“Барилга Экспо-2012” үзэсгэлэн яармагийн шилдгүүд тодорлоо
Batsuh
Барилгын салбар эрчимтэй хөгжиж байгаа энэ цаг үед өрсөлдөөн ижил төрлийн үйл ажиллагаа явуулдаг байгууллага, аж ахуйн нэгж, компаниудын дунд хамгийн их байдаг. Зах зээлийн энэ үед өрсөлдөөн байж гэмээнэ тухайн салбарын хөгжлийн нэг эх үүсвэр бий болдог. Өрсөлдөөнд чанартай бараа бүтээгдэхүүнтэй хэрэглэгчдийн таашаал хүртэж салбартаа тэргүүлэгчийн эгнээнд зогсож чаддаг.
Урин хавар айлчлан ирж, барилгын салбарынханы үйл ажиллагаа идэвхжиж ирдэг цаг үетэй холбогдуулан “Барилга Экспо-2012” үзэсгэлэн яармагийг уламжлал болгон зохион байгуулдаг билээ.
Хаврын үзэсгэлэн яармагийн гол зорилго нь барилгын компаниудын үйл ажиллагаа, материал бүтээгдэхүүнийг олон нийтэд таниулан сурталчилах мөн Монголын барилгын компаниудын гадаад харилцаа, хамтын ажиллагааг өргөжүүлэх, барилгын салбараараа дэлхийд тэргүүлэгч гадаадын компаниудтай танилцуулан хамтын ажиллагааг нь өргөжүүлэхэд оршиж байгаа юм.
“Барилга Экспо-2012” хаврын үзэсгэлэн яармагийн шилдэг байгууллагуудаар
Шилдэг үйлдвэрлэгч “Суприм Виндов” ХХК
Суприм Виндов ХХК нь дэлхийн шилдэг бренд болох Schueco брендын ISO200/9001 олон улсын стандартын шаардлагыг хангасан хуванцар хаалга, цонх, усны хаялагыг Монголд импортлож, хамгийн сүүлийн үеийн тоног төхөөрөмжүүдээр үйлдвэрлэлээ явуулдаг юм. Тус компани нь 2011 онд 2500 цонхыг стандартын өндөр түвшинд үйлдвэрлэж, суурьлуулан харилцагчдынхаа ташаалыг хүлээж байна. Цонх хаалганы зах зээлд хамгийн чанартай бүтээгдэхүүн нийлүүлэхийг зорьдог энэ хамт олон өөрсдийн бүтээгдэхүүндээ 3 жилийн баталгаа өгч байна.
Шилдэг импортлогч “Номин стандарт” ХХК
Номин стандарт нь дотоодын зах зээл барилгын материал импортлогч томоохон компаниудын нэг бөгөөд анх 2002 онд байгууллагдсанаас хойш эдүгээ 10 дахь жилдээ барилгын салбарт амжилттай ажилласаар ирлээ. Номин стандарт нь Номин Холдинг ХХК-ийн салбар компани бөгөөд үйл ажиллагааныхаа чиглэлийг улам бүр өргөжүүлэн тэлсээр байна. Мөн 100 айлд байрлах өөрийн дэлгүүр дотроо showroom буюу үзүүлэнгийн өрөөнүүдийг ажиллуулж хэрэглэгчиддээ үйлчилж байна. Тус компани нь Орос, Итали плита, Герман, Солонгосын чанартай материал бүтээгдэхүүнийг хэрэглэгчдийн гар дээр хүргэн ажиллаж байна.
Шинэ дэвшилтэт технологи нэвтрүүлэгч “Монхорус Интернэшнл” ХХК
Монгол Польшийн хамтарсан Монхорус Интернэшнл ХХК нь 2000 онд үүсэн байгууллагдсан ба цахилгаан эрчим хүчний хангамж, бараа бүтээгдэхүүний нийлүүлэлт, угсралт, суурилуулалтын чиглэлээр үйл ажиллагаагаа явуулж байна. Монхорус Интернэшнл компани нь эрчим хүчний хэмнэлттэй гэрэлтүүлэгийн үйлдвэрлэлээрээ дэлхийд тэргүүлэгч Philips брэндийн гэрэлтүүлэг, Гярман улсын Faber Cable-ийн утас кабель, Англи улсын Lister Petter цахилгаан үүсгүүр гээд дэлхийд тэргүүлэгч компаниудын материал бүтээгдэхүүнийг Монголын зах зээлд нэвтрүүлэн ажиллаж байна. “Барилга Экспо-2012” үзэсгэлэн яармагт Philips дэлхийн №1 гэрэл гэрэлтүүлэгийн тоног төхөөрөмжийг хэрэглэгчиддээ танилцуулсан юм.
Шилдэг бүтээгдэхүүн “Юу би системс” ХХК
Тус компани нь 2009 онд барилгын материал бүтээгдэхүүн үйлдвэрлэлийн чиглэлээр үйл ажиллагаагаа явуулж эхэлсэн ба Итали улсын Конкревалл системийн шинэ технологийг бүрэн автомажуулсан тоног төхөөрөмж, тооцооллын программын хамт иж бүрдэлээр нь оруулж ирсэн юм. Конкревалл системийн хавтанг каркасан барилга, цутгамал ханан хийцлэлтэй барилга, тоосгон барилгын гадна, дотор дүүргэгч ханаар ашиглах боломжтой. Энэхүү системийн давуу тал нь нийт барилгын жин хөнгөрөхөөс гадна суурийн зардал багасаж, ашигтай талбай нэмэгдэн дуу чимээ багасах зэрэг олон давуу талтай юм.
