“Барилга.МН” сэтгүүлийн 5-р сарын дугаар худалдаанд гарлаа
Batsuh
Барилгын салбартай холбоотой бүхий л уншигчдад хүргэж байдаг сар тутмын “Барилга.МН” сэтгүүлийн цоо шинэхэн дугаар уншигч таны гар дээр очиж байна. Энэхүү дугаараас та бүхэн амины орон сууц барих заавар, зөвлөгөөтэй холбоотой төрөл бүрийн мэдээллийг унших боломжтой юм.
Дугаарын зочин
“Барилга.МН” сэтгүүлийн 05 сарын зочноор ШУТИС-ийн Ой модны сургалт судалгааны хүрээлэнгийн эрдэмтэн, нарийн бичгийн дарга Н.Долгорхүү уригдлаа. Түүнтэй ой мод их хэмжээгээр сүйдээд байгаагын гол шалтгаан нь юу болох, үүнээс гарах хор уршиг бидэнд ямар нөлөө үзүүлэх талаар түүнтэй хэдэн хором ярилцсан юм. ... Бид импортоор ингэж бүх материалаа авч хэрэглээгээ хангана гэдэг бол улсын эдийн засагт маш их хохиролтой. Ганцхан жишээ хэлэхэд одоо барилгын эд ангиуд, хаалга, цонх, шал гэх мэтийн зүйлүүдийг хийж байгаа эслэг эст, модлог хавтангууд байна. Олон улсад MDF гэсэн өргөн хэллэгээр нь нэршилдэг. Манай орон 1 жилд 17-18,5 сая америк долларын ийм хавтан материалуудыг импортоор оруулж ирж байгаа. Тэрнийхээ оронд бид 4 сая доллараар ийм хавтангийн үйлдвэрийг шинээр байгуулчихвал энэ гадагшаа чиглэсэн вальютын урсгалыг хаахаас гадна дотооддоо ажиллах хүчээ бүрдүүлээд, үйлдвэрээ бэхжүүлээд авч чадна ...
... Хамгийн гол зорилт бол нэгэнт уулнаас огтлоод авсан модон түүхий эдийг иж бүрэн ашиглах ёстой. Одоогийн байдлаар бид 70 орчим хувийг нь хэрэглэхгүйгээр үлдэц болгоод хаячихаж байгаа. Энэ нь ашиглаж байгаа биш харин сүйрүүлж байгаа хэрэг.
Байр авах гэж байна уу?-7
“Барилга.МН” сэтгүүл дугаар бүрээрээ шинэ орон сууц худалдан авах гэж байгаа иргэддээ зориулан “Байр авах гэж байна уу?” зөвлөгөөг хүргэж байсан билээ. Энэхүү зөвлөгөө нь хэсэг хугацаанд завсарласаны эцэст дахин хүрч байна. Энэхүү дугаараас уншигч та бүхэн чанартай, баталгаатай орон сууцанд амьдрахын тулд барилга баригдах явцад ямар хяналт тавьж болох талаар зөвлөж байна. Барилгын тухай хууль болон иргэний хуульд тухайн барилгыг баригдах явцад хяналт тавих эрхтэй этгээд хэн байдгыг уншигч та мэдэх үү?
Тэгвэл бидний бэлтгэсэн мэдээлэлд анхаарлаа хандуулаарай. Гадны оронд тодруулбал Америкад гүйцэтгэлийнхээ явцад хөрөнгө оруулалт татаж байгаа бол гүйцэтгэлийн явцад хөрөнгө оруулж буй этгээдүүд нэгдэж “барилгын захиалагч”-ийн үйлчилгээ үзүүлэгч байгууллага хөлсөлж ажиллуулдаг. Харин гүйцэтгэгч компани өөрөө хөрөнгөө босгож гүйцэтгэж буй төсөлд хөрөнгө оруулах эсвэл түүнээс худалдан авах гэж буй байгууллага, хувь хүн нь ямар байгууллагаар “барилгын захиалагч”-ийн үйлчилгээ үзүүлэгч байгууллага авч хянуулсан эсэхийг харж байж шийдвэрээ гаргадаг байна.
Цаг үе
Бид бүхэн тухайн сарынхаа сэтгүүлийн ерөнхий төлөвлөгөөний дагуу тэр чиглэл, сэдвийн дагуу олон нийтэд чиглэлсэн илтгэл, бичлэгийг “Цаг үе” буландаа нийтэлж байхаар болсон юм. Энэ удаагийн дугаарт нийтлэлч Баабарын “Хүмүүсийг хөрөнгөжүүлэх хялбар арга” нийтлэлийг хүргэж байна. Бид бүхэн өөрт байгаа нөөц бололцоогоо бүрэн гүйцэт ашиглаж чадах юм бол санаачилсан төсөл хөтөлбөрүүдээ амжилттай хэрэгжүүлэх боломж нь бүрэн дүүрэн байгааг нийтлэлдээ тусгаж өгсөн юм.
