“Барилга Экспо” үзэсгэлэн 2 дахь жилдээ сонирхохоор ирсэн бүх үзэгчдээ бүртгэлд хамрагдуулж, азтан болох боломжийг олгож байгаа билээ.  Энэ 2012 оны үзэсгэлэн яармаг амжилттай зохион байгуулагдаж өндөрлөөд даруй 10 хоногийн дараа 2 дахь азтан маань тодорлоо. Нэг гэр бүлийн энэ 2 байраа шинэчлэх зорилготой үзэсгэлэнд очсон бөгөөд нөхөр Ж.Баянмөнх нь хүнд машин механизмын техникч, эхнэр Б.Мөнхтөр нь нягтлан мэргэжилтэй гэнэ.

-“Барилга Экспо-2012” хаврын барилгын үзэсгэлэн яармагийн азтай үзэгч болж, LCD телевизор хожсон та бүхэнд баяр хүргэе.

-Баярлалаа. Танай үзэсгэлэнг үзэж байхдаа телевизор хожино гэж огт бодсонгүй.

-Телевизор хожсон гэдгээ мэдэх агшинд ямар сэтгэгдэл төрсөн бэ? Азтан болсон анхны сэтгэгдлээсээ хуваалцахгүй юу?

-Үзэсгэлэн дуусаад бараг 7 хоногийн дараа мэдсэн. Barilga.MN вэб сайтад тавигдсан мэдээллийг хараад эхэндээ ерөөсөө анзаараагүй. Гэтэл яах аргагүй нэг танил дугаар харагдах шиг болсон. Тэгээд лавлаад байн байн тулгаж хараад байгаа хэрнээ нүдэндээ ч итгэдэггүй. Бүр дахин дахин харсан. Энэ баяртай мэдээгээ нөхөр рүүгээ залгаж хэлээд танай дээр ирж, хожсон телевизороо авч байгаа нь энэ. Ер нь танай хамт олны зохион байгуулсан энэ сайхан арга хэмжээнд сэтгэл хангалуун байна. Энэ үзэсгэлэнг үзээд азтан болсондоо баяртай байна. Танай Барилгын Зөвлөгөө Мэдээллийн Төв цаашид ийм үзэсгэлэнг байнга зохион байгуулж байхыг хүсч байна. Мөн танай “Барилга.МН” сэтгүүл ч гэсэн илүү олон захиалагчтай болохыг ерөөе.
 

-Манай үзэсгэлэнг үзэх гээд тасалбараа бөглөж байхдаа хэрвээ азтан болвол ямар зүйлийг нь хожино гэж бодож байсан бэ?

-Бид 2 их хоцорч очсон. Үзэсгэлэнг сугалаатай гэдгийг ч мэдээгүй байсан. Орж сонирхох гээд л яараад байсан уу гэхээс сугалааны талаар бараг бодоогүй шүү.
 

-Үзэсгэлэн яармагт ямар зорилготой ирсэн бэ?

-Бид 2 бүр хүүхдүүдээ дагуулаад 2 өрөө байр худалдаж авах зорилготой үзэсгэлэнг очиж үзсэн. Байршил, өнгө үзэмж, ямар материал технологиор барьсан гээд орон сууцуудыг хооронд нь харьцуулж үзсэн.
 

-Орон сууцаа шинэчилье гэсэн бодолтой байв уу?

-Одоо байгаа орон сууцаа шинэчилэе гэсэн бодолтой очсон. Ер нь хүнд маш хэрэгтэй үзэсгэлэн яармаг болж байна лээ. Тэнд очоод бид их юм мэдэж авсан. Олон ч компаниудтай уулзсан. Бид чинь ажилтай болохоор ажлынхаа зав чөлөөгөөр иймэрхүү зүйлүүдтэйгээ хөөцөлддөг болохоор тэндээс бүх мэдээллийг авч чадсан.
 

-Үзэсгэлэнд очоод үр дүн нь гарсан уу?

-Одоохондоо нэг байр авах гээд ярилцаж байгаа. Гэхдээ арай шийдээгүй байна. Ямар ч байсан судлаж байна даа.
 

Ярилцсанд баярлалаа та бүхнийг азын тэнгэр улам илүү ивээх болтугай!