Монгол Улсын барилгын цонх хаалга, шилэн фасадны үйлдвэрлэлийн чанарыг дээшлүүлэх, үйлдвэрлэгчдэд тулгарч буй саад бэрхшээлийг сонсож, түүнээс гарах гарц боломжийг хамтдаа хэлэлцэж, үйлдвэрлэлийн хөгжлийн чиг хандлагыг илүү нарийн тодорхойлоход  үйлдвэрлэгчдийн дуу хоолойг сонсох, тэндээс гарсан санал, зөвлөмжийг бодлогодоо тусган хэрэгжүүлэх зорилготойгоор “Бид үйлдвэрлэгчдээ сонсъё” уулзалт, зөвлөгөөн амжилттай зохион байгуулагдлаа. Энэхүү уулзалт, зөвлөгөөн нь үйлдвэрлэгчдэд тулгамдаж байгаа  үйлдвэрлэлийн хөгжлийн асуудал, мэргэжлийн зөвлөгөө мэдээлэл, цонх хаалганы стандарт, дэвшилтэт техник технологи, инноваци, үндэсний үйлдвэрлэлийн талаарх хамгийн сүүлийн үеийн мэдээ мэдээллийг ярилцаж байсанаараа онцлог байсан бөгөөд нийтдээ 50 гаруй байгууллагын удирдлага, инженерүүд хүрэлцэн ирж идэвхтэй оролцсон юм.

Монголын Цонх Хаалга Үйлдвэрлэгчдийн Холбооны гүйцэтгэх захирал Б.Отгонбаяр