Зурвас бичих
Messenger
Залгах
- Zolo
М.Түмэн-өлзий: Агааржуулалт бол барилгын уушиг, зүрх нь юм
Барилгын агааржуулалтын системд сүүлийн үеийн автоматажсан өндөр зэрэглэлийн техникийн үзүүлэлт сайтай сэнс, тоног төхөөрөмжүүд нийлүүлэгдэж ашиглагдаж байна. Гэвч үүнийг суурилуулах, холбох, угсрах нимгэн төмөр шугам хоолой Монголд учир дутагдалтай байдаг. Энэ асуудлыг шийдэж, Монголдоо дэвшилтэт техник тоног төхөөрөмжүүдийг ашиглан нимгэн төмрөөр дугуй болон тэгш өнцөгт хоолой, холбох хэрэгсэл үйлдвэрлэж, угсрах үйл ажиллагаа явуулж байгаа “ЭйрВинт” ХХК-ийн захирал М.Түмэн-Өлзийг энэ удаагийн “Дэвшилтэт технологи” буландаа урилаа. ЭйрВинт” ХХК нь “Барилга орон сууц 2019” үзэсгэлэн яармагийн “Шилдэг дэвшилтэт технологи нэвтрүүлэгч” – ээр шалгарсан билээ.
- Бригадаас үйлдвэр болтлоо өргөжин тэлсэн “ЭйрВинт” ХХК-ийн хөгжлийн түүхээс яриагаа эхлэе гэж бодож байна. Энэ салбарт хэдэн жил ажиллаж байгаа вэ?
-Би интерьер дизайны мэргэжилтэй. Оюутан байхдаа барилгын интерьерийн зураг, засал чимэглэлийн ажлыг хийж гүйцэтгэж байсан. Тухайн үед барилгын салбарт агааржуулалтын систем орхигдоод байна уу гэж бодогддог байсан. Тийм ч учраас агааржуулалтын салбарыг бизнес болгон харж, 2012 онд компанийнхаа үндэс суурийг тавьсан. Барилгын агааржуулалт, агаар сэлгэлтийн чиглэлээр долоо дахь жилдээ үйл ажиллагаа явуулж байна. Ажлын гараагаа анх 5 хүнтэй бригад хэлбэрээр эхлүүлж байлаа. Эхний хоёр жилийн хугацаанд хүнд бэрх үе цөөнгүй тохиолдсон ч хэд хэдэн ажлыг Улсын комисст амжилттай хүлээлгэж өгсөн. Тухайн үед гар технологиор агааржуулалтын бүх хоолойг хийж гүйцэтгэдэг байсан учраас 2014 онд цех, үйлдвэртэй болон өргөжиж, тэгш өнцөгт хоолой угсрах хагас механик ажиллагаатай тоног төхөөрөмжүүд ашиглаж эхэлсэн. Улмаар энэ жил дэвшилтэт тоног төхөөрөмж бүхий бүрэн автомат машинуудыг нэвтрүүлж, шинэ дүр төрхтэйгөөр үйлдвэрээ нээгээд ажиллаж байна.
-Танай компани ижил төрлийн агааржуулалтын компаниудаас юугаараа дэвшилтэт, давуу байж чадах вэ?