Хэрэглэгчийн ташаалд нийцсэн шилдэг бүтээгдэхүүн “Клаймакс интернэшнл” ХХК
Клаймакс интернэшнл ХХК нь 2006 оны 10 сард гадаад, дотоод худалдааны чиглэлээр байгууллагдсан. Өнөөдрийн байдлаар Польш, Турк, Итали, Франц, Герман зэрэг улсуудаас барилгын сантехникийн гадна бохир, цэвэр ус, халаалтын төрөл бүрийн шугам хоолой, холбох хэрэгсэлийг импортлон нийлүүлэх, худалдаалах, угсрах үйл ажиллагааг явуулахаас гадна Монгол дахь албан ёсны төлөөлөгчөөр нь ажиллаж байна.Тус компани нь 1000 гаруй нэр төрлийн 6 750,000,000 /Зургаан тэрбум долоон зуун тавин сая/ төгрөгийн бараа бүтээгдэхүүн Монголын зах зээлд импортолж, тэдгээрийн 91%-ийг хэрэглэгчдэд нийлүүлээд байна.
Шилдэг шийдэлтэй шинэ орон сууц, хотхон “Жигүүр гранд групп” ХХК
Жигүүр гранд группын бүтээн босгосон орон сууц, хотхонууд амьдрах таатай орчин, хэрэглэгчдийн хэрэгцээ, тав тухыг бүрдүүлж өгдөгөөрөө онцлог давуу талтай юм. Жигүүр гранд группын бүтээсэн байгуулсан шилдэг хотхонуудын нэг нь Хунгийн хотхон юм. Байгалийн төгс бүрдсэн газар хун шувуу цуглардагийн адил энэ хотхонд айл бүр аз жаргалаар дүүрэн байхыг билэгдэж Хунгийн хотхон нэрийг өгсөн түүхтэй. Энэхүү төслийг эхлэхээс 2 жилийн өмнөөс төлөвлөж, Монгол орны уур амьсгал, Монгол хүний бие организмын онцлог зэрэгтэй нарийн уялдуулан, хүний эрүүл аюулгүй амьдрах нөхцлийг дээд зэргээр тооцсоны үндсэн дээр хэрэгжүүлсэн юм.
Шилдэг төсөл, хөтөлбөр хэрэгжүүлэгч “Номин констракшн” ХХК
Барилгын салбарт өөрийн гэсэн орон зайгаа эзэлсэн томоохон компаниудын нэг нь Номин Констракшн юм. Тус компани нь Өнөр хотхон, River Garden хотхон, Цэцээ гүн хотхоны төслүүдийг зах зээлд нийлүүлж байна. Барьсан барилгууд нь чанартай хэрэглэгчдийн тав тухыг бүрэн хангасан, иргэдийн итгэлийг хүлээсэн байгууллага юм.Шилдэг оролцог брэнд маркетер “ИЕК Монгол” ХХК
ОХУ-ын ИНТЕРЭЛЕКТРОКОМПЛЕКТ компанийн Монгол дахь салбар ИЭК -МОНГОЛ компани нь 2006 оноос Монголын зах зээлд нам хүчдэлийн цахилгаан угсралтын тоног төхөөрөмжийг Улаанбаатар хот дахь агуулахаасаа өөрийн борлуулалтын сүлжээгээр дамжуулан бөөнөөр нийлүүлж байна. ИЭК – Монгол компани үүсгэн байгуулагдсан цагаасаа хойш Орчин үеийн цахилагаан техникийн дэвшилтэт тоног төхөөрөмжийг өөрийн орны зах ээлд нэвтрүүлж барилгын болон үйлдвэрлэлийн цахилгаан хангамжийн стандартыг тогтоон мөрдүүлэх гэсэн эрхэм зорилгын дор ажиллаж байна.
Улаанбаатар хотод баригдаж буй орон сууц, үйлчилгээний барилгуудын 50-иас дээш хувь ИЭК нэрийн бүтээгдэхүүнээр тоноглогдсон байдаг Макс, Орчлон, Өндөр буянт, Номин констракшн зэрэг барилгын томоохон компаниуд мөн Эрдэнэт үйлдвэр, Оюу толгой, Дарханы хар төмөрлөгийн үйлдвэр зэрэг шилдэгүүдтэй хамтран ажилладаг.
Энэхүү үзэсгэлэн яармагт нийт орон сууц, барилгын материал бүтээгдэхүүн, шинэ дэвшилтэт техник технологи гээд нийт 100 гаруй байгууллага, аж ахуйн нэгж оролцсон юм.
“Барилга.МН” Барилгын Зөвлөгөө Мэдээллийн Төв болон Ingenious
Switzerland “Дизайн Экспо-2013” олон улсын үзэсгэлэн яармагийг
хамтран зохион байгуулах санамж бичигт гарын үсэг зурлаа
Мөн түүнчлэн “Барилга Экспо-2012” хаврын барилгын үзэсгэлэн яармагийн шилдгүүдийг тодруулах ёслолын ажиллагааны үеэр тус үзэсгэлэнгийн Ерөнхий зохион байгуулагч “Барилга.МН” Барилгын Зөвлөгөө Мэдээллийн Төв болон Швейцарийн засгийн газрын санаачилгаар архитектур, зураг төсөл болон дизайны салбарт зориулан үүсгэн байгуулсан Ingenious Switzerland төслийн багийнхантай “Дизайн Экспо-2013” олон улсын үзэсгэлэн яармагийг хамтран зохион байгуулах санамж бичигт гарын үсэг зурсан юм.
