АНУ-ийн Калифорни мужийн Студио хот дахь дуучин, жүжигчин, продюсер Селена Гомезийн шинэ гэрийг энэ удаад танилцуулж байна. Түүний амьдардаг байшинг 1951 онд уламжлалт хэв загвараар барьжээ. Ердөө нэг давхар хаус нь 3188 ам метр талбайтай.

Байшингийн дотор талыг онцолвол гэрэл сайн тусдаг, том цэлгэр цонхнуудтай. Гэрийнхээ шалаа эртний хэлбэрээр нь үлдээсэн бөгөөд харин хуучин өнгийг нь сэргээн өнгөлжээ.

Гал тогоондоо тоосгон пийшэнтэй бөгөөд гал тогоо,  унтлагын өрөөгөө гантиг чулуугаар нэмж чимэглэсэн байна. Өрөөний зохион байгуулалтын тухайд тухалж суух нэг том, унтлагын хоёр цэлгэр өрөөтэй. Эмэгтэй хүн бүр гал тогоогоо бүрэн тоноглохыг хүсдэг. Селена ч энэ “дүрэм”-ийг хэрхэн мөрдсөнийг гэрэл зургаас харж болно. Үргэлжийн сайхан бие галбиртай байхыг охид, бүсгүйчүүд хүсдэг нь лавтай. Ялангуяа, Америк од Селена гоо сайхан, бие галбиртаа анхаардаг учир тэрбээр фитнесс өрөөгөө бүрэн тоноглохоо ч мартсангүй.

Харин гадна тохижилтоо төлөвлөхдөө байшингаа өндөр ургаа модоор хүрээлүүлэн хашаалсан бөгөөд усан үзэм болон жимсний мод тарьж, ургуулсан нь ихэд сонирхол татна. Мэдээж оддын гэрийг усан сан, ногоон зүлэггүйгээр төсөөлөхийн аргагүй. Ингээд Селена Гомезийн гэрээр хамтдаа зочилцгооё.

 






  
Бэлтгэсэн: Г.Сондор