Барилгын материал үйлдвэрлэлийн хөгжил нь барилгажилтаас хоцорч байгаагаас хэрэгцээний 60 гаруй хувийг импортоор авдаг. 2010-2011 онд л гэхэд импортын барилгын материал, тоног төхөөрөмжид 500 гаруй сая ам.доллар зарцуулжээ. Иймээс импортыг оруулах нэмүү өртөг шингэсэн барилгын материалын үйлдвэрлэлийг дэмжих шаардлагатай гэж Шинэчлэлийн Засгийн газар үзсэн.

       Засгийн газрын 2012-2016 оны үйл ажиллагааны хөтөлбөрт барилгын материалыг эх орондоо үйлдвэрлэдэг болох зорилт дэвшүүлж, цемент, төмөр хийц, шил, дулаалгын материалаар дотоодын үйлдвэрлэлийнхээ хэрэгцээг хангах зорилт тавьсан. Барилгын материалын үйлдвэрлэлийг дэмжих хөтөлбөрийг 2012.12.15-ны өдөр Засгийн газрын хуралдаанаар баталлаа. Хөтөлбөр хэрэгжсэнээр 2016 он гэхэд Монгол Улс барилгын материалынхаа 70-аас дээш хувийг үндэсний үйлдвэрлэлээрээ хангах боломжтой болно гэж Засгийн газар үзсэн.