Барилгын салбарын зах зээлд хамгийн эрэлт хэрэгцээтэй байдаг сэдвүүдээр судалгаа, мэдээлэл бэлтгэн хүргэдэг “БАРИЛГА.МН” сэтгүүлийн 99 дэх дугаар уншигч та бүхний гарт хүрч байна.

   Намрын дулаан өдрүүд айлчлан ирж буй энэ үед барилгын ажил ид өрнөж байдаг учир барилгын материалын үнэ ханшийн бодит мэдээлэл ихээхэн хэрэгтэй байдаг. Тиймээс бүтээн байгуулагчид, барилгачид, хэрэглэгчиддээ зориулан үнэ ханшийн мэдээлэл, Арматурын зах зээлийн судалгааг онцгойлон бэлтгэлээ.
           
   Дараагийн онцлох сэдэв бол шинэ орон сууцны үнэ ханш, төслүүдийн мэдээлэл юм. Жилийн энэ улиралд их хотын хөл хөдөлгөөн эрчимтэй нэмэгдэж, тэр хэрээр зах зээл идэвхжиж байдаг билээ. Энэ нь орон сууцны борлуулалтад ч онцгой нөлөөтэй байдаг. Тиймээс шинэ байр авахаар зэхэж буй иргэддээ энэ удаад нийслэл хотын зургаан дүүрэгт хэрэгжиж, захиалга авч буй 200 орчим төслийн мэдээллийг шинэчлэн хүргэж байна.
           
   Түүнчлэн намрын хамгийн том барилга, орон сууцны үзэсгэлэн явагддаг улирал учир барилгын компаниуд, төсөл хэрэгжүүлэгчид, барилгын материал үйлдвэрлэгчид, дэвшилтэт технологи нэвтрүүлэгчдэд зориулсан “Үзэсгэлэн яармагт амжилттай оролцох алтан дүрмүүд” үнэт зөвлөмжийг бэлтгэсэн юм.
           
   Салбарын онцлох хүн, хэрэгцээт зөвлөмжүүд, сонирхолтой мэдээллүүдийг шинэ дугаараас шимтэн уншаарай.