Анхны цас хаялж эхлэхээс өмнө гэр орон, байрандаа засвар хийх гэж байгаа хүмүүст зориулан дараах зөвлөгөөг бэлтгэлээ. Засвараа чанартай сайн хийхэд материал сонголтноос эхлээд их зүйлийг анхаарах хэрэгтэй болдог. Засвар хийхдээ ихэнх хүмүүсийн хийдэг алдаа бол гэрт хангалттай тооны залгуур байх ёстой гэдгийг мартаж орхидог явдал.

     Үүнээс болж байшинд дахин цахилгааны шинэчлэлт хийх шаардлага гарч ирдэг. Энэ та ахиад л засвар хийх хэрэгтэй болно гэсэн үг. Мөн заавал анхаарах ёстой нэг зүйл бол байшиндаа цахилгааны нэмэлт оролт, гаралтыг хийлгэх гэж байгаа бол цахилгааны ороомогийн заавар журам, стандартын дагуу хийж чаддаг мэргэжлийн цахилгаанчныг хөлсөлсөн нь дээр. Та байшингийн хана, ханан дахь залгуурыг хараад чухам хаанаа асуудалтай байгааг ялгаж мэдэж чадахгүй. Бүх зүйл нь зүгээр юм байна гэж таамаглан авсан байшин цахилгааны асуудалтай нь тодорхой болбол тун ч тааруухан нөхцөл байдал үүслээ л гэсэн үг. Анхнаас нь алдаатай хийсэн цахилгааны ороомогийн асуудлыг шийдэхэд тийм ч хямдхан тусахгүй. Тэглээ гээд зардлаа хэмнэх зорилгоор мэргэжлийн бус хүнээр хийлгэвэл өөрийн болоод өрөөлийн амьдралыг эрсдэлд оруулж ч мэднэ. Тийм болохоор итгэмжлэгдсэн цахилгааны мэргэжилтнээр цахилгааны системээ шалгуулах хэрэгтэй юм.

      Мөн та амины орон сууц, байр, оффис, худалдаа үйлчилгээний газар худалдан авахаасаа өмнө цахилгаан самбарын үйлчилгээнд гаршсан мэргэжлийн цахилгаанчин хөлслөн цахилгааны утас, самбар гэх зэргийг шинжүүлэх хэрэгтэй. Энэ нь таныг илүү зардал гарахаас найдвартай хамгаална.

Гэр дэх цахилгаан хэрэгслүүдийг ажиллуулж дийлэхгүй цахилгааны хомсдол, бас алдагдал шиг таагүй зүйл байхгүй. Мэдээж гэр дэх цахилгааны залгуурын тоо хангалттай, тэдгээр нь хэрэгцээ шаардлага хангасан, бас аюулгүй байх нь хамгийн чухал гэдгийг санах хэрэгтэй.

      Цахилгааны хэрэгцээнээс гадна засвар үйлчилгээ хийх гэж байгаа байр, байшин чанартай, бөх бат баригдсан байх хэрэгтэй юм. Тэгэхгүй бол чанартай сайн цахилгааны монтаж хийгээд нэмэргүй шүү дээ.