2012 онд баруун зүг хамгийн ээлтэй сайн зүгүүдийн нэгт тооцогдож байна. Энэ зүг ялангуяа эд баялгийн холбогдолтой мөнгөний энерги илүү их үйлчлэх болно. Тиймээс та бүхэн сар шинээр гэрээ засаж цэвэрлэхдээ энэ зүгт болж өгвөл эд мөнгөтэй холбоотой тавилга хэрэгслээ байрлуулаарай. Мөн улаан, улбар шар, шар гэх мэт хурц тод өнгийн зүйлс тавин идэвхжүүлээрэй.

      Мөн энэ хэсэгтээ хайр дурлалын бэлэгдэл болсон хос амьтад, болор эдлэл гэх мэт зүйлсийг байрлуулвал ганц бие хүмүүст хань ижилтэй болоход тустай байх болно. Хамгийн гол нь энэ чухал хэсэгт харанхуй хөндий, бохир байлгаж болохгүй.

 

 

 

 

 

 

 

 

 

 

 

 

     Ирээдүйд олох эд баялгийн булан. Энэ хэсэг мөн л гал махбодиор идэвхжиж байна. Галыг бэлэгдсэн зүйлс энэ хэсэгт тавих нь ирээдүйдээ маш том хөрөнгө оруулалт хийхтэй адил байх болно. Манай монголчуудын хувьд бурхан тахилын хэсгээ энэ хэсэгт тавибал маш тохиромжтой байх болов уу. Учир нь бурхан тахилынхаа өмнө сар шинээр зул өргөдөг шүү дээ. Зул гэдэг бол бурханы гэрэл, бурхан болоочдын замыг гэрэлтүүлдэг хамаг амьтанд үйлдэж байгаа буяны хамгийн том хэлбэр болдог. Тэр ч утгаараа та бүхэн бурхан тахилаа гэрийнхээ зүүн хойд хэсэгт, эсвэл том өрөө буюу зочны өрөөнийхөө зүүн хойд хэсэгт байрлуулаарай.

     Мөн мөнгөтэй холбоотой зүйлс тавьж болохоос гадна, идэвхжүүлэхийн тулд 9 ширхэг лаа энд асааж болно. Эсвэл 9 зоос хэлхэх юм уу 9 ширхэг зоосны сувенир олж тавиарай.

 

 

 

 

    Албан тушаал ажил хэргийн ээлтэй булан. 2012 онд өмнө зүгт ажил хэргийн маш хүчтэй нөлөө үзүүлэх 1 цагаан мэнгэ гэж шашинд хэлэгддэг 1 куа дугаар байрлаж байна. Өөрөөр хэлбэл та бүхэн ажил албаа дээшлүүлэх, албан тушаал ахихыг хүсч байгаа бол энэ л хэсэгт өөрийн ажилтай холбоотой бичиг баримт, ажил идэвхжүүлэгч зүйлсээ тавиарай. Ажил идэвхжүүлэгч зүйлсээс гадна телефон утас энд байвал маш сайн. Энэ хэсэгт төмөр эдлэл маш сайн. Мөн ТВ, Радио зэрэг техниктэй холбоотой зүйлсээ байрлуулаарай. Өнгөний хувьд ихэнхдээ хар, хар хөх, саарал, мөн тод цагаан гэх мэт өнгүүдийг ашиглаарай. Харилцаа холбоонд маш хүчтэй нөлөөлөх учраас өөрийн гэр бүлийн зургийг төмөр жаазанд хийн өлгөөрэй. Эсвэл хамт олны зураг, томоохон харилцагчийн зураг бэлэг зэргийг энд тавиарай. Харин энэ хэсэгт таримал цэцэг болон гал гэрэл зэргийг байлгахаас татгалзах хэрэгтэй. Хамгийн гол хэрэгтэй махбодь буюу эд материал нь Ус, Төмөр байх болно. Тиймээс энэ хэсэгт тунгалаг шилэн аяганд ус хийж тавьж байвал энэ 2012 онд тустай. 

     Анхаарвал зохих бас нэг зүйл гэвэл өмнө зүгийг эдгээр хэрэгтэй зүйлсээр чимэглэх тохижуулах нь хэрэгтэй боловч энд голлон сууж ихэнх цагаа өнгөрөөх хэрэггүй.

