Шалны халаалтын систем нь Монгол оронд хамгийн тохиромжтой халаалтын шийдэл юм. Монгол орны эрс тэс уур амьсгалд зөв төлөвлөлт хийж суурилуулсан халаалтын систем нь тав тухыг дээд зэргээр хангахаас гадна зах зээл дээрх бусад халаалтын системүүдтэй харьцуулахад эрчим хүчний зарцуулалт харьцангуй багатай байдаг. Нэмж дурдахад Италийн Giacomini зэрэг үйлдвэрлэгчидийн шалны халаалтын систем нь хэрэглэгчдэд өндөр үр ашигтай, урт хугацаанд ашиглах боломжтой чанар, аюулгүй байдал болон бат бөх чанарын хамгийн сүүлийн үеийн Европын стандартыг хангасан байдаг. Энэхүү нийтлэлд хамгийн уян хатан тохируулга хийх боломжтой усан халаалтын /hydronic/ системийн тухай өгүүлэх болно. Цахилгаан болон хийн бойлер, түүнчлэн дулааны насос, нарны эрчим хүч зэрэг дулааны эх үүсвэрийг халаалтын системд ашиглах боломжтой байдаг. Эдгээр халаалтын системүүдийгпар/халаагуур/, агаар халаагч болон конвектор зэрэг хүссэн халаалтын системийн төрлүүдтэй хослуулан ашиглах боломжтой. Мөн энэхүү халаалтын системийн халалтыг хэрэглэгчийн хэрэгцээ шаардлагад нийцүүлэн тохируулах боломжтой. Эрчим хүчийг ашигтай зарцуулан тав тухыг бүрэн хангасан энэхүү тохируулгатай усан /hydronic/ шалны халаалтын системийг нэг айлын орон сууцнаас эхлээд том хэмжээний үйлдвэр худалдааны зориулалттай байгууламжид суурилуулж болно.

Шалны халаалтын систем болон түүний онцлог 

Шалны халаалтын систем нь цахилгаан бойлер, дулааны насос, төвлөрсөн дулааны станц зэрэг дулааны эх үүсвэрээс тэжээлийн ус авч ажиллах ба энэхүү халаалтын систем нь тэжээлийн усыг 25-45 С⁰(90С⁰ байх шаардлагатай парны тэжээлийн устай харьцуулахад  энэ төрлийн системийн тэжээлийн усны шаардлагатай температур харьцангуй бага) хооронд тохируулах термостат хаалт эсвэл түүнтэй ижил үүрэгтэй төхөөрөмжтэй байж болно. Термостат хаалтаар дамжин /халсан ус/ нь шалны доор суурилуулсан нэг буюу түүнээс дээш хуванцар шугам хоолойгоор дамжин хуваарилагддаг.

Халсан ус нь шаланд суурилуулсан шугам хоолойгоор урсан өнгөрөхдөө шаланд дулаанаа дамжуулан шалыг халаадаг. Халсан шалны гадаргуугаас дулаан ялгарч өрөөг бүхэлд нь халаадаг. Шалны шугам хоолойгоор урсан өнгөрсөний дараа хөрсөн ус нь дахин халаахаар дулааны эх үүсвэр рүү орно эсвэл дахин тэжээлийн ус руу нийлдэг. 

Агаар халаагч сэнс, паар зэрэг уламжлалт халаалтын системээс шалны халаалтын системийн ажиллагаа ялгаатай байдаг. Эдгээр ялгааг доор дурдав. 

Уламжлалт халаалтын паар /радиаторууд/

Дулааны энерги нь паарны металл ялтасууд руу шилждэг. Өрөөний агаар болон халсан ялтасны дулааны хоорондох өндөр температурын зөрүүгээр конвекцын дулаан солилцоо явагдаж өрөөг халаадаг. 

Албадмал агааржуулалтын систем

Дулааны энерги нь металл ялтасууд руу шилждэг. Сэнс халсан ялтасуудын дундуур агаарыг үлээснээр өрөөнд дулаан агаар орж ирж өрөөг халаадаг

Шалны халаалтын системийн давуу тал, тав тух

Шалны халаалтын систем нь өрөөг жигд халааж тухтай байлгахаас гадна өрөөний доторх харшил үүсгэгчийг бууруулж эрүүл ахуйн шаардлага хангасан орчин нөхцөл бий болгож тав тухыг илүү нэмэгдүүлдэг давуу талтай.   Шалны халаалтын систем нь конвекцын дулаан солилцоо үүсгэдэггүй буюу агаарыг хөдөлгөөнд оруулдаггүй тул өрөө дотор тоос шороо болон бактерыг тараадаггүй. Мөн паар болон албадмал сэнсэн халаагуур шиг цэвэрлэхэд хүндрэлтэй ялтас болон сэнс шалны халаалтын системд байдаггүй. 