Нэг залуу байнаа. Муухан хашаа 20 саяар авсан юм байна. Гэтэл Ус сувгийнхан хоолой татаж байгаа нэрээр хашаан дундуур нь газар сэндийлээд байшинг нь нураачихсан ч юм уу гэмтээчихсэн байна. Мань сэргэлэн эр заргалдаад шүүхдэж. Ус сувгийнхан айсандаа мань эрийн хашааг цэвэр бохиртой нь холбоод өгчээ. Саяхан хашааг нь 180 саяар авъя гэсэн санал ирсэн ч сайхи эр өгсөнгүй. Харин банкууд ирж зээл аваач гэж гуйсныг нь зөвшөөрөөд мөнөөх нуугдмал капиталаа тордон канад модон байшин бариулж байна, цаана чинь.
Асуудал хөндсөн сэдэв
100 мянган айлын орон сууц гэж залуу гэр бүлүүд хэсэг хөөрцөглөв өө хөөрхий. Одоо хөөрцөглөл намжиж иргэд үнэн бодит мэдээллээр хангагдан хэсэг нь азнах болов. Учир юу гэвэл урьд өмнө ямар нэг орон сууц эзэмшигч гэсэн бүртгэлтэй, эсвэл эцэг эхийнээ орон сууцанд өссөн бол одоо хөлсний байранд амьдарч байна уу, гэр хороололд амьдарч байна уу хамаагүй энэ хөтөлбөрт хамрагдах боломжгүй юм. Ийм байдлаар үнийн хөөрөгдөл, эцэг эхийнхээ байр сууцанд бүртгэлтэй гээд асуудал мундахгүй нь ээ. Гэхдээ өмнө нь орон сууц эзэмшигч байсан ч одоо гэр хороололд, хөлсний байранд амьдарч байгаа залуу гэр бүлүүд, иргэдэд санхүүгийн боломж нь бүрдэж байгаа л бол адилхан зээл олгох нь нөгөө гэр хорооллыг барилгажуулах асуудалтай нь нийцэх мэт санагдана. Гэр хорооллыг барилгажуулаад, 100 айлын орон сууцыг бариад дуусахад дунд нь урьд өмнө байр эзэмшигч байсан бас жилийн 6 хувийн хүүтэй орон сууцны зээлд хамрагдах боломжгүй иргэд нь торойгоод үлдэх юм байлгүй дээ.
Зөвлөгөө
Зуны налгар өдрүүдэд гэр бүлийн хамгийн сайхан дурсамжууд үлдсэн байдаг. Цэвэр агаар, байгалийн сайханаар аялсан дурсамжит яриа, ил галын амттай шорлог, хөгжилтэй гэрэл зургууд гээд. Зуны сэрүүхэн үдэш ил галын дэргэд найз нөхөд, гэр бүлийнхэнтэйгээ яриа өрнүүлэн суух хамгийн сайхан таатай мөч байдаг. Тиймээс та бүхэнд зориулан ил гал түлэх хэсгийг ойр орчимдоо хамгийн аюулгүйгээр хэрхэн барих талаар зөвлөж байна. Нэг бариад авчихсан тохиолдолд хэдэн жил ч ашиглах боломжтой. Ил галыг ингэж барих нь гэрийнхээ ойр орчмыг цэвэрхэн байлгахаас гадна ил галын ойр орчмыг өөрийн хүссэнээрээ тохижуулах боломжтой юм.
Хийх аргачлалын хувьд хэцүү биш учраас гарын дүйтэй хэн бүхэн хийх боломжтойгоос гадна барилгын өргөн хэрэглээний материал бүтээгдэхүүн орж байгаа учраас материал олдохгүй гэсэн юм байхгүй.
За одоо хийгээд эхлээрэй. Зуны налгар өдрүүд хаяанд ирсэн байна.
