Бидний дугаар бүрийг алгасалгүй уншдаг мэргэжилтэн болон уншигч та бүхнийхээ дуу хоолойг, салбарын тулгамдсан болон өнөөгийн бодит байдлыг олон нийтэд хүргэх зорилгоор “Идэвхтэн бичигч” буланг “Барилга.МН” сэтгүүлийнхээ хуудаснаа нээгээд багагүй хугацааг үдлээ.
Та бүхний нийтлэл бидний зорилго чиглэлд нийцэж байвал бидэнд илгээн хамтран ажиллахыг урьж байна. Бид таны оюуны хөдөлмөрийг олон нийтэд хүргэн сурталчилан таниулахын сацуу, бичлэгийн шагналаар урамшуулах болно.

Агуулга:

Барилгын салбарын өнөөгийн байдал, дэлхий дахинаа шинээр нэвтэрч буй дэвшилтэд техник, технологи, салбарын тулгамдсан асуудал, түүнийг шийдвэрлэх арга зам, амины орон сууц барих, ашиглахтай холбогдсон олон талт заавар зөвлөгөөг олон нийтэд хүргэх, түгээн дэлгэрүүлэх зорилтыг дэвшүүлсэн байна.

Шаардлага:

- Сэтгүүлзүйн бичлэгийн ямарч төрлөөр бичиж болно.
- Сэдвийн хүрээнд өөрийн үзэл бодлоо баримт нотолгоон дээр тулгуурлан чөлөөтэй, цэгцтэй илэрхийлсэн байна.
- Таны бичсэн материал Microsoft word программ дээр Times New Roman фондоор 12-ын хэмжээтэй шрифтээр бичигдсэн 3-4 хуудас байна.
-Өөрийн овог нэр, холбоо барих утас, хаяг, цахим хаягаа өөрийн материал дээр тодорхой бичсэн байна.
-Нас, мэргэжил харгалзахгүйгээр “Барилга.МН” сэтгүүлийн “Идэвхтэн бичигч” булан таны өмнө нээлттэй.

Та бэлтгэсэн материалаа “Барилга.МН” сэтгүүлийн setguul@barilga.mn и-мэйл хаягаар ирүүлж, эсвэл өөрийн биеэр редакцид авчирч өгөөрэй.

Утас: 77111777, 91000222
Хаяг: Чингэлтэй дүүрэг, 2-р хороо, Баруун 4 зам, Нарантуул зочид буудал, Б корпус, 2 давхарт