"БАРИЛГА ЭКСПО 2012" Хаврын үзэсгэлэн яармагийн нээлтийн үйл ажиллагаа өнөөдөр “МИШЭЭЛ ЭКСПО” төвд 14 цагт болно. Барилгын салбарын бүтээн байгуулалт болон дэвшилтэт техник техологи, шинэ материал бүтээгдэхүүн, шинэ орон сууц зэрэг барилгын салбартай холбоотой бүхий л мэдээллийг нэг дороос хэрэглэгчдэд хүргэх зорилготойгоор жил бүр уламжлал болгон зохион байгуулагддаг энэхүү үзэсгэлэн яармаг “Чанарыг эрхэмлэе” уриан дор 2012 оны 04-р сарын 12-16-ны өдрүүдэд Мишээл Экспо төвд зохион байгуулагдах юм. Энэ үеэр оролцогч барилгын компаниуд супер хямдрал урамшуулал үзүүлнэ.

Нээлтийн үйл ажиллагаанд: ЗТБХБ-ын сайд Ц.Дашдорж, ЗТБХБ-ын дэд сайд Б.Цэнгэл, ГХБГЗЗГ-ын дарга Ц.Ганхүү нар болон бусад төрийн болон төрийн байгууллагын төлөөллүүд оролцоно.

Үзэсгэлэн яармагт:
•         Шинэ орон сууц барьж буй компаниуд
•         Барилгын материалын үйлдэрлэгчид
•         Барилгын материалын импортлогчид
•         “100.000 айлын орон сууцны хөтөлбөр”-т хамрагдсан компаниуд
•         Орон сууцны зээл олгож буй Арилжааны банкууд
•         Хөрөнгө оруулагчид, төсөл хөтөлбөр хэрэгжүүлэгчид
•         Машин механизм, тоног төхөөрөмж нийлүүлэгчид
•         Амины орон сууц
•         Интерьер дизайн, Ландшафт тохижилт
зэрэг чиглэлээр үйл ажиллагаа явуулж байгаа байгууллагууд оролцох юм.
 
Үзэсгэлэн яармагт ОХУ, Щвейцарь, Хятад, Солонгос, Япон, Герман, Польш, Чех, Итали зэрэг орны компаниудын барилгын шилдэг брэнд бүтээгдэхүүнүүд, үйл ажиллагаагааг олон нийтэд танилцуулах болно.
 
Мөн үзэсгэлэн яармагийн үеэр бизнес уулзалт, шинэ бүтээгдэхүүн технологийн сургалт семинараас гадна “100.000 айлын орон сууцны хөтөлбөр”-т хамрагдах хүсэлтэй иргэдэд зориулж ЗТБХБЯ, ОССК, хөтөлбөрт хамрагдаж байгаа компаниуд оролцож дэлгэрэнгүй мэдээлэл өгнө.
    
Үзэсгэлэн яармагийн Ерөнхий зохион байгуулагчаар “Барилга.МН” БЗМТөв ажиллаж, хамтран зохион байгуулагчаар ЗТБХБЯам, ГХБГЗЗГазар, ОССК, МБХолбоо, МБИХолбоо оролцож байна.
 
“БАРИЛГА ЭКСПО-2012” хаврын үзэсгэлэн яармагийн ерөнхий ивээн тэтгэгчээр “Amper House” болон “PHILIPS гэрэл”, “Жигүүр гранд групп” оролцож байна.

Нээлтийн үйл ажиллагаа 2012 оны 04 сарын 12-ны 14 цагт Мишээл Экспо төвийн үзэсгэлэнгийн танхимд болно.

Үзэсгэлэн яармагийг сонирхохоор ирсэн хүн бүр бүртгэлд хамрагдаж, САЯТАН болох боломжтой.

Нээлтэнд хүрэлцэн ирсэн бүх сэтгүүлчдэд “Барилга.МН” сэтгүүлийн шинэ дугаарыг бэлэглэнэ.