"Шинэ бүтээн байгуулалт" дунд хугацааны зорилтот хөтөлбөр болон "100.000 айлын орон сууц" төслийг хэрэгжүүлэхэд "Барилгын салбарын өмнө тулгамдаж буй асуудлууд шийдвэрлэх арга зам" сэдвийн дор Барилгын салбарын удирдах ажилтны 2012 оны ээлжит зөвлөгөөн өнөөдөр болж өндөрлөлөө. Зөвлөгөөнд хот, хөдөө орон нутгийн нийтдээ 800 гаруй удирдах ажилтан, барилгын салбарын үе үеийн ахмадууд оролцсон юм.
       Барилгын салбарын удирдах ажилтны зөвлөгөөнийг Монгол Улсын Ерөнхий сайд С.Батболд нээн барилгачиддаа мэндчилгээ дэвшүүлсэн. Харин зөвлөгөөнийг Ерөнхий сайдын зөвлөх Т.Гантөмөр, ЗТБХБЯамны БОСНААБГ-ын дарга Б.Баасан, Нийслэлийн засаг даргын орлогч Б.Мөнхбаатар, ЗТБХБ-ын сайд Ц.Дашдорж, ЗТБХБЯамны Төрийн нарийн бичгийн дарга Ж.Бат-Эрдэнэ, ГХБГЗЗГ-ын дарга Ц.Ганхүү, Монголын Барилгачдын Холбооны ерөнхийлөгч М.Батбаатар, Монголын Барилгачдын Үйлдвэрчний Эвлэлүүдийн Холбооны дарга Б.Батцогт, БХҮНТөвийн удирдах зөвлөлийн дарга Л.Нямсамбуу нар удирдан явуулж, Барилгын салбарын удирдах ажилтнуудын асуултанд хариулж, санал шүүмжлэлийг нь хүлээн авч байсан юм. Тус зөвлөгөөн өглөө 09.30 цагт эхлэж, 16.00 цагт дууссан бөгөөд оролцогчдоос төмрийн хүдрийг гадагш нь гаргахаа больж, Монголдоо түүхий эдийг нь боловсруулан арматур зэрэг хэрэгцээгээ хангая, Барилгын зураг төслийн үнэлгээг нэмэгдүүлье, Монголд гадаадын байгууллагуудын барьж буй барилгуудыг нарийн хянадаг систем дутагдаж байна, барилгын салбар тэр дундаа барилгын материалын үйлдвэрлэлийг хөрөнгө санхүүгээр дэмжиж, өвөлдөө материалынхаа нөөцийг хангалттай бэлдэе, “Тусгай салаа” уран сайхны кино шиг залуучуудыг барилгад байлдан дагуулж, бахархуулах дэлгэцийн уран бүтээлтэй болъё, барилгачид орон сууц бариад байгаа хэрнээ өөрсдөө орон сууцгүй байна, Тиймээс барилгачид өөрсдийгөө орон сууцжуулах бодлогыг дэмжих шаардлагатай байна гэх мэт олон санал гарган дараах шийдвэрүүдийг баталсныг танилцуулж байна. Үүнд:

1. "Шинэ бүтээн байгуулалт" дунд хугацааны зорилтот хөтөлбөр болон "100.000 айлын орон сууц" төслийг хэрэгжүүлэхтэй холбогдуулан Засгийн газраас гаргасан тогтоолуудыг хэрэгжүүлэх ажлыг шуурхай зохион байгуулах.
Зам, Тээвэр, Барилга, Хот Байгуулалтын Яам
Газрын Харипцаа, Барилга, Геодези, Зураг Зүйн Газар
2. "100.000 айлын орон сууц" төслийн хүрээнд нийслэл, аймгуудад баригдах хорооллуудын барилгын гүйцэтгэгчээр монголын барилгачид, барилгын компаниудын нөөц боломжийг ашиглах ажлыг хамтран зохион байгуулах.
