234 орон сууц байгаа бөгөөд нийслэлийн Мэргэжлийн хяналтын газрын улсын ахлах байцаагчийн дөрвөн удаагийн дүгнэлт гарч, ашиглахыг хориглох шийдвэр гаргасан. Түүнчлэн нийслэлийн Засаг даргын 13 удаагийн захирамжаар Баянгол, Баянзүрх, Чингэлтэй, Хан-Уул, Сонгинохайрхан, Налайх дүүргийн 143 барилгыг буулган, дахин төлөвлөж, барилгажуулах тухай шийдвэр гараад байна. Эдгээр 143 барилгыг 49 багц төсөл болгож, төсөл хэрэгжүүлэгчийг сонгон шалгаруулах нээлттэй урилга зарласан. Одоогийн байдлаар 24 багцад төсөл хэрэгжүүлэгч шалгарч, журмын дагуу дахин төлөвлөлтийн ажил хийгдэж байна.
-Өнөөдрийн байдлаар яг хэдэн орон сууцны барилгыг буулгаж, шинээр барих үйл ажиллагаа явагдаж байна вэ?
-Одоогоор 24 багц төслийн хүрээнд нийт 72 барилгыг буулгаж, шинээр барих үйл ажиллагаа явагдаж байна. Дахин барилгажуулж, ашиглалтад оруулсан барилгын тухайд нийт 416 айлын 24 орон сууцыг буулгаж, 453 айлын дөрвөн орон сууцыг ашиглалтад оруулаад байгаа. Нэмээд энэ оны дөрөвдүгээр улиралд багтаан таван орон сууцыг шинээр ашиглалтад оруулахаар төлөвлөсөн. Мөн энэ онд буулгасан 15 орон сууцны барилга угсралтын ажил хийгдэж байгаа бөгөөд ирэх оны 1-3 дугаар улиралд багтаан ашиглалтад оруулахаар төлөвлөн ажиллаж байна.
Буулгасан:
2015 он
Ашиглалтанд орсон: 2016 онд 64 айлын
Буулгасан:
2015 он
Ашиглалтанд орсон: 2016 онд 167 айлын орон сууц
Буулгасан: 2016 он
Ашиглалтанд орсон: 2016 онд 70 айлын орон сууц
Буулгасан: 2017 он
Ашиглалтанд орсон: 2018 онд 152 айлын орон сууц
-
Төсөл хэрэгжих хугацаанд тухайн байрны оршин суугчдад нөхөн олговор олгох, эсвэл түр оршин суух байраар хангадаг уу?
-Хуулийн дагуу төсөл хэрэгжүүлэхээр газар, үл хөдлөх эд хөрөнгийн өмчлөгч, эзэмшигч болон нийслэлийн Засаг даргатай гурван талт гэрээ байгуулсан хуулийн этгээдийг төсөл хэрэгжүүлэгч гэнэ. Төсөл хэрэгжүүлэгч нь хуучин барилгыг буулган шинээр барих хүртэлх хугацаанд оршин суугчдыг амьдрах болон түр сууцаар хангах үүрэгтэй гэж заасан байдаг. Мөн харилцан тохиролцсоны үндсэн дээр орон сууцны шууд худалдан авалт хийж бас болох заалт бий.
Бэлтгэсэн: Г.Сондор
барилгын
салбар