Хонконг-Жухай-Макаог холбосон 55 км буюу 34 миль урт гүүрийг Хятадын өмнөд эрэгт барьжээ. Гүүрийн бүтээн байгуулалт 2009 онд эхэлж, есөн жилийн турш үргэлжилсэн бөгөөд өнөөдөр албан ёсоор нээлтээ хийлээ. Далай дээрх хамгийн урт гэгдэж буй Жухай нэрт гүүрийг хамгийн агуу бүтээн байгуулалт гэж тодотгоод байна.  Энэ гүүр нь уртаараа Сан Францискогийн алдарт Golden Gate гүүрнээс 20 дахин урт юм. Мөн Хонконг, Макао, Хятадын өмнөд хэсгийн есөн хотыг холбосон бөгөөд 20 тэрбум ам долларын өртгөөр босжээ. Гүүр ашиглалтад орсноор хот хоорондын зорчих цагийг үлэмж ихээр бууруулна гэж тооцоолсон байна. Энэ бүс нутагт нийт 70 сая хүн амьдардаг бөгөөд гүүр нь хоёр хиймэл арлаар дамжин, зарим хэсэг нь усан доогуурх хонгилоор үргэлжилдэг.  Гүүрийг барьсан бүтээн байгуулагчдаас ойрын 100 жилд ямар нэг далайн шуурга, газар хөдлөлтөд эвдрэхгүй гэсэн баталгаа өгч буй.





 Одоогоор Хонконг, Макао хоорондын автобусыг усан онгоцны тусламжтайгаар туулдаг бөгөөд тус гүүр нь ашиглалтад орсноор нийт аяллын хугацааг 3.30 цагаар богинох аж. Том оврын хөлөг онгоцыг нэвтрүүлэхийн тулд гүүр нь дундуураа 6.7 км усан доогуур хонгилоор явдаг байна. Гүүрийн хоёр хэсэгт Хонконг явахын тулд паспорт шалгадаг хоёр цэг ажиллаж байгаа юм байна.