-Агааржуулалт нь барилга байгууламжийн ажлын бага хувийг эзэлдэг учраас энэ чиглэлээр дагнаж үйл ажиллагаа явуулдаг компаниуд цөөн байдаг. Магадгүй агааржуулалтын хоолойг үйлдвэрлэх нь ашиг муутай, бизнесийн хувьд таатай биш учраас тэр байх. Гэхдээ агааржуулалтын системийг сантехникийн ажил гэж ойлгох хэмжээнд хөгжил муутай байсан тэр үеийг бодвол одоо цагт агаар сэлгэлтийн системийн үйл ажиллагаанд өндөр ач холбогдол өгөх болсон. Монголд гадаадын тэр дундаа Европын албан ёсны эрхтэйгээр өндөр зэрэглэлийн автоматжсан, сүүлийн үеийн технологийн шаардлагад нийцсэн, эко системтэй агааржуулалт, хөргөлт, халаалтын сэнс, төхөөрөмжүүд оруулж ирдэг, нийлүүлдэг томоохон компаниуд цөөнгүй байна. Харин энэ бүхнийг суурилуулах, холбох, угсрах нимгэн төмөр агааржуулалтын хоолойн үйлдвэр хуруу дарам цөөн юм. Тиймээс бид чанарын шаардлага хангасан дугуй болон тэгш өнцөгт хоолойг Монголдоо үйлдвэрлэж байгаагаараа давуу талтай. Мөн манай улсад дугуй хоолойн хийцлэл маш дутмаг, бараг л хэрэглэдэггүй, үйлдвэрлэдэггүй учраас зураг төсөлдөө төдийлөн тусгахгүй байх нь бий. Харин манай компани дугуй хоолойг холбох, хорших хэрэгсэлтэй нь бүх төрлийн хэмжээгээр үйлдвэрлэж, эсгэх, гагнах, наах гэх мэт бүхий л үйлдлийг сүүлийн үеийн тоног төхөөрөмжөөр үйлдвэрлэдэг бүрэн автомат, компьютержсон тоног төхөөрөмжүүдийг нэвтрүүлж байгаагаараа дэвшилтэт юм. Эдгээр тоног төхөөрөмж нь 2018-2019 оны хамгийн сүүлийн үеийн дэвшилтэт технологи гэдгээрээ онцлогтой.
- Эдгээр дэвшилтэт тоног төхөөрөмжүүд нь хурдны хувьд ямар үзүүлэлттэй вэ?
- Бид БНХАУ- ын MKX, SBKJ брэндийн тоног төхөөрөмжүүдийг оруулж ирсэн. Эдгээр нь 0,3 мм-1,2 мм зузаан төмрөөр бүх төрлийн хоолойг үйлдвэрлэх хүчин чадалтай. Үндсэн гол үүрэг гүйцэтгэдэг дөрвөн төхөөрөмжийг онцлон танилцуулъя гэж бодож байна.
MKX DUCT manufacture auto-line нь тэгш өнцөгт хоолойг автоматаар үйлдвэрлэдэг. Уг хоолойг хийхдээ хуйлаастай урт төмрөөр хүний оролцоогүйгээр хийдгээрээ онцлогтой. Төхөөрөмжийн компьютер хэсэгт тухайн хоолойныхоо өргөн, уртын хэмжээг тааруулж, амыг нь эмхэрдэх гурван төрлөөс сонгож, үзүүлэлт болон тоо ширхгээ бичээд, команд өгөхөд л өөрөө эсгэж таслаад, нугалж эмхэрдээд бүтээгдэхүүнийг бэлэн болгодог. Гар ажиллагаа огт ордоггүй гэдгээрээ дэвшилтэт юм. Харин хурдны хувьд дөрвөн хүн бүтэн өдөр хийх ажлыг хоёр цагийн дотор гүйцэтгэдэг.
Дугуй хоолойг гараар хийхэд тун хүндрэлтэй. Таван төрлийн шат дамжлагатай байдаг. Тэгвэл SBTF-1500 төхөөрөмж нь эдгээр дамжлагыг нэг дор богино хугацаанд, ямар ч алдаагүй үйлдвэрлэн гаргадаг. Гол онцлог нь 80мм-1500мм диаметртэй хоолойг дурын уртаар үйлдвэрлэх хүчин чадалтай. Мөн бүрэн компьютержсон учраас хоолойн урт, амны хэмжээ, төмрийн зузаан нимгэн зэрэг тохиргоонуудаа тааруулаад, тоо ширхгээ өгөхөд үйлдвэрлэгддэг. /зураг/
Харин PLAZMA CUTTING MACHINA төхөөрөмж бол лазер CNC зүсэгч. Агааржуулалтын дугуй тэгш өнцөгт бүх төрлийн хоолойн холбох хэрэгсэл, шилжвэр гээд программчлагдсан CNC юм. Хийх холбох хэрэгслээ сонгоод компьютерт амны хэмжээ бусад үзүүлэлтийг заагаад команд өгөхөд 1мм ч алдаагүй лазераар зүсдэг. Гагнуурын Seamwelder төхөөрөмжийн хувьд хагас автомат ажиллагаатай. Төмрийг халаагаад өөрөөр нь наах, гагнах маягаар ажилладаг учраас маш цэвэрхэн бат бөх болдог.