Монгол интерьер
Өвлийн улирал дуусч хаврын налгар өдрүүд эхэлж байна. Хавар зуны улиралд гэртээ засвар хийхэд хамгийн тохиромжтой улирал байдаг. Гэр болон албан тасалгаа бүр цаашлаад байгууллагын тань дотоод засал, интерьер таны сэтгэлд нэг л таарахгүй гадаадын сэтгүүл эргүүлж сууна уу? “Барилга.МН” сэтгүүлийн 03 сарын “Монгол интерьер” буланг танилцуулж байна. Гадаадын дизайнеруудын хийсэн интерьер, гадны юм бүхэн хамгийн сайн мундаг гэсэн ойлголтыг толгойноосоо авах цаг болж. Монголын дизайнеруудын хийж байгаа бүтээлүүд гадаадын нэр хүндтэй сэтгүүл дээр гардаг гоёмсог интерьерүүдээс дутахааргүй харагдаж байгаа биз. Гадны оронд Монгол хүмүүсийг аливаа зүйлийг сурах, шинийг санаачлахдаа сайн гэсэн үнэлгээг авдаг.
Дэлгүүрээс өөрийнхөө санаанд тохирох тохирохгүй тавилганууд авч хооронд нь зохицуулж тавих гэж байхаар мэргэжлийн хүмүүст нь хандан өөрийн санаанд тохирох зөвхөн танайд байх цор ганцхан интерьерээ Монгол дизайнаруудаараа хийлгэх боломжтой болсон байна шүү.
Хаус Хаус
Тохилог дулаахан гэр орон аз жаргалтай гэр бүлийн нэгэн нууц. Уншигч та хямд өртөгтэй амины орон сууц барихаар шийдэж, хэнээс зөвлөгөө авч юу хийхээ мэдэхгүй эргэлзэж байгаа бол түр хүлээн “Барилга.МН” сэтгүүлийн хуудсыг эргүүлэхийг зөвлөж байна. Урин дулаан цаг ирж байгаа энэ үед зуны налгар өдрүүдийг цэвэр агаарт гэр бүлээрээ тав тухтай өнгөрөөх хамгийн сайхан боломж “Барилга.МН” сэтгүүлийн “Хаус Хаус” буланд байгаа гэдгийг дуулгаж байна. Байшин барих гэдэг тийм ч амар ажил биш. Нарийн тооцоо төсөвтэй байхгүй бол танд санхүүгийн хүндрэл үүсч байшингаа дуусгаж чадахгүйд хүрэх болно. Тийм учраас таны ажлыг хөнгөвчлөх үүднээс бид та бүхэнд мэргэжлийн байгууллагатай хамтран нарийн төсөвтэй цогц мэдээллийг хүргэж байна. Төлөвлөж хийсэн ажил цаг зав, санхүүгийн асуудлыг бүрэн шийдэх боломжыг олгодог. Хэрвээ таньд өөрөө барихад хүндрэлтэй байгаа бол тухайн байгууллагаар нь чанарын өндөр түвшинд бариулж ч болно.
Хамгийн гол нь мэргэжлийн хүмүүсийн гаргасан бодит төсөв тооцоо гэдгийг санах хэрэгтэй юм. Мэргэжлийн байгууллага таныг шинэхэн байшиндаа тавилгаа аваад нүүж ороход бэлэн болгож өгдөгөөрөө давуу талтай.
Айл бүхний дээвэр дор аз жаргал оршиж байг
Үнэ ханш
Орон сууц сонгох гэж элдэв янзын сонин сэтгүүл эргүүлж байна уу? Түр хүлээ! Таны эрэл хайгуул болоод байгаа мэдээлэл нэг дор байна. Барилгын салбарын мэдээллийг нэг дор багтаасан “Барилга.МН” сэтгүүлийн 03 сарын дугаарт Улаанбаатар хотод ашиглалтанд орох гэж байгаа болон орсон шинэ орон сууц болон хуучин орон сууцны мэдээллийг дүүргүүдээр нь бүсчилэн гаргалаа. Шинэ орон сууц болон хуучин орон сууцны үнэ сар бүр бага хэмжээгээр өсөн нэмэгдэж байна. Үүнийг холбогдох мэргэжлийн байгууллагууд эрэлт ихэссэнээс үүсэлтэй гэж үзэж байгаа бөгөөд эрэлтийг нь дэмжээд өгвөл орон сууцны үнэ буурах боломжтой хэмээн үзэж байгаа юм. Мөн орон сууцны үнийн хэлбэлзлэлийг 100,000 айлын орон сууц хөтөлбөр хэрэгжиж эхлэх гэж байгаа болохоор тэрнээс өмнө орон сууцаа борлуулах өрсөлдөөнөөс үүссэн байж болох талтай.
Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа. Барилгын материалын үнэ харьцангуй тогтвортой байгаа ч засвар үйлчилгээ, барилгын ажлын улирал эхэлж байгаа болохоор материал бүтээгдэхүүн тэр дундаа модон материалын үнэ бага зэрэг өсөх магадлалтай.
Та "Барилга.МН" сэтгүүлийг
