Сар тутмын Барилга МН сэтгүүлийн 129 дэх дугаар хэвлэгдэн гарч эрхэм захиалагч, уншигч таны гарт очиход бэлэн боллоо. Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан булан болон амины орон сууцны төрөл бүрийн мэдээлэл багтдагаас гадна шинэ орон сууц, барилгын гол нэрийн материалын үнэ ханш нийтлэгддэг билээ. 

Энэ удаагийн дугаарын нүүр хуудсанд Германы дэвшилтэт техник, технологийг инженерийн дэд бүтцийн салбарт нутагшуулахыг зорин ажиллаж байгаа "Баухаус" ХХК хамтран ажиллаа.  

Сэтгүүлийн онцлох булангууд...

VIP ярилцлага

“Баухаус” ХХК - ийн ерөнхий инженер С.Отгончулууныг урьж, ярилцлаа. Тэрээр  2000 онд Германы Фрайберг хотын техникийн их сургуулийг Барилгын материалын технологи инженерээр төгссөн бөгөөд Монголдоо Германы дэвшилтэт техник технологийг нутагшуулан, инженерийн дэд бүтцийн салбарт өөрийн хувь нэмрээ оруулан ажиллаж байгаа билээ.

Дэлхийн хөгжилтэй  улс орнуудад ашиглаж байгаа эко, ногоон шийдлийг Монголдоо бий болгож байгаа түүнтэй хөрсний бохирдлыг хэрхэн арилгаж болох талаар ярилцсан юм. 

Нийтлэл

Ковид-19 цар тахлаас шалтгаалан зогсонги байдалд орсон нь ААН - үүдэд олон хүндрэл, асуудлыг үүсгээд байгаа бөгөөд энэ байдал удаан үргэлжилбэл ААНБ -ууд түүний 68,8 мянган ажилтны амьдрал, ар гэрт хүндхэн нөхцөл байдал үүсэхээр байна. 

ААНБ-уудаас авсан судалгааг НИЙТЛЭЛ булангаас... 

Судалгаа

Монгол Улсын хүн амын нутагшилт, суурьшлын хөгжлийн ерөнхий төслийн Цэвдэг, хүйтний үзэгдлийн тархалтын үнэлгээ сэдэвт судалгааны ажлын үр дүнг хураангуйлан оруулав. Монгол Улсын хүн амын нутагшилт, суурьшлын хөгжлийн ерөнхий төслийн Цэвдэг, хүйтний үзэгдлийн тархалтын үнэлгээ сэдэвт судалгааны ажлын үр дүнг хураангуйлан оруулав.

Мэргэжилтний үг

Цэвдэгтэй газар нутагт барилга байгууламж, инженерийн байгууламжууд барихдаа хоёр үндсэн зарчим мөрддөг. Нэгдүгээр зарчим нь тухайн газарт буй цэвдэг хөрсийг хэвээр хадгалах буюу бат бэх байдлыг алдагдуулахгүй байх.

Энэхүү зарчмыг мөрдөхдөө цэвдгийг хөлдүү хэвээр хадгалж, түүний дулааны горимыг тогтвортой барьж байхын тулд барилгын суурин доор агаарын чөлөөтэй урсгал явагдаж байхаар тооцон дараах аргуудаар барих шаардлагатай. Үүнд: ... 

Үргэлжлэлийг МЭРГЭЖИЛТНИЙ ҮГ булангаас...

Барилгачны алдар

Барилгын салбарт 37 жил ажиллахдаа төрийн одон Алтан гадас, мэргэжлийн холбооны дээд шагнал болох МАЭ-ийн нэрэмжит шагнал, Тэргүүний барилгачин цол тэмдэг, БХБЯ-ны хүндэт жуух бичиг, МБИХ-ны хүндэт өргөмжлөл, “Оны шилдэг барилга”-ын 5 удаагийн батламж, цомоор шагнагдсан, архитектор гэх мэргэжлээрээ улс орны өнгө төрх, салбарын хөгжил дэвшилд гар бие оролцож яваа Монгол улсын Зөвлөх архитектор, Автор ХХК болон Эрчим төсөл ХХК-ийн Зөвлөх архитектор Л. Чагнааг энэ удаагийн “Барилгачны алдар” ярилцлагын буландаа урилаа.

Монгол уран бүтээлч

Архитектурын бүтээл нь гоо зүй, чанар, орон зайн төлөвлөлт, аюулгүй байдал, тав тух гээд хүний амьдралын олон талт хэрэгцээ шаардлагатай холбогддог маш өргөн ойлголт билээ. Тиймдээ ч архитектурыг бүхий л урлагийн ээж хэмээн өргөмжилдөг байх.

Энэхүү урлагийн бүтээлийг хөгжүүлэхийн төлөө ур ухаанаа зориулж буй архитекторуудын биежсэн бүтээлүүдийг “Монгол уран бүтээлч” булангаараа хүргэдэг билээ.

Энэ удаагийн дугаарт архитектор С.Бат-Уянгын биежсэн бүтээлүүдээс түүвэрлэн хүргэж байна.

Амины орон сууц

Манай оронд 1997 оноос барилгын халаалтын эрчим хүчний хэрэглээг бууруулах, үр ашигтай болгох чиглэлээр нормын шаардлагууд шинэчлэгдэж эхэлсэн. 

БХБЯ-ны сайдын 2020 оны 8 сарын 13-ны өдрийн 146 тоот  тушаалаар “Барилгын дулаан хамгаалалт” /БНбД 25-01-20/ барилгын норм, дүрмийг баталсан ба 2021 оны 1-р сарын 1-ээс мөрдөгдөж эхлээд байна. Энэхүү нормд нэгдүгээрт барилгын хана, хучилт, шал, цонх хэр хэмжээний дулаалгатай байх ёстойг нормчлон зааснаас гадна барилгын эрчим хүчний хэрэглээний гэрчилгээний загварыг шинэчлэн тогтоосон.

Улаанбаатар хотод барих хувийн орон сууцнууд нь дээрх нормын шаардлагын дагуу дараах дулаан дамжуулалтын илтгэлцүүртэй байхаар заагдсан байна.

Сар тутмын Барилга МН сэтгүүл

Захиалах бол ЭНД дарна уу.

Онлайнаар унших бол ЭНД дарна уу.

Утас: 7711-3333, 91000233