Нэг орцтой 15 давхар барилгын агааржуулалтын хоолойг 10 хүний оролцоотойгоор 14 хоног бэлтгэдэг. Харин манай үйлдвэр энэ ажлыг тав хоногийн дотор ямар ч алдаагүй хийж гүйцэтгэх боломжтой.
-10 хүнийг 14 хоног ажиллуулах, танай үйлдвэрээр 5 хоногийн дотор хийлгэхэд үнэ өртгийн хувьд хэр ялгаатай вэ?
-Цаг хугацаа маш их хэмнэхээс гадна, санхүүгийн хувьд ч зардал бага гардаг. Мөн хүний гараар хийгдэж байгаа үед хийц, хэмжээ, үзэмж, чанар гэх мэт бага зэргийн алдаа гардаг бол үйлдвэрт нарийн хэмжээтэй, ямар ч зөрүүгүй үйлдвэрлэдгээрээ давуу талтай юм.
-Дугуй болон тэгш өнцөгт хоолойны ялгаа юу вэ. Ямар барилгад дугуй, ямар үед тэгш өнцөгт хоолойг сонгох ёстой вэ?
-Тэгш өнцөгт хоолой нь энгийн бөгөөд өргөн хэрэглэгддэг. Хэлбэр, хэмжээ, ашиглалтын хувьд олон төрөлд хувирах боломжтой зай талбай эзлэхүүн бага эзэлдэг гээд олон давуу талтай. Барилгын үндсэн шугам хоолойд ихэвчлэн ашигладаг.Харин дугуй хоолойг үйлдвэрлэхэд төвөгтэй байдаг ч битүүмжлэл сайн, цэвэр үзэмжтэй агаарын урсгал жигд урсдаг хүчитгэл сайн, дуу чимээ бага гаргадаг гээд олон давуу талтай. Ихэвчлэн ил явах шугам хоолой, үйлдвэр, үйлчилгээний барилгад ашигладаг.
-Гөлмөн төмрөөр агааржуулалтын хоолой хийхэд насжилт, бат бэхийн хувьд хэр чанартай байдаг вэ?
-Агааржуулалтын хоолой нь далд ажил учраас барилгын насжилттай адил байдаг. Тиймээс хоолойн материалын чанар маш чухал. Гөлмөн төмөр нь цайрдсан бөгөөд зэврэхгүй, өндөр температурт урвалд орохгүй, битүүмжлэл сайн, насжилт урт зэрэг давуу тал ихтэй материал юм.
-Хийж гүйцэтгэсэн томоохон төслүүдээсээ танилцуулбал?
-Бид өнгөрсөн хугацаанд барилгын манлай үйлдвэрлэгч, барилгын салбарын Топ-10 аж ахуйн нэгжийн нэг “Алтай констракшн” ХХК-ын “Саруул” хороолол, мөн барилгын салбарын Топ-10 аж ахуйн нэгжийн нэг “Монкон констракшн” ХХК-н “МАНДАЛА” хороолол төслийн агааржуулалт дээр ажилласан. Одоо Сүхбаатар дүүргийн 1-р хороо “MONCON CENTER” оффисийн 15 давхар барилгын агааржуулалтыг Чехийн “REMAK” брэндийн автомат тоног төхөөрөмжтэй угсралтын ажлыг гүйцэтгэж байна.
-Дэлхий нийтээрээ ногоон хөгжил, ногоон барилга руу чиглэж байна. Танай байгууллага энэ талд хэрхэн анхаарч ажиллаж байна вэ?
