Амины орон сууцныхаа үүдний өрөөг хэрхэн зохион байгуулах вэ?

Batsuh

Амины орон сууцныхаа үүдний өрөөг хэрхэн зохион байгуулах вэ?

Хамаг зүйл чинь хутгалдаад эмх замбараагаа алдаад байна уу? Тэгвэл эд зүйлсээ гараар сүлжин, ухаалгаар байрлуулсан сагснуудад байрлуулбал илүү цэгцтэй байхад туслах юм.

Нарийнхан зайтай ч ил өлгүүрүүд

Шатны доорх зайг ашиглан хийсэн ил өлгүүрүүд бас тавиур. Гэрээсээ яаран гарах гэж байгаа хүмүүс эндээс хэрэгтэй зүйлээ шүүрэн гарахад цаг хугацаа алдахгүй. Тэрхүү тавиурын доорх хулсан сагснууд үүдний өрөөний энэ хэсгийг тун ч цэгцтэй харагдуулж байгаа биз. Гэхдээ та бүхэн гар цүнх, зөөврийн компьютер зэрэг эд зүйлсээ сагсанд бус тавиурын дээд хэсэгт буюу хүүхэд гар хүрч буулгаад байхааргүйгээр тавиарай.

Ханан дахь өлгүүрийг хэрхэн цэгцтэй байлгах вэ

Ханан дахь өлгүүрийг өндөр нам янз бүрээр байрлуулж болно. Өндрийг өөртөө бол хүүхэддээ зориулсан өлгүүрийг арай доор байрлуулах нь чухал. Тэгээд бүх зүйл холилдон замбараагаа алдахаас өмнө хүн бүрийн өлгүүрийг оноож өгөх нь зүйтэй. Өлгүүрт олон зүйлийг багтаахыг хүссэн хүмүүст дээрх уут таалагдаж магадгүй юм. Хүн бүр зөвхөн өөрийн өлгүүрийг эзэмших болохоор танд бусдын хувцсан доороос гадуур цамцаа хайх шаардлага гарахаа болно.

Жижиг зай талбайг ч ангил

Үүдний өрөөнд тавиур, өлгүүрт хаа хамаагүй тавьсан бээлий, ороолт, малгай тун эмх цэгцгүй харагдах нь бий. Тэгвэл үүнийг шийдэх эвтэйхэн арга байна. Тус тусад нь зориулан жижигхэн сүлжмэл сагс худалдаад авчих. Нэгэнд нь бээлийнүүдээ, нөгөөд нь ороолтуудаа, бас өөр нэгт нь малгайгаа гэхчлэн ангилчихна. Доод хэсэгт байгаад оймс, бас гэрийн углаашаа ч хийж болно шүү дээ. Бүгд ил байснаас хамаагүй цэгцтэй харагдаж байгаа биз дээ.

Үүдний дэвсгэр

Үүдний өрөөг цэвэрхэн байлгах эхлэл хөл арчигчаас эхэлдэг. Стильтэй бас сайн чанарын гутал арчигч дэвсгэр үүдний өрөөний хэсгээс гадна зочдын өрөөний хивсийг ч гадны хог шорооноос хамгаална. Пластик эсвэл резинэн гишгүүр гутлын шавар шавхайг сайн арилгах бөгөөд цэвэрлэхэд хялбар байдаг.