Монголын Барилгын Инженерүүдийн Холбоо анх удаа барилгын салбарын залуу инженерүүдэд зориулсан "Шинэ инженер" сургалтаа амжилттай зохион байгуулж дууслаа. Сургалтанд барилга угсралтын байгуулагад ажиллаад удаагүй байгаа ,  их сургуулиа дөнгөж төгсөн ажлын талбарт гараад  нэг сар ажиллаж байгаа  төдийгүй талбайн инженерээр ажиллаад 4-5 жил болсон мөн  зургийн байгуулагад 5 жил ажилласан залуу инженерүүд хамрагдлаа. Инженерүүд маань сургалтанд хамрагдснаар барилгын хууль эрх зүй, барилгын ажил эхлүүлэх, барилга ашиглалтанд оруулахад шаардагдах ажлын акт хэрхэн хөтлөх, хөдөлмөр аюулгүй ажиллагааны талаар авах арга хэмжээ, хяналт шалгалт хэрхэн явуулах, ажиллагсадтайгаа хэрхэн харилцах зэргийг сурч мэдсэн билээ.Сургалтыг мэргэжлийн инженерүүд болон мэргэжил хяналтын байцаагчид заасан нь суралцагсдад маань илүү таалагдсан байна.  Сургалтанд хамрагдсан инженерүүд маань өнөөдөр гэрчилгээгээ гардан авч, сургалтын талаарх сэтгэгдэл, санал хүсэлтээ үлдээн ярилцлаа. Сургалтын талаарх мэдээллийг манай холбооны MACE News сонины 57-р дугаарт гарах болно. Энэхүү сургалт маань ирэх намар дахин явагдах болно.

Мөн сургалт явуулахад туслан бидэнтэй хамтран ажилласан  Ганганжир консалтинг ХХК, Цац суварга интэрнэшнл ХХК, Бридж констракшн ХХК, Татах хүч ХХК, НМХГ болон Баянгол дүүргийн МХГ-ын  Дэд бүтцийн хяналтын хэлтэс, Лектор төв, Инженер геодези ХХК-ууддаа талархал илэрхийлье.