-Ногоон хөгжлийн бодлогод “Ногоон барилга”-ыг тайлбарлахдаа хүний эрүүл мэнд, хүрээлэн буй орчинд сөрөг нөлөөгүй материал ашигласан, дулааны алдагдал хамгийн бага байх хийцтэй, агаарт ялгаруулах хаягдал багатай халаалтын шийдэлтэй, эрчим хүч, нөөцийн хэмнэлт үр ашигтай, хур тунадасны усыг хуримтлуулж ашиглах, хаягдал бохир усаа цэвэрлэж зайлуулах технологи бүхий, тав тухтай орчныг бүрдүүлсэн барилга байгууламжийг хэлнэ гэсэн байдаг. Тиймээс ногоон барилгыг автоматжсан ухаалаг агааржуулалтын системгүй төсөөлөх аргагүй юм. Бид цаашдаа энэ шаардлагад нийцүүлэн эрчим хүчний хэмнэлттэй, эко дэвшилтэт технологиудыг агааржуулалтын салбарт нэвтрүүлэх зорилготой байгаа. Манай улс өвөлдөө утаатай, хавар зундаа хуурайшилт, тоос, тоосонцор ихтэй учраас агаарын бохирдлыг багасгах үүднээс хэд хэдэн давхар шүүлтүүрийг суурилуулах шаардлагатай болж байна. Түүнчлэн сүүлийн үед агаарыг автоматаар хөргөж, халааж, дотор агаарын чанар болон температурт хяналт тавьдаг автомат системийг нэвтрүүлж эхлээд байна. Ингэхдээ ногоон барилгын стандартад илүү нийцэхүйц шийдлийг эрэлхийлэн ажиллаж байна.
-Агааржуулалтын салбарт ажиллаж байгаа хүний хувьд Монголд энэ систем орхигдож, хөгжихгүй байгаагийн гол шалтгаан юу гэж боддог вэ?
-Монголд агааржуулалтын систем хөгжихгүй байгаа гол шалтгаан нь бид уламжлалт нэг хэв маягийн буюу ердийн агааржуулалтын системийг өргөн хэрэглэж, 1990-ээд оны үеийн ОХУ-ын технологи, норм стандартыг одоо болтол мөрдөж байгаа явдал гэж бодож байна. Барилга, орон сууцны битүүмжлэл сайжрахын хэрээр ердийн агааржуулалтын систем хэвийн ажиллах боломжгүй болж, нэмэлт системийг суурилуулах зайлшгүй шаардлагатай болж байна. Гэхдээ сүүлийн үед агааржуулалтын системд барилгын салбарынхан өндөр ач холбогдол өгч, үүнийгээ тухайн орон сууцны давуу тал болгож байгаа нь харагдаж байна. Ер нь агааржуулалт гэдэг бол физикийн хуулиар халсан агаар дээшээ, хөрсөн агаар доошоо гэдэг зарчмаар, гадна дотор агаарын даралтын зөрүүгээр явагддаг зүйл. Агаарын үндсэн найрлагын 78 хувийг азот, 21 хувийг хүчилтөрөгч, 1 хувийг бусад хий эзэлдэг. Эдгээр үзүүлэлтүүд алдагдах нь хүнд таагүй нөхцөл үүсгэдэг бөгөөд үүнийг агааржуулалтын системээр зохицуулдаг. Хэрвээ энэ үзүүлэлт алдагдаж , ердийн систем хэвийн ажиллахгүй байгаа тохиолдолд албадмал буюу механик ажиллагаатай нэмэлтийг төлөвлөдөг. Үүгээр зогсохгүй автомат агааржуулалт буюу хүний гарын оролцоогүйгээр агаарыг сорьж дотор агаарын чанар, чийгшил, бохирдол, тоосонцор гэх мэт бүх үзүүлэлтийг хянадаг систем нэвтэрч байгаа нь агааржуулалтын систем хөгжиж, дэвшлийн шатандаа явж байна гэж харж байна.
-“Эйрвинт” ХХК нь агааржуулалтын салбарт шинэ өнгө төрхийг нэмж байгаа залуу компани. Тиймээс цаашдаа өсөн дэвжих олон зорилт, төлөвлөгөөтэй байгаа байх?
