Барилга МН сэтгүүл

     Эрдэмтэд сүүлийн 140 гаруй сая жилийн уур амьсгалын хувьслыг нэлээд ул суурьтай шинэчлэн гаргасан байна. Уур амьсгалын өөрчлөлтүүд урьд өмнө нь гагцхүү байгалийн өөрчлөлтөөс л үүдэлтэй байсан бол одоо нүүрс, газрын тос, байгалийн хий, түлшний дутуу шаталт