Танд хэрэгцээтэй байгаа мэдээллийн багахан хэсгийг ч болов өгч чадаж байвал сэтгүүлийн хамт олон баяртай байх болно.

 

 

 

 

 

 

 

 

 

 

 

  

  

 

     Зуны өдрүүдийг өнгөлөг, хүмүүст таатай уур амьсгал авчирдаг хамгийн гол зүйл бол өнгө алагласан цэцэгс, ногоон модод байдаг. Үүнийг бид бүхэн ногоон байгууламж гэж нэрлэгддэг. Ногоон байгууламж хүний эрүүл мэнд болоод улс орны өнгө төрхөнд чухал үүрэгтэй. Дэлхийд хөгжлөөрөө тэргүүлэгч орнууд барилга байгууламжийн ландшафт, олон нийтийн газрын ногоон байгууламж нь үлгэрийн юм шиг үнэхээр гайхалтай харагддаг шүү дээ.

      Ногоон байгууламж хүний амьдрал, ажил хөдөлмөрт ямар үүрэгтэй юм бол? Ногоон байгууламжийг бий болгоход юу шаардагддаг гээд олон асуултанд хариулт болгон дараах материалыг нийтэллээ. Ногоон байгууламж гэдэг нь хэдхэн мод тарих асуудал огтхон ч биш. Хөрөнгө гарган тарьсан мод нь ч ургахгүй. Зун боллоо мод цэцэглэлээ гэхээр баярлах нь бүү хэл харшилдаа санаа зовниж эхэлдэг. Учир нь ногоон байгууламж нэрээр тарьсан модноос “цас” гэж санагдахаар харшил үүсгэгч гарч ирнэ. Бидний ногоон байгууламж ердөө энэ. Хааяахан нэг албан газар үүдэндээ цөөн тооны цэцэг тарьсан харагдана.  

    Улаанбаатар хотын иргэн та, бас би бид бүгдээрээ хамтдаа нийслэл хотынхоо өнгө төрхөнд өөрийн хувь нэмрээ оруулахын тулд өөрийн байгууллагын өмнөх талбайд багахан анхаарал хандуулахад хангалттай. Ногоон байгууламж гэж чухам юуг хэлдэг юм бол? Ногоон байгууламж уу? эсвэл ...

 

 

  

 

     Зуны өдрүүдэд өрхийн хэрэгцээнийхээ хүнсний ногоог тарьмаар байвал бидний бэлтгэсэн зөвлөгөөнд анхаарлаа хандуулаарай. Хүнсний өргөн хэрэглээний төмс, лууван, байцаанаас гадна нарийн ногоог хүнсний хэрэглээнд “нэвтрүүлэх”-ийг хүссэн айл өрх бүхэнд зориулан дараах зөвлөгөө бэлтгэлээ.

     Дэлгүүрийн лангуун дээр хаана, ямар бордоо хэрэглэсэн нь мэдэгдэхгүй хүнсний ногоо хэрэглэж байхаар зуны өдрүүдэд зөвхөн гэр бүлийн хайртай хүмүүсдээ зориулан нарийн ногоогоо тарих боломж байна. Таны хүч хөдөлмөр зориулан тарьсан ногоо хоолны тань амтыг улам нэмэх болно шүү.

      Гэрийн эзэн та хайртай хүмүүсдээ эрүүл амин дэмээр баялаг шинэхэн ногоо хэрэглүүлэхийг хүсч л байгаа биз дээ. Тэгвэл бидний бэлтгэсэн зөвлөгөөг цаг гаргаад хараад, туршаад үзээрэй.

 

 

 

 

     “Барилга.МН” сэтгүүл сар бүрийнхээ дугаараар уншигч танд болон цор ганц интерьертэй болохыг хүсч байгаа хэн бүхэнд зориулан монгол дизайнеруудын бүтээлээс хүргэдэг билээ. Монгол гэж онцолж байгаа нь гадны сэтгүүлийн хуудаснаа чамин тансаг харагдах гадны хийсвэр интерьерээс дутуугүй харагдах “монгол” хэв шинжийг хадгалсан интерьер таны таалалд нийцэх нь эргэлзээгүй.