-“Барилга бол амьсгалдаг байх ёстой, халуун сав шиг байж болохгүй” гэж зөвлөх инженер А.Цогт гуай хэлж байсан юм. Тиймээс агааржуулалтын системийг зөв, чанартай суурилуулж, барилгыг илүү насжилт урттай, түүн дотор амьдарч байгаа оршин суугч эрүүл орчинд амьдрах нөхцөлийг бүрдүүлэхийн төлөө хичээн ажиллах болно. Бид соёлтой үйлчилгээ, бат бөх, чанартай тоног төхөөрөмж, сүүлийн үеийн дэвшилтэт технологи, барилгын загварт тохирох хамгийн сайн өнгө төрх, үзэмжтэй шийдлийг эрхэмлэн ажилладаг. Тиймээс цаашдаа ч энэ салбартаа шинэлэг, дэвшилтэт техник технологиудыг цаг алдалгүй нэвтрүүлж, үргэлж салбарынхаа хөгжлийг түүчээлэгч болон ажиллахыг зорьж байна.
- Бригадаас үйлдвэр болтлоо өргөжин тэлсэн “ЭйрВинт” ХХК-ийн хөгжлийн түүхээс яриагаа эхлэе гэж бодож байна. Энэ салбарт хэдэн жил ажиллаж байгаа вэ?
-Би интерьер дизайны мэргэжилтэй. Оюутан байхдаа барилгын интерьерийн зураг, засал чимэглэлийн ажлыг хийж гүйцэтгэж байсан. Тухайн үед барилгын салбарт агааржуулалтын систем орхигдоод байна уу гэж бодогддог байсан. Тийм ч учраас агааржуулалтын салбарыг бизнес болгон харж, 2012 онд компанийнхаа үндэс суурийг тавьсан. Барилгын агааржуулалт, агаар сэлгэлтийн чиглэлээр долоо дахь жилдээ үйл ажиллагаа явуулж байна. Ажлын гараагаа анх 5 хүнтэй бригад хэлбэрээр эхлүүлж байлаа. Эхний хоёр жилийн хугацаанд хүнд бэрх үе цөөнгүй тохиолдсон ч хэд хэдэн ажлыг Улсын комисст амжилттай хүлээлгэж өгсөн. Тухайн үед гар технологиор агааржуулалтын бүх хоолойг хийж гүйцэтгэдэг байсан учраас 2014 онд цех, үйлдвэртэй болон өргөжиж, тэгш өнцөгт хоолой угсрах хагас механик ажиллагаатай тоног төхөөрөмжүүд ашиглаж эхэлсэн. Улмаар энэ жил дэвшилтэт тоног төхөөрөмж бүхий бүрэн автомат машинуудыг нэвтрүүлж, шинэ дүр төрхтэйгөөр үйлдвэрээ нээгээд ажиллаж байна.
-Танай компани ижил төрлийн агааржуулалтын компаниудаас юугаараа дэвшилтэт, давуу байж чадах вэ?
-Агааржуулалт нь барилга байгууламжийн ажлын бага хувийг эзэлдэг учраас энэ чиглэлээр дагнаж үйл ажиллагаа явуулдаг компаниуд цөөн байдаг. Магадгүй агааржуулалтын хоолойг үйлдвэрлэх нь ашиг муутай, бизнесийн хувьд таатай биш учраас тэр байх. Гэхдээ агааржуулалтын системийг сантехникийн ажил гэж ойлгох хэмжээнд хөгжил муутай байсан тэр үеийг бодвол одоо цагт агаар сэлгэлтийн системийн үйл ажиллагаанд өндөр ач холбогдол өгөх болсон. Монголд гадаадын тэр дундаа Европын албан ёсны эрхтэйгээр өндөр зэрэглэлийн автоматжсан, сүүлийн үеийн технологийн шаардлагад нийцсэн, эко системтэй агааржуулалт, хөргөлт, халаалтын сэнс, төхөөрөмжүүд оруулж ирдэг, нийлүүлдэг томоохон компаниуд цөөнгүй байна. Харин энэ бүхнийг суурилуулах, холбох, угсрах нимгэн төмөр агааржуулалтын хоолойн үйлдвэр хуруу дарам цөөн юм. Тиймээс бид чанарын шаардлага хангасан дугуй болон тэгш өнцөгт хоолойг Монголдоо үйлдвэрлэж байгаагаараа давуу талтай. Мөн манай улсад дугуй хоолойн хийцлэл маш дутмаг, бараг л хэрэглэдэггүй, үйлдвэрлэдэггүй учраас зураг төсөлдөө төдийлөн тусгахгүй байх нь бий. Харин манай компани дугуй хоолойг холбох, хорших хэрэгсэлтэй нь бүх төрлийн хэмжээгээр үйлдвэрлэж, эсгэх, гагнах, наах гэх мэт бүхий л үйлдлийг сүүлийн үеийн тоног төхөөрөмжөөр үйлдвэрлэдэг бүрэн автомат, компьютержсон тоног төхөөрөмжүүдийг нэвтрүүлж байгаагаараа дэвшилтэт юм. Эдгээр тоног төхөөрөмж нь 2018-2019 оны хамгийн сүүлийн үеийн дэвшилтэт технологи гэдгээрээ онцлогтой.
