Сар бүр тогтмол хэвлэгддэг Барилга МН сэтгүүлийн 137 хэвлэгдэн гарч захиалагч нарт хүргэгдэн очиход бэлэн болсон бөгөөд сэтгүүлийн нүүр хуудсанд

 “Премиум групп” ХХК  хамтран ажиллаа.  

Сэтгүүлийн дугаар бүрт салбарын нэр хүнд бүхий эрхмүүдийг урин ярилцдаг “VIP ярилцлага”, төрөл бүрийн судалгаа, салбарын тулгамдаж буй асуудлын хүрээн дэх нийтлэл, мэргэжилтнүүдийн төрөл бүрийн зөвлөгөө, иргэдэд зориулсан амины орон сууцны төрөл бүрийн мэдээлэл, шинэ орон сууц, барилгын гол нэрийн 12 материалын үнэ ханш зэрэг бусад мэдээллүүд багтдаг.

Харин энэ сарын дугаарт гарсан онцлох булангуудын талаарх товч мэдээллийг хүргэж байна.

VIP ярилцлага: Монголын барилга бүтээн байгуулалтын салбарт томоохон групп компаниудын тоо нэмэгдсээр нийгэмд эзлэх байр сууриа тодорхойлсоор байна. Харин “Премиум Групп” ХХК-ийн талаар мэдэхгүй хүн цөөн биз ээ. Тус компани нь 2011 онд байгуулагдсан бөгөөд үйл ажиллагаагаа улам тэлсээр таван охин компанитай болж нийтдээ 1600 гаруй хүнийг ажлын байраар хангаж, 500 гаруй байгууллагуудтай хамтран ажиллаж, барилга, жижиглэнгийн худалдаа чиглэлд үйл ажиллагаа явуулж байгаа билээ.

Энэ удаагийн ярилцлагынхаа хүндэт зочноор “Премиум Групп”-ийн үүсгэн байгуулагчдын нэг, ТУЗ-ийн гишүүн, Гүйцэтгэх захирал, “Премиум Бьюлдинг Материалс” ХК-ийн Гүйцэтгэх захирал А.Ганболдыг урин түүний өнөөдрийг бүтээсэн карьер, бизнесийнх нь амжилтын талаар ярилцсанаа хүргэж байна.

Barilga.mn : “Barilga expo 2021” намрын үзэсгэлэнгийн хувьд 20 000 орчим зорилтот үзэгч ирж сонирхсон бөгөөд үзэсгэлэнгийн оролцогч компаниудын дунд хийсэн судалгаагаар нийт 58,021,246,087 төгрөгийн борлуулалт хийгдсэн байна. 

Үзэсгэлэн яармагт оролцох нь нэг талаас өндөр зардалтай боловч нөгөө талдаа борлуулалт хэд дахин өндөр үзүүлэлттэй гардаг гэдгийг уг судалгааны үр дүнгээс харж болох юм. 

Монголдоо бүтээцгээе: Манай Улс одоогийн байдлаар шил, шилэн бүтээгдэхүүнийг 100% гадаадаас импортолж, их хэмжээний мөнгөн урсгалыг гадагш гаргасаар байна. 

Тэгвэл Монгол залуучууд дотоодын шилний үйлдвэрийг бий болгохын тулд 6 жилийн хугацаанд судалгаа хийж, 30 гаруй талбайд сэдэвчилсэн эрлийг явуулж, үүнээс 10 гаруй талбайд хайгуулын ажил хийж, одоогийн байдлаар зарим ордуудад нь нөөцийг тогтоон бэлэн болгоод бөгөөд дотоодын эрэлт хэрэгцээг хангах төрөл бүрийн  шилийг үйлдвэрлэх боломжийг бий болгоод байна. 

Шинэ материал: Уламжлалт барилгын материалтай харьцуулахад шинэ барилгын материал нь хөнгөн, уян хатан, тунгалаг болон байгаль орчинд ээлтэй зэрэг олон төрлийн давуу талуудтай аж. Тэгвэл ямар материалын тухай энд яригдаж байна вэ гэвэл ЭФТЕ буюу Этилен-тетрафторэтилен-сополимер мембран материал юм.

Гэхдээ мембран материал нь дэлхийн хамгийн эртний барилгын материал бөгөөд хүний амьдрах орчинг уур амьсгалын нөлөөллөөс хамгаалах арга байсан байна. Жишээлбэл, гэр, майхан болон урц гэх мэтэд даавуун мембран материалыг маш эрт дээр үеэс эхлэн ашиглаж байсан. Харин орчин үеийн барилгын даацын материал болохын хувьд өнгөрсөн зууны дунд үеэс алдарт архитектор Фрай Отто зэрэг мэргэжилтнүүд инженер техникийн талаас нь авч үзсэнээр хэрэглэгдэж эхэлжээ.

Дуулгах сонин: Шулуун шугам, хурц өнцөг бол барилгын амин сүнс гэсэн уламжлалт ойлголтыг эвдэж, муруй, дүрмийн бус хэлбэрээр барилга бүрийг онцгой болгож буй Параметрик архитектур /Parametric design/ - ын талаарх мэдээллийг хүргэж байна. Энэхүү архитектурын хэв маягийн томоохон төлөөлөгчөөр алдарт архитектор Заха Хадидыг нэрлэж болох юм. 

Дэлгэрэнгүй мэдээллийг энэхүү булангаас хүлээн авч уншаарай. Эдгээр болон бусад мэдээллийг та сар тутмын Барилга МН сэтгүүлээ захиалаад үнэгүй хүргүүлэн авч уншаарай.  

Та сэтгүүл захиалах бол ЭНД дарна уу.

Онлайнаар унших бол ЭНД дарна уу. 

Утас: 9100-0233, 7711-3333-2