Сар тутмын Барилга МН сэтгүүлийн 132 дахь дугаар хэвлэгдэн гарч эрхэм захиалагч, уншигч таны гарт очиход бэлэн боллоо. Барилга МН сэтгүүлийн дугаар бүрт тогтмол гардаг ярилцлагын булан, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн зөвлөгөө, иргэдэд зориулсан амины орон сууцны төрөл бүрийн мэдээлэл, шинэ орон сууц, барилгын гол нэрийн материалын үнэ ханш зэрэг булангууд нийтлэгддэг билээ.

Энэ удаагийн дугаарын нүүр хуудсанд “ЗАГ групп” хамтран ажиллаа.  

Сэтгүүлийн онцлох булангуудаас...

VIP ярилцлага: Салбартаа хийж бүтээсэн зүйлээрээ нэр хүндтэй, манлайлагчдыг VIP ярилцлагадаа урьж, тэдний бахархам амжилт, уран бүтээлийн талаар хүргэдэг билээ.

Энэ удаагийн дугаартаа Монголын барилгын салбарт хийсэн бүтээснээрээ тод мөртэй, олондоо хүндлэгдсэн, 30 жил удирдан ажилласан “ЗАГ” группээрээ овоглосон монгол улсын гавьяат барилгачин, “ЗАГ” группийн Ерөнхийлөгч Б.Нэмэхбаатарыг энэ удаагийн хүндтэй зочноор урьж ярилцлаа. 

Хөндөх сэдэв: Улаанбаатар хот уул давсан их гэр хороололтой болж, зөвшөөрөлгүй газар, зураг төсөлгүй баригдсан амины орон сууцууд нэмэгдсээр байгаа юм.

Ковидоос шалтгаалан олон нийтийн бус амины орон сууцад амьдрах хүсэлтэй иргэдийн тоо өсөж, шилжилт хөдөлгөөн явагдаж байгаа энэ цаг үед зайлшгүй анхаарах ёстой асуудлын нэг болж байна. Тиймээс Амины орон сууцны зах зээл, өнөөгийн нөхцөл байдлын талаар хөндлөө. 

Үл хөдлөх хөрөнгө:

Энэ удаагийн дугаарт олон улсын үл хөдлөх хөрөнгийн REMAX компанийн агент Б.Уянга амины орон сууц худалдаж авахдаа анхаарах зүйлсийн талаар зөвлөсөн юм. Олон улсын жишгээр байшингийн үзлэг, шалгалт хийдэг тусгай байгууллага байдаг.

Харин Монголд зөвхөн баригдаад олон жил болсон барилга дээр зайлшгүй шаардлагатай үед л МХЕГ - ын байцаагч насжилтыг тодорхойлдог байна. Тиймээс та зуслангийн газар, хотын захад хаус, амины орон сууц худалдан авах гэж байгаа бол тухайн мэргэжлийн хүнээс туслалцаа аван дараах зүйлсэд анхаарах хэрэгтэй.

Мэргэжилтний үг: Барилгын салбарт нэр хүнд бүхий, олон жилийн туршлага, чадвартай Зөвлөхүүдийн зөвлөгөөг энэхүү булангаараа хүргэдэг билээ.

Энэ удаагийн дугаарт барилгын салбарын зураг төслийн компаниудад тулгамдаж буй асуудал түүнийг хэрхэн шийдвэрлэх, норм нормативын баримт бичгийг сайжруулах, зураг төсөл гаргахдаа юун дээр анхаарах зэрэг тодорхой  5 асуултын хүрээнд Зөвлөх архитектор Ө.Ганболдын зөвлөгөөг хүргэж байна.  

Амины орон сууц: Сар бүрийн тогтмол булан болох АОС булангийнхаа өмнөх дугаарын нийтлэлд өрөөний төлөвлөлтөд анхаарах асуудал болон зохион байгуулалтын талаар нийтэлсэн.

Энэ удаад дотоод агаарын орчныг зөв төлөвлөх талаар үргэлжлүүлэн хүргэж байна. 

Тодруулга: Бид энэ удаагийн дугаартаа барилгын материалын үнийн өсөлтөд юу нөлөөлсөн талаар холбогдох мэргэжилтнүүдээс авсан тодруулгыг хүргэж байна. 

Та Барилга МН сэтгүүлийг Barilga.mn сайтын НОМЫН САН цэсээс дэлхийн хаанаас ч ОНЛАЙНААР унших боломжтой. 

Захиалах бол ЭНД дарна уу.

Онлайнаар унших бол ЭНД дарна уу.

Утас: 9100-0233, 7711-3333-2 утсаар холбогдоно уу.