- Эдгээр дэвшилтэт тоног төхөөрөмжүүд нь хурдны хувьд ямар үзүүлэлттэй вэ?
- Бид БНХАУ- ын MKX, SBKJ брэндийн тоног төхөөрөмжүүдийг оруулж ирсэн. Эдгээр нь 0,3 мм-1,2 мм зузаан төмрөөр бүх төрлийн хоолойг үйлдвэрлэх хүчин чадалтай. Үндсэн гол үүрэг гүйцэтгэдэг дөрвөн төхөөрөмжийг онцлон танилцуулъя гэж бодож байна.
MKX DUCT manufacture auto-line нь тэгш өнцөгт хоолойг автоматаар үйлдвэрлэдэг. Уг хоолойг хийхдээ хуйлаастай урт төмрөөр хүний оролцоогүйгээр хийдгээрээ онцлогтой. Төхөөрөмжийн компьютер хэсэгт тухайн хоолойныхоо өргөн, уртын хэмжээг тааруулж, амыг нь эмхэрдэх гурван төрлөөс сонгож, үзүүлэлт болон тоо ширхгээ бичээд, команд өгөхөд л өөрөө эсгэж таслаад, нугалж эмхэрдээд бүтээгдэхүүнийг бэлэн болгодог. Гар ажиллагаа огт ордоггүй гэдгээрээ дэвшилтэт юм. Харин хурдны хувьд дөрвөн хүн бүтэн өдөр хийх ажлыг хоёр цагийн дотор гүйцэтгэдэг.
Дугуй хоолойг гараар хийхэд тун хүндрэлтэй. Таван төрлийн шат дамжлагатай байдаг. Тэгвэл SBTF-1500 төхөөрөмж нь эдгээр дамжлагыг нэг дор богино хугацаанд, ямар ч алдаагүй үйлдвэрлэн гаргадаг. Гол онцлог нь 80мм-1500мм диаметртэй хоолойг дурын уртаар үйлдвэрлэх хүчин чадалтай. Мөн бүрэн компьютержсон учраас хоолойн урт, амны хэмжээ, төмрийн зузаан нимгэн зэрэг тохиргоонуудаа тааруулаад, тоо ширхгээ өгөхөд үйлдвэрлэгддэг. /зураг/
Харин PLAZMA CUTTING MACHINA төхөөрөмж бол лазер CNC зүсэгч. Агааржуулалтын дугуй тэгш өнцөгт бүх төрлийн хоолойн холбох хэрэгсэл, шилжвэр гээд программчлагдсан CNC юм. Хийх холбох хэрэгслээ сонгоод компьютерт амны хэмжээ бусад үзүүлэлтийг заагаад команд өгөхөд 1мм ч алдаагүй лазераар зүсдэг. Гагнуурын Seamwelder төхөөрөмжийн хувьд хагас автомат ажиллагаатай. Төмрийг халаагаад өөрөөр нь наах, гагнах маягаар ажилладаг учраас маш цэвэрхэн бат бөх болдог.
Нэг орцтой 15 давхар барилгын агааржуулалтын хоолойг 10 хүний оролцоотойгоор 14 хоног бэлтгэдэг. Харин манай үйлдвэр энэ ажлыг тав хоногийн дотор ямар ч алдаагүй хийж гүйцэтгэх боломжтой.
-10 хүнийг 14 хоног ажиллуулах, танай үйлдвэрээр 5 хоногийн дотор хийлгэхэд үнэ өртгийн хувьд хэр ялгаатай вэ?
