Хайр халамж, баяр баясал, инээд хөөр, аз жаргалын амтыг шингээсэн амтлаг хоол гал тогоонд бүтдэг. Гэр бүлтэйгээ нандин мөчөө хуваалцаж, бие биетэйгээ халуун дулаан яриа өрнүүлж, цагийг аз жаргалтай өнгөрүүлдэг өрөө бол галын өрөө юм. Иймд гэр бүлийн гишүүдийн эрүүл мэндийг сахин хамгаалдаг гал тогоог зөв төлөвлөх нь хамгаас чухал. Гал тогоог  төлөвлөхдөө сууцны байршил, хэмжээ, хэлбэр, гэр бүлийн гишүүдийн тооноос хамаар ч төлөвлөнө. Иймд эрхэм уншигч танд гал тогооны төлөвлөлтийн талаарх дэлгэрэнгүй зөвлөгөөг хүргэж байна.

  Талбай багатай орон сууцанд зэрэгцээ гал тогоог байршуулах нь нэн тохиромжтой. Энэ гал тогоо нь өрөөний нийт талбайгаас ердөө 1.2 ам метр талбайг л эзэлнэ. Иймд давхар эгнээ гал тогоо нь залуу хосуудын хувьд төгс шийдэл юм. Гэхдээ шугамуудын хоорондох зай хамгийн багадаа нэг метр байх ёстой гэдгийг мартаж болохгүй. Ингэснээр хаалгыг онгойлгох зэргээс эхэлж  хэрэглэхэд илүү хялбар байх болно.

  Энэ төрлийн гал тогоо нь жижиг талбайтай орон сууцанд 3.5 ам метрээс илүүгүй байх нь тохиромжтой.

  L хэлбэрийн гал тогоо нь айл өрхүүдийн дунд хамгийн түгээмэл байдаг. Учир нь энэ гал тогоо нь жижиг дунд өрөөнд хамгийн тохиромжтойгоос гадна 8-10 ам метр талбайг хамарна. Булангийн гал тогоо нь өрөөний орон зайг оновчтой ашиглаж чаддагаараа давуу талтай. Мөн L хэлбэрийн гал тогоо нь хэт нарийхан тул том өрөөнд тохиромжгүй гэдгийг анхаараарай.


 

  Янз бүрийн хэмжээтэй өрөөнд ашиглаж болох хамгийн тохиромжтой байрлал нь 10-12 ам метр талбай юм. Гал тогооны хэрэгсэл, тоног төхөөрөмжийг гурван хананы дагуу бүлэглэж, тус бүрээр нь хуваарилж U хэлбэрээр байршуулна. U хэлбэрийн гал тогоонд  гэр ахуйн цахилгаан хэрэгсэл байрлуулах зай их байдгаараа давуу талтай.


 

  Аралан гал тогоон ихэвчлэн 16 ам метрээс том талбайтай өрөөнд тохиромжтой. Гал тогооны төвд байрлах ажлын талбай эсвэл хоолны ширээг арал гэж ойлгож болно. Иймд арал нь янз бүрийн хэмжээтэй, дөрвөлжин, дугуй, тэгш өнцөгт гэх мэт янз бүрийн хэмжээ, хэлбэртэй байж болно.