Зам, Тээвэр, Барилга, Хот Байгуулалтын Яам, Газрын Харилцаа, Барилга, Геодези, Зураг Зүйн Газар, Орон Сууц Санхүүжилтийн Корпораци, Барилгын Хөгжлийн Үндэсний Нэгдсэн Төв
3. Барилгын материалын үйлдвэрлэлийн төслийг энэ оноос эхлэн жижиг дунд үйлдвэрийн хөнгөлөлттэй зээлэнд хамруулах асуудлыг шийдвэрлүүлэх. Зам, Тээвэр, Барилга, Хот Байгуулалтын Яам, Жижиг дунд үйлдвэрийн газар
4. Барилгын салбарын 2012-2014 оны /тариф/ хамтын хэлэлцээрийг байгуулан хэрэгжүүлэх төлөвлөгөөг "Барилгын удирдах ажилтны 2012 оны зөвлөгөөн"-өөс гарах шийдвэрийн төлөвлөгөөтэй уялдуулан хэрэгжүүлэх. Зам, Тээвэр, Барилга, Хот Байгуулалтын Яам,  Монголын Барилгачдын Холбоо, Монголын Барилгачдын Үйлчдвэрчний Эвлэлүүдийн Холбоо
5. Барилгын материалын үйлдвэрлэлд ашиглагддаг түгээмэл тархацтай хүдрийн бус ашигт малтмалын орд газрыг ашиглах журмыг шинэчлэн боловсруулж, Эрдэс, Баялаг, Эрчим Хүчний Яамтай хамтран шийдвэрлүүлэх. Зам, Тээвэр, Барилга, Хот Байгуулалтын Яам,
Газрын Харилцаа, Барилга, Геодези, Зураг Зүйн Газар, Барилгын Хөгжлийн Үндэсний Нэгдсэн Төв
6. Барилгын салбарт мэргэжилтэй ажилчдыг бэлтгэх, мэргэшүүлэх, тогтвор суурьшилтай ажиллуулах чиглэлээр бүртгэл мэдээллийн санг байгуулж, хувийн хэвшлийн хөдөлмөр зуучлалыг хөгжүүлэх. Газрын Харилцаа, Барилга, Геодези, Зураг Зүйн Газар, Монголын Барилгачдын Холбоо
7. Барилгын салбарын ажилчдын мэргэжлийн стандартад нийцүүлэн мэргэжлийн сургалтын байгууллагуудын сургалтын хөтөлбөрийг шинэчлэх, боловсруулж хэвшүүлэх
Зам, Тээвэр, Барилга, Хот Байгуулалтын Яам, Газрын Харилцаа, Барилга, Геодези, Зураг Зүйн Газар, Барилгын Хөгжлийн Үндэсний Нэгдсэн Төв
8. Барилгын салбарыг 2012-2021 он хүртэл хөгжүүлэх мастер төлөвлөгөөг шинэчилэн боловсруулж хэрэгжүүлэх.
Зам, тээөэр, барилга, хот байгуулаптын яам
Газрын харилцаа, барилга, геодези, зураг зүйн газар
Барилгын хөгжлийн үндэсний нэгдсэн төв
9.    Барилгын материалын сорил шинжилгээний иж бүрэн лабораторийг ашиглалтанд оруулах ажлыг түргэвчлэх, орон нутагт байгуулах лабораторуудын барилгын асуудлыг шийдвэрлэх, лабораторийн ажилтнуудыг сурган бэлтгэх
Зам, Тээвэр, Барилга, Хот Байгуулалтын Яам, Газрын Харилцаа, Барилга, Геодези, Зураг Зүйн Газар
10. Барилгын салбарын Хөдөлмөр хамгаалал эрүүл ахуйн чиглэлээр
тавих хамтарсан хяналтын үйл ажиллагааг тогтмол зохион байгуулах, ИТА-ны
Хөдөлмөр хамгаалал эрүүл ахуйн чиглэлээрх сургалтын хөтөлбөрийг шинэчлэн
Сайжруулах.
Зам, Тээвэр, Барилга, Хот Байгуулалтын Яам, Газрын Харилцаа, Барилга, Геодези, Зураг Зүйн Газар, Монголын Барилгачдын Үйлчдвэрчний Эвлэлүүдийн Холбоо
11. Нийслэл, орон нутагт барилгын материал бүтээгдэхүүнд чанарын баталгаажуулалт, тохирлын үнэлгээний итгэмжлэгдсэн албадыг байгуулах ажлыг зохион байгуулах.
Зам, Тээвэр, Барилга, Хот Байгуулалтын Яам,
Газрын Харилцаа, Барилга, Геодези, Зураг Зүйн Газар, Стандартчилал хэмжил, зүйн газар
12. Барилгын салбар дахь үнийн хөөрөгдлийг гаргахгүй байх, материалын үнийн өсөлтөд хяналт тавихтай холбогдуулан барилгын материалын дундаж үнэ, барилгын үнийн индексийг холбогдох Төрийн болон төрийн бус байгууллагуудтай хамтран тогтоож албажуулах.
Зам, Тээвэр, Барилга, Хот Байгуулалтын Яам,
Газрын Харилцаа, Барилга, Геодези, Зураг Зүйн Газар
13. Барилгын чанар аюулгүй байдалд тавих хяналтын тогтолцоог шинэчлэж, барилгын салбарын үйл ажиллагаанд зөвлөх үйлчилгээг нэвтрүүлэх ажлыг зохион байгуулах
Зам, Тээвэр, Барилга, Хот Байгуулалтын Яам,
Газрын Харилцаа, Барилга, Геодези, Зураг Зүйн Газар
14. Салбарын төрийн захиргааны байгууллагын үйлчилгээний чанартай зарим ажлыг салбарын мэргэжлийн төрийн бус байгууллагуудаар гэрээний үндсэн дээр гүйцэтгүүлэхээр шилжүүлэх ажлыг хамтран зохион байгуулах.
Зам, Тээвэр, Барилга, Хот Байгуулалтын Яам,
Газрын Харилцаа, Барилга, Геодези, Зураг Зүйн Газар,
Салбарын мэргэжлийн төрийн бус байгууллагууд
Зэрэг шийдвэрүүдийг батлан, МБХ, МБҮЭХолбоо, ЗТБХБЯам гурвалсан гэрээндээ гарын үсгээ зурсан юм.

Сурвалжилсан: Л.Энхтөр