Барилгын салбарын төв хэвлэл болох Барилга МН сэтгүүлийн №141 хэвлэгдэн гарч захиалагч та бүхэнд хүргэгдэн очиход бэлэн боллоо. 

Энэ сарын дугаарын нүүр хуудсанд “Улаан глобал” ХХК хамтран ажилласан бөгөөд  тус компани нь 2014 оны гуравдугаар сард албан ёсоор байгуулагдаж, Япон улсын "Кансай пейнт" групп компанийн Япон болон олон улсад чанараараа хэдийн хүлээн зөвшөөрөгдсөн Алеско брендийн бүтээгдэхүүнийг албан ёсны эрхтэйгээр Монгол улсад импортлон борлуулж байгаа юм.

Онцлох булангуудтай танилцана уу.

VIP ярилцлага: Энэ удаагийн VIP ярилцлагадаа Гудамж төслөөрөө овоглогдсон, хот төлөвлөгч, зөвлөх архитектор Б.Батболд докторыг онцлон урилаа. Тэрээр АНУ, Япон улсад хот төлөвлөлтийн чиглэлээр магистр, Хот төлөвлөлтийн чиглэлээр доктор хамгаалсан анхны хүн бөгөөд дотоодын төдийгүй олон улсын төслүүд дээр амжилттай ажиллаж ирсэн Монголдоо ховорхон мэргэжилтнүүдийн нэг билээ. 

Барилгачны алдар: “Барилгачны алдар” ярилцлагын булангийн энэ удаагийн зочноор “Гавьяат барилгачин”, “Жигүүр гранд” группийн Арматурын бригадын дарга Л.Эрдэнэчимэгийг урилаа. Тэрээр 19 наснаасаа эхлэн хөдөлмөрийн анхны алхмаа хийж, өдгөө 43 дахь жилдээ барилгын салбартаа ажиллаж яваа эгэл жирийн эмэгтэй юм. Ингээд түүний ажил, амьдралын талаарх ярилцлагыг хүргэж байна.

Амины орон сууц: Өмнөх дугаарт бид эрчим хүчийг яагаад хэмнэх ёстой болон түүнийг мэргэжлийн багаж ашиглалгүйгээр өөрийн биеэр тодорхойлох боломжуудын талаар багахан ч атугай мэдлэг олж авсан билээ. Мэдээж боломж нь байвал та мэргэжлийн байгууллагад хандаж заавар зөвлөгөө авбал илүү үр дүнтэй.

Ингээд дулааны эрчим хүчний алдагдалтай байна гэдгээ тодорхойлсон бол энэхүү алдагдлын шалтгааны талаар илүү нарийвчлан судлая. Учир нь бидэнд яг юу болоод байгаа талаар үнэн мэдээлэл нь зөв шийдвэр гаргахад тусалдаг билээ.

Мэргэжилтний үг: Иргэний барилгын нэг том бүлэг болох олон нийтийн барилгын нэг төрөл нь амралт-аялал жуулчлалын цогцолбор бөгөөд түүний архитектур төлөвлөлтийн асуудал энэ салбарын мэргэжлийн үйл ажиллагааны томоохон сэдэв болж, манай улсын нийгэм-эдийн засгийн бодлогын хүрээний чухал асуудлыг шийдэх онцгой ач холбогдлоор тодорхойлогдож, үнэлэгддэг билээ. 

Үүний нэг жишээ болгон хөндөж, нийтлүүлж буй энэ асуудлаар аялал-жуулчлал гэдгийн учир холбогдлыг мэргэжлийн хүрээнд тодорхойлох, үүний тулд юунаас эхэлж, юуг шийдэж, яаж гүйцэтгэх талаар асуудал дэвшүүлж байна.

Дуулгах сонин: Агуу төсөл-Норвегийн тэнгисийн “хөвөгч хонгил” болох энэхүү супер төсөл нь Норвеги улсад хэрэгжиж буй анхны мега төсөл бөгөөд хойд чиглэлийн Е39 хурдны зам юм. Хонгилын урт нь 1100 км бөгөөд нийт өртөг 40 тэрбум доллар, төслийн үргэлжлэх хугацаа 2035 он хүртэл буюу 21 жил аж. Төслийн гүйцэтгэгчээр AF Gruppen, Martu IAV зэрэг Европын тэргүүлэх зэргийн компаниуд ажиллаж байна. 

Та чадна: Гар аргаар орны их бие хийх боломжтой бөгөөд гэрийн нөхцөлд өөрийн гараар хийх нь бүр ч сонирхолтой юм. Зурган дээрх энгийн гар аргаар бүтсэн орыг 2,850,000-5,700,000+ төгрөгийн үнэтэй модон хүрээтэй орны загвараас санаа аван хийсэн. 

Харин үүнийг хийхийн тулд танд амралтын өдөр, 285,000 төгрөгийн үнэ бүхий материал мөн анхлан сурагчдад зориулсан цөөн тооны багаж хэрэгсэл байхад хангалттай.

Энэ сарын дугаарт гарсан зөвхөн онцолсон булангуудыг танилцуулсан бөгөөд эдгээрээс гадна шинэ материал, мэргэжлийн зөвлөгөө, шинэ орон сууц, материалын үнэ ханш болон бусад нийтлэлүүдийг та сэтгүүлээсээ дэлгэрэнгүй уншиж танилцаарай.

Бид дараагийн дугаартаа илүү олон сонирхолтой, хэрэгтэй мэдээллийг хүргэх тул та доорх холбоосоор дамжуулан сэтгүүлээ захиалан үнэгүй хүргүүлэн аваарай. 

СЭТГҮҮЛ ЗАХИАЛАХ

Онлайн унших НОМЫН САН 

Утас: 9100-0233, 7711-3333-2