      Хамгийн гол нь та өөрийнхөө бодлыг дизайнертайгаа ярилцаж байгаад мөрөөдлийнхөө тэр орчинг бүрдүүлэх боломжтой юм шүү. Та Монголд төрсөн, Монгол хүн учраас “Монгол”гэсэн өнгө төрх, уур амьсгалыг яагаад гэртээ бүрдүүлж болохгүй гэж. Өвөрмөц содон харагдана. Тэр интерьер зөвхөн цор ганц.

   Мөн интерьер өнгөний гүйцэтгэх үүрэг маш чухал байдаг. Хэрвээ та гэрийнхээ аль нэг хэсгийг өөрчлөхөөр шийдсэн бол юуны түрүүнд өнгөний багахан ч болов мэдлэгтэй байх хэрэгтэй. Тиймээс интерьерт өнгөний гүйцэтгэх үүргийн талаар мэдлэг болгон дараах мэдээллийг бэлтгэлээ. Танд таалагдана, хэрэг болно гэхэд эргэлзэхгүй байна.

 

  

 

 

 

   Камин зуух бол интерьерийн салшгүй нэгэн хэсэг. Тиймээс энэ удаагийн дугаарт камин зуух барих өргийн ажлын дарааллыг хүргэж байна. Камин зуух ч гэлтгүй ханын пийшин хүртэл зөв дарааллаар өргийн ажлыг хийгээгүйгээс болоод утаа дотогшоо нэвтрэх, таталт муу, халахгүй гээд олон таагүй асуудлууд тулгардаг билээ. Мөн камин зуух нь агааржуулалтын системийн үүрэг гүйцэтгэхээс гадна танай гэрт тав тухтай тансаг орчинг үүсгэдэг байна.

      Зуны өдрүүдэд амжаад зуухныхаа өрлөгийг хийгээд авбал өвлийн цагт хамгийн тэр тусмаа шинэ жилээр гэр бүлдээ барих хамгийн том бэлэг болж чадна гэдэгт итгэлтэй байна. Дан ганц өвөл гэлтгүй зуны бороотой сэрүүн өдөр ил галын дэргэд суух ямар сайхан гээч.

     Камин зуух барихаар шийдсэн бол эхний ээлжинд материалаа сайн уншиж, хараарай. Тоосго өрөх явцад нэг л алдаа гарвал өмнө нь хийсэн ажил талаар болно гэдгийг анхаараарай.

 

 

 

 

 

 

 Үнэ ханш

 

     Орон сууц сонгох гэж элдэв янзын сонин сэтгүүл эргүүлж байна уу? Түр хүлээ! Таны эрэл хайгуул болоод байгаа мэдээлэл нэг дор байна. Барилгын салбарын мэдээллийг нэг дор багтаасан “Барилга.МН” сэтгүүлийн 07 сарын дугаарт Улаанбаатар хотод ашиглалтанд орох гэж байгаа болон орсон шинэ орон сууц болон хуучин орон сууцны мэдээллийг дүүргүүдээр нь бүсчилэн гаргалаа. Шинэ орон сууц болон хуучин орон сууцны үнэ сар бүр бага хэмжээгээр өсөн нэмэгдэж байна.

     Шинэ орон сууцны үнийн өсөлтийг талаар барилгын компаниудаас лавлахад тодорхой хүрээнд барих боломжгүй байгаа. Бид бүхэн цэвэр бизнесийн зарчмаар үйл ажиллагаагаа явуулж байгаа гэхээс өөр хариулт өгөхгүй байгаа юм.  Хуучин орон сууцны хувьд засвар хийсэн эсэх байршил хаана вэ гэдгээс шалтгаалан үнийн хэлбэлзэлтэй байна.

     Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа. Барилгын материалын үнэ харьцангуй тогтвортой байгаа ч засвар үйлчилгээний улирал учир модон материал бүтээгдэхүүний үнэ өссөн байна.

 

     Эдгээр мэдээллүүдээс гадна уламжлалт Hand made, House House, Сонирхуулахад, Feng shui гээд олон мэдээллийг багтаан таны гарт хүргэж байна. Илүү олон мэдээлэлтэй ирэх дугаараар эргэн уулзацгаая. Зуны налгар өдрүүдийг дурсамж дүүрэн өнгөрүүлээрэй.

     Мөн Ардын хувьсгалын 91 жилийн ойн мэндийг эх орны бүтээн байгуулагч барилгачид та бүхэндээ хүргэе.