-Цаг хугацаа маш их хэмнэхээс гадна, санхүүгийн хувьд ч зардал бага гардаг. Мөн хүний гараар хийгдэж байгаа үед хийц, хэмжээ, үзэмж, чанар гэх мэт бага зэргийн алдаа гардаг бол үйлдвэрт нарийн хэмжээтэй, ямар ч зөрүүгүй үйлдвэрлэдгээрээ давуу талтай юм.
-Дугуй болон тэгш өнцөгт хоолойны ялгаа юу вэ. Ямар барилгад дугуй, ямар үед тэгш өнцөгт хоолойг сонгох ёстой вэ?
-Тэгш өнцөгт хоолой нь энгийн бөгөөд өргөн хэрэглэгддэг. Хэлбэр, хэмжээ, ашиглалтын хувьд олон төрөлд хувирах боломжтой зай талбай эзлэхүүн бага эзэлдэг гээд олон давуу талтай. Барилгын үндсэн шугам хоолойд ихэвчлэн ашигладаг.Харин дугуй хоолойг үйлдвэрлэхэд төвөгтэй байдаг ч битүүмжлэл сайн, цэвэр үзэмжтэй агаарын урсгал жигд урсдаг хүчитгэл сайн, дуу чимээ бага гаргадаг гээд олон давуу талтай. Ихэвчлэн ил явах шугам хоолой, үйлдвэр, үйлчилгээний барилгад ашигладаг.
-Гөлмөн төмрөөр агааржуулалтын хоолой хийхэд насжилт, бат бэхийн хувьд хэр чанартай байдаг вэ?
-Агааржуулалтын хоолой нь далд ажил учраас барилгын насжилттай адил байдаг. Тиймээс хоолойн материалын чанар маш чухал. Гөлмөн төмөр нь цайрдсан бөгөөд зэврэхгүй, өндөр температурт урвалд орохгүй, битүүмжлэл сайн, насжилт урт зэрэг давуу тал ихтэй материал юм.
-Хийж гүйцэтгэсэн томоохон төслүүдээсээ танилцуулбал?
-Бид өнгөрсөн хугацаанд барилгын манлай үйлдвэрлэгч, барилгын салбарын Топ-10 аж ахуйн нэгжийн нэг “Алтай констракшн” ХХК-ын “Саруул” хороолол, мөн барилгын салбарын Топ-10 аж ахуйн нэгжийн нэг “Монкон констракшн” ХХК-н “МАНДАЛА” хороолол төслийн агааржуулалт дээр ажилласан. Одоо Сүхбаатар дүүргийн 1-р хороо “MONCON CENTER” оффисийн 15 давхар барилгын агааржуулалтыг Чехийн “REMAK” брэндийн автомат тоног төхөөрөмжтэй угсралтын ажлыг гүйцэтгэж байна.
-Дэлхий нийтээрээ ногоон хөгжил, ногоон барилга руу чиглэж байна. Танай байгууллага энэ талд хэрхэн анхаарч ажиллаж байна вэ?
-Ногоон хөгжлийн бодлогод “Ногоон барилга”-ыг тайлбарлахдаа хүний эрүүл мэнд, хүрээлэн буй орчинд сөрөг нөлөөгүй материал ашигласан, дулааны алдагдал хамгийн бага байх хийцтэй, агаарт ялгаруулах хаягдал багатай халаалтын шийдэлтэй, эрчим хүч, нөөцийн хэмнэлт үр ашигтай, хур тунадасны усыг хуримтлуулж ашиглах, хаягдал бохир усаа цэвэрлэж зайлуулах технологи бүхий, тав тухтай орчныг бүрдүүлсэн барилга байгууламжийг хэлнэ гэсэн байдаг. Тиймээс ногоон барилгыг автоматжсан ухаалаг агааржуулалтын системгүй төсөөлөх аргагүй юм. Бид цаашдаа энэ шаардлагад нийцүүлэн эрчим хүчний хэмнэлттэй, эко дэвшилтэт технологиудыг агааржуулалтын салбарт нэвтрүүлэх зорилготой байгаа. Манай улс өвөлдөө утаатай, хавар зундаа хуурайшилт, тоос, тоосонцор ихтэй учраас агаарын бохирдлыг багасгах үүднээс хэд хэдэн давхар шүүлтүүрийг суурилуулах шаардлагатай болж байна. Түүнчлэн сүүлийн үед агаарыг автоматаар хөргөж, халааж, дотор агаарын чанар болон температурт хяналт тавьдаг автомат системийг нэвтрүүлж эхлээд байна. Ингэхдээ ногоон барилгын стандартад илүү нийцэхүйц шийдлийг эрэлхийлэн ажиллаж байна.
