Улаанбаатар хотод нэг хүнд ногдох ногоон байгууламжийн эзлэх хувь 2005 оны байдлаар 8 метр.кв байсан бол 2018 онд 2,4 метр.кв болтлоо буурч, ногоон байгууламж бүхий 595 га газар өнөөдөр  387 га-д хүрч, эрс багассан байна. Гэлээ ч сүүлийн жилүүдэд дээрх тоог нэмэгдүүлэхэд онцгой анхаарч, нийслэлээс чамгүй ажил хийж байна.

“Барилга.МН” сэтгүүлийн редакц долдугаар сарын дугаарт ХОТЫН НОГООН БАЙГУУЛАМЖ, түүнийг тойрсон асуудлыг онцолж сурвалжиллаа.


Дугаарын зочин: Барилга, хот төлөвлөлтийн салбарт олон олон мэргэжилтнүүдийг бэлтгэж яваа ШУТИС, БАС-ийн Архитектурын салбарын ахлах багш, архитектор, өнөө цагийн түүхийг тэмдэглэн үлдээх хүсэлтэй Сүхбаатарын Амгалангийн ярилцлагыг хүргэж байна.
​  

Энэ сараас эхлэн Барилга, Хот Байгуулалтын Яамнаас хамгийн сүүлд хийсэн Монгол Улсын ойрын гурван жилийн орон сууцны эрэлт хэрэгцээг тодорхойлсон судалгааг цувралаар хүргэхээр боллоо.

    Сэтгүүлийн редакциас био жорлонгийн шийдлүүдийг танилцуулсаар ирсэн. Энэ удаад ус болон цахилгаан хэрэглэдэггүй, хуурайшуулах шийдэлтэй компостлох хоёр төрлийн жорлонгийн шийдлийг танилцуулж, түүнд таарах бүхээгийн барих аргачлалыг багтаалаа.

Соён гэгээрүүлэх, танин мэдүүлэх үүргийнхээ дагуу “Барилга.МН” сэтгүүлийн редакц 98 дахь дугаараа ийн таны гарт өргөн барьж байна.
 

Ногоон байгууламж, мод, зүлэг, цэцэг нэг бүрийг хайрлан хамгаалцгаая.