Барилга МН сэтгүүл
Үнэлгээ
Нүүр
Мэдээ
Цахим сэтгүүл
Захиалах
Холбоо барих
Танилцуулга татах
Барилга МН сэтгүүл
Танилцуулга татах
Зурвас бичих
Messenger
Залгах
Нүүр
Мэдээ, мэдээлэл
Batsuh
Найм дахь намартайгаа золгож буй “Барилга.МН” сэтгүүлийн IV улирлын захиалга эхэллээ
Барилга бол хүн төрөлхтний оюуны том бүтээл юм. Хот, байшин, гэр, сууц, овоохой гээд бүгдийг хүний оюун ухаан, хүч хөдөлмөрөөр бүтээдэг. Энэхүү хүн төрөлхтний бүтээдэг, байгуулдаг оюуны бүтээлийг “Барилга.МН” сэтгүүл олон нийтэд түгээсээр найм дахь намартайгаа золгож байна.
Өнгөрсөн найман жилийн хугацаанд бид тасралтгүй хөгжих, хүндэт уншигчдаа хамгийн сүүлийн үеийн мэдээ, мэдээллээр хангахаар уйгагүй ажиллалаа. Тиймээс ч бид есдүгээр сард 100 дахь дугаараа нэр төртэйгээр өлгийдөн авч, барилгын салбарын цор ганц дагнасан сэтгүүл гэдгээ тунхаглаж чадлаа. Энэ бол уншигч та бүхний, барилгын салбарын удирдах ажилтан, инженер, техникийн ажилтан, барилгачид, барилга, амины орон сууц сонирхогчдын маань хамтын хүч хөдөлмөр, үр өгөөж байсныг онцлох нь зүйтэй.
Түүхийн хуудсыг бид цааш нь эргүүлж байна. Аравдугаар сард гарах “Барилга.МН” сэтгүүлийн 101 дэх дугаарын хүндэт зочин хойморт барилгын салбарт хоёргүй сэтгэлээр зүтгэж, бахдам амжилтаа ирээдүйн бүтээн байгуулагчдад түгээж яваа мундаг бүсгүйг урьж, оролцууллаа. Түүнчлэн хүйтний ам наашилж, хөхүүрийн ам цаашилж байгаа энэ цагт хэн бүхний санааг зовоосон утааны асуудлыг “Хөндөх сэдэв”-ээр онцолно. Агаарын бохирдлыг бууруулах чиглэлээр төр, засгаас ямар ажил хийж хэрэгжүүлэхээр төлөвлөсөн хийгээд гаднын улс, орнууд утаанаас хэрхэн салсан гээд цогц мэдээ, мэдээллийг хүргэх болно.
“Барилга.МН” сэтгүүл дээр уламжлал ёсоор орон сууцны үнэ ханш, статистик мэдээллийг түгээнэ. Үүний сацуу бид хамгийн сүүлийн үеийн дэвшилтэт технологи, архитектур дизайн, интерьер, экстерьерийн шийдлийг ч танилцуулна. Тиймээс цар хүрээгээ тэлж, илүү хүртээмжтэй, барилгын салбарын шинэ технологи, түүний нууц, дэлхий нийтийн сүүлийн үеийн чиг хандлагыг гаргаж тавихаар зорьж буй “Барилга.МН” сэтгүүлээ таалан болгооно уу.
Сэтгүүл захиалгын код:
- Монгол шуудан 200582 - Улаанбаатар шуудан 200112 - Түгээмэл шуудан 111099
Борлуулалтын цэгүүд:
- Номын дэлгүүрүүд - “Номин” сүлжээ дэлгүүрүүд - “Оргил” худалдааны төвүүд
СЭТГҮҮЛ ЗАХИАЛАХ УТАС: 77111777, 91000233, 91000222
барилгын
салбар