Үнэгүй

Барилга МН сэтгүүл

 
Дагах

Эрүүл мэнд, байгальд ээлтэй бүтээгдэхүүн

Batsuh Batsuh
Эрүүл мэнд, байгальд ээлтэй бүтээгдэхүүн
Үзсэн: 2132

   Энэхүү шалны халаалт нь Солонгосын мэргэжлийн байгууллагуудын шинжилгээ, судалгаагаар батлагдсан, олон улсын чанарын ISO 9001:2007 стандарт шаардлага хангасан хүний бие болоод хүрээлэн буй орчинд сөрөг нөлөөгүй бүтээгдэхүүн юм.

     RHE маягийн шалны халаалтын хувьд сүүлийн үеийн дэвшилтэт технологиор бүтсэн шинэ маягийн хийц бүхий дулааны хуванцар каучук болон цахилгаан дамжуулах нүүрсэн хэсгүүдийн нэгдэл бүхий дулаан, цахилгаан дамжуулах гуурсан хоолойтой, солонгосын инженерүүдийн НОУ-ХАУ-гаар бүтсэн бөгөөд түүний халаалтын температур, ажиллах хугацааг удирдах хяналтын удирдлагын самбартай, хагас автомат систем юм.
   Уг халаалтын системийн дулаан солилцоо явагдах зарчим нь цацрагийн дулаан солилцоонд үндэслэгдсэн бөгөөд хэт ягаан туяаны богино долгионоор дулаанаа цацруулан тараадаг учир “нарны туяа ээх” мэт өрөөнд дулаан тархалт нь жигд явагддагаараа давуу талтай. Түүнийг уламжлалт дулааны эх үүсгүүрүүд болон бусад цахилгаан халаагууруудтай харьцуулахад огцом халж, хүний биеийг нозооруулдаггүй, ая тухтай эрүүл мэндэд сөрөг нөлөөгүй, дулаан дамжуулалт сайтай, тухайн орон сууц, албан тасалгаанд ажиллаж, амьдарч буй хүний биед нэн таатай мэдрэмжийг төрүүлж чаддаг юм. Уламжлалт болон шалны халаалтын дулаан тархалтыг агаарын урсгалаар хэрхэн дамждагийг  дараах зургуудаас харж болно.
 
 
    Уламжлалт халаагуур ашигласан тохиолдолд халуун агаарын урсгал дээд хэсгээр буюу хүний биеийн дээд хэсэгт илүү халаахаар байгаа бол, доод хэсгээр хүйтэн урсгал илүү дулаан солилцоонд оролцож байна.
    Ингэснээр дулаан өрөөний дээд хэсэгт төвлөрч, доогуураа сэрүүн болж хүмүүсийн ая тух алдагдаж байгаа юм. Харин 2-р зурагт, үзүүлснээр хэт улаан туяаны цацраг хэлбэрээр дулаан дамжуулах шалны халаалтын хувьд эсрэгээр хүний хөл буюу өрөөний доод хэсгээр халуун агаарын урсгал, дээд хэсгээр хүйтэн буюу сэрүүн агаарын урсгал тархсанаар тасалгаанд тааламжтай температурын нөхцөлийг бүрдүүлж өгдөг байна. Энэ нь хүний эрүүл мэндэд эерэгээр нөлөөлөх давуу талтайгаас гадна хэт улаан туяаны долгионоор дулаан тархах учир агаар шатах, хуурайших үзэгдэл бусад халаагууртай адил байхгүй тул хүний эрүүл мэндэд тустай юм.
      Хэрэв танай орон сууцны дулааны алдагдал бага буюу дулаан алдагдаад байгаа газраа олж дулаалж чадвал хувийн сууцаа халаахад зарцуулах цахилгааны хэрэглээ багасаж, эдийн засгийн хувьд хэмнэлт гарах боломжтой юм.
 
 
 
 
    Уг халаагуурын хувьд цахилгааны хэрэглээг ижил төрлийн болон бусад цахилгаан халаагууруудтай харьцуулахад харьцангуй бага, цахилгааны эх үүсгүүр заавал 380 В-ын өндөр хүчдэл байх шаардлагагүй, шууд 220 В-ын цахилгаантай айл болгон ашиглах боломжтой. Энэ халаагуур нь 85-265В-ын хүчдэлд ажиллах чадвартай байгаа нь гэр хорооллын болоод алслагдсан сум суурин газрын өндөр хүчдлийн уналттай / Тогтмол 220 В барьж чаддагүй хүчдлийн хэлбэлзэлтэй байдаг/ айл өрхүүд хэрэглэхэд цахилгаан ачааллын хүндрэлээс болж хүчдэл унах, цахилгаан тасрахгүй юм. Нөгөө талаас шалны халаалтын ашиглалтын үед цахилгаанаас үүсэн гарах галын аюултай эсэхийг Онцгой байдлын газрын дэргэдэх лабораториор шинжлүүлэн шалгуулж, галын аюулгүй болохыг баталгаажуулсан нь энэ халаалтын системийн бас нэгэн давуу тал юм.

     Мөн уг шалны халаагуур нь уламжлалт дулааны эх үүсгүүрүүдтэй харьцуулахад түлш шатаадаггүй учир байгаль орчинд ялгаруулах хорт хий, утаа тортог, үнс байхгүй тул хүрээлэн буй орчинд ээлтэй технологи юм. Иймд өнөөдөр тулгамдаж буй Улаанбаатар хотын агаарын бохирдолыг бууруулахад шалны халаалтын системүүдийг монголд нэвтрүүлж буй компаниудын үйл ажиллагааг төр засаг, ММСС, “Цэвэр агаар” сан зэрэг байгууллагуудаас дэмжин ажиллах нь иргэдийн эрүүл мэнд, айл өрхийн эдийн засаг, экологийн хувьд ихээхэн ач холбогдолтой болох юм. Энэ удаа та бүхэнд танилцуулсан RHE халаалтын системийг “IDM DIOS” ХХК БНСУ –аас импортлон оруулж ирж байгаа юм байна.