-Агааржуулалтын салбарт ажиллаж байгаа хүний хувьд Монголд энэ систем орхигдож, хөгжихгүй байгаагийн гол шалтгаан юу гэж боддог вэ?
-Монголд агааржуулалтын систем хөгжихгүй байгаа гол шалтгаан нь бид уламжлалт нэг хэв маягийн буюу ердийн агааржуулалтын системийг өргөн хэрэглэж, 1990-ээд оны үеийн ОХУ-ын технологи, норм стандартыг одоо болтол мөрдөж байгаа явдал гэж бодож байна. Барилга, орон сууцны битүүмжлэл сайжрахын хэрээр ердийн агааржуулалтын систем хэвийн ажиллах боломжгүй болж, нэмэлт системийг суурилуулах зайлшгүй шаардлагатай болж байна. Гэхдээ сүүлийн үед агааржуулалтын системд барилгын салбарынхан өндөр ач холбогдол өгч, үүнийгээ тухайн орон сууцны давуу тал болгож байгаа нь харагдаж байна. Ер нь агааржуулалт гэдэг бол физикийн хуулиар халсан агаар дээшээ, хөрсөн агаар доошоо гэдэг зарчмаар, гадна дотор агаарын даралтын зөрүүгээр явагддаг зүйл. Агаарын үндсэн найрлагын 78 хувийг азот, 21 хувийг хүчилтөрөгч, 1 хувийг бусад хий эзэлдэг. Эдгээр үзүүлэлтүүд алдагдах нь хүнд таагүй нөхцөл үүсгэдэг бөгөөд үүнийг агааржуулалтын системээр зохицуулдаг. Хэрвээ энэ үзүүлэлт алдагдаж , ердийн систем хэвийн ажиллахгүй байгаа тохиолдолд албадмал буюу механик ажиллагаатай нэмэлтийг төлөвлөдөг. Үүгээр зогсохгүй автомат агааржуулалт буюу хүний гарын оролцоогүйгээр агаарыг сорьж дотор агаарын чанар, чийгшил, бохирдол, тоосонцор гэх мэт бүх үзүүлэлтийг хянадаг систем нэвтэрч байгаа нь агааржуулалтын систем хөгжиж, дэвшлийн шатандаа явж байна гэж харж байна.
-“Эйрвинт” ХХК нь агааржуулалтын салбарт шинэ өнгө төрхийг нэмж байгаа залуу компани. Тиймээс цаашдаа өсөн дэвжих олон зорилт, төлөвлөгөөтэй байгаа байх?
-“Барилга бол амьсгалдаг байх ёстой, халуун сав шиг байж болохгүй” гэж зөвлөх инженер А.Цогт гуай хэлж байсан юм. Тиймээс агааржуулалтын системийг зөв, чанартай суурилуулж, барилгыг илүү насжилт урттай, түүн дотор амьдарч байгаа оршин суугч эрүүл орчинд амьдрах нөхцөлийг бүрдүүлэхийн төлөө хичээн ажиллах болно. Бид соёлтой үйлчилгээ, бат бөх, чанартай тоног төхөөрөмж, сүүлийн үеийн дэвшилтэт технологи, барилгын загварт тохирох хамгийн сайн өнгө төрх, үзэмжтэй шийдлийг эрхэмлэн ажилладаг. Тиймээс цаашдаа ч энэ салбартаа шинэлэг, дэвшилтэт техник технологиудыг цаг алдалгүй нэвтрүүлж, үргэлж салбарынхаа хөгжлийг түүчээлэгч болон ажиллахыг зорьж байна.