Тав тухын муруйн харьцуулалт

Мөн Шалны халаалтын систем нь хамгийн бага температурт өрөөг жигд халаадаг тул өрөөний хувьд хүйтэн, халуун зэрэг температурын зөрүүтэй цэгүүд бага үүсдэг. Ингэснээр бусад төрлийн халаалтын системүүдийг бодвол шалны халаалтын систем нь агаарыг бага шатааж, чийгшүүлэгч ашиглах хэрэгцээг багасгаж амьсгалахад тохиромжтой орчныг бий болгодог. 

Өрөөний температурын жигд бус тархалтын харьцуулалт

Шалны халаалтын систем /температур жигд тархсан/

Паар /температур жигд бус тархсан буюу паартай хамгийн ойр хэсэгт хэт халсан, бусад хэсгээр бага халсан/

Шалны халаалтын систем нь хүрээлэн буй орчинд гарах дуу чимээ багатай тул хэрэглэгчдэд илүү тав тухтай орчинг бий болгодог. Сэнстэй албадмал агаар халаагч шиг сэнсний хөдөлгөөнөөс үүссэн дуу чимээ шалны халаалтын системд байхгүй. Шалны халаалтын систем нь халсан усыг хуванцар хоолойгоор дамжуулдаг тул халалтаас үүсэх дуу чимээг ихээхэн бууруулдаг. Барилгын бетон хийц болон шалны халаалтын систем хооронд хөөсөн тусгаарлагч хавтан байдаг тул орон сууцны дуу чимээг сайн тусгаарлаж багасгадаг. 

Эрчим хүчний хэмнэлт

Системийн сонголт, хэрэглээ, барилгын хэмжээ зэргээс шалтгаалан шалны халаалтын систем нь уламжлалт халаалтын системээс 15-40хувиар бага эрчим хүч зарцуулдаг. Энэхүү эрчим хүчний хэмнэлт нь хэд хэдэн хүчин зүйлсээс шалтгаална. Шалны халаалтын систем нь шалны том талбайн хэмжээгээр өрөөг халаадаг. Үүний үр дүнд шалны халаалтанд ашиглаж байгаа усны температур багасаж, усыг халаахад бага эрчим хүч зарцуулж халаадаг. 

Шалны бетонон давхарга нь дулаан хадгалах үүргийг давхар гүйцэтгэдэг бөгөөд ингэснээр өрөөг олон удаа халаахгүйгээр дулааныг өрөөнд удаан хугацаанд хадгалах боломжийг бий болгодог. Агаарыг бага хөдөлгөөнд оруулдаг тул шалны халаалтын систем нь конвекцын дулаацуулгын системийг бодвол агаар сэлгэлтэнд алдах дулаан алдагдал багатай. Шалны халаалтын систем нь конвекцын дулаан солилцоо явуулдаггүй тул агаарыг бага хөдөлгөөнд оруулдаг ба барилгын дулаан алдагдал харьцангуй багатай. Агаарыг бодвол ус нь дулаан багтаамж өндөр тул гидроник /усан халаалтын/ систем нь албадмал сэнсэн халаалтын системийг бодвол ижил хэмжээний дулааныг илүү үр ашигтайгаар ялгаруулдаг. 

Загвар дизайны уян хатан байдал

Шалны халаалтын систем нь амьдрах орон зайг эзэлдэггүй тул барилгын ашигтай зай талбайн хэмжээг нэмэгдүүлдэг. Мөн шалны халаалтын систем тавьснаар өрөөний зохион байгуулалт, тавилгыг чөлөөтэй тавих зай талбай бий болдог. Шалны халаалтын систем нь ил харагдах зүйл байхгүйн дээр бусад халаалтын систем шиг арчиж цэвэрлэхэд хүндрэл үүсгэдэггүй. Том цонхтой газар паар тавих нь үзэгдэх орчинг хааж саад үүсгэдэг бол шалны халаалтын систем нь том цонхтой байгууламжинд илүү тохиромжтой дизайны шийдэл юм. 

Утас: 7711-1110