 

 

 

     Хайр дурлал, эрдэм мэдлэгийг идэвхжүүлэх зүг. 2012 онд энэ хэсэгт Модон махбодиор буюу цэцэг ургамал, томоохон модон эдлэл, тавилга чухал нөлөөтэй. Энэ жил энэ хэсэгт та өөрийн хайр дурлал, хань ижилтэй холбоотой эд зүйлсийг байрлуулж тавиарай. Ганц бие хүмүүс хань ижилтэй болж хүүхдүүд эрдэм мэдлэгтээ сайжирах болно. Хүүхдийнхээ бичгийн ширээг энэ хэсэгт байрлуул. Энэ хэсэгт том төмөр эдлэл хэрэггүй. Харин бага зэргийн гэрэлтүүлэг байж болно.

      Болор эдлэл энд бас сайхан энергижүүлэгч болно. Өнгөний хувьд ногоон, цэнхэр, хөх, улаан хүрэн, шаргал гэсэн байна. Эдгээр өнгүүд орсон тавилга хэрэгсэл энэ жил энэ хэсэгт сонгож хэрэглээрэй.

Мөн сар шинэ дөхөж сарны тооллын шинэ он эхлэх гэж байгаатай холбогдуулан шинэ ондоо амжилт бүтээлтэй, эрүүл энх байхын тулд цагаан сараар фэнг шүйгийн хувьд ямар ямар арга техникүүдийг хэрэглэн энергээ сайжруулж болох талаар зөвлөж байна.

 

 

 

 

 

 

    Фэнг Шүйгийн ухаанд УСАН махбодь маш чухал. Аливаа байгалийн болон соронзон орны энергүүд нь усаар дамжин хүнд маш хүчтэй нөлөөлж байдаг. Тиймээс ч монголчууд усны урсгалд маш их анхаарал тавьдаг байсан. Голоо уруудаж нүүдэггүй, голын урсгалын чиглэлээр өөд уруугаа тооцдог, гол ус, булаг шандад бохир оруулдаггүй, лус савдаг хилэгнэнэ хэмээн хүндэтгэн үздэг байсан. Энэ ч утгаараа шинэ онд ажил үйлс амжилт бүтээлээр дүүрэн байхын тулд юуны өмнө хуучин оны муу муухайгаа үлдэн хөөх, ариутган цэвэрлэх ажил бол сар шинийн хамгийн гол ажил болдог. Фэнг Шүйд усны хүчийг ашиглан энергээ цэвэрлэдэг олон арга бий.

Жишээ нь аливаа энергийг өөртөө шингээн, мөн тараан ойлгож байдаг ТОЛЬ-оо хүйтэн усаар цэвэрлэн угаах хэрэгтэй. Өрөөнийхөө өнцөг булан бүрт ариун үнэртэн шингээсэн усаар бага зэрэг цацаж ариутгаж болно. Яагаад заавал үнэртэн шингээсэн ус хэрэглэх хэрэгтэй вэ гэхээр УС махбодийг Фэнг Шүйд баялгийг урсган авчирдаг энергийг зөөвөрлөдөг гол махбодь гэж үздэг. Тиймээс дан усаар бүх зүйлээ цэвэрлэх юм бол хэрэгтэй сайн энерги болон эд баялгийг урсган авч одно гэж үздэг. Ариун үнэртэн гэдэгт байгалийн цэвэр ургамалууд шингээсэн төрөл бүрийн хэрэглээний тоснууд байдаг. Лаванда, сарнай, лимон, зандан мод гэх мэт олон төрлийн тоснуудыг хэрэглэн усандаа шингээн бага зэрэг халаасны дараа дээрх цэвэрлэгээг хийх хэрэгтэй. Ингэж чадвал ирэх ондоо цэвэр ариун хир буртаггүй, өнгөрч буй оны муу муухайг ардаа үлдээх болно гэдэгт итгээрэй.

2.      Хуучин оны нөлөөг дарах, шинэ ондоо хуучин оныхоо амжилтыг бататгах зэрэгт хэрэглэх дараагийн нэг арга бол ГАЛ махбодь. Гэр хороололд байдаг айл бол галаа тахих гэдэг шиг галын хүчийг ашиглан гэр орноо цэвэрлэн өөдлөн дэвжихийн бэлэгдэл болгон гал гарган ариутгах хэрэгтэй.

3.      Шинэ хувцас, шинэ тавилга, шинэ хэрэглэгдэхүүн зэргээ шинийн нэгний өглөө нар мандахад хайрцаг болон уутнаас нь гаргаж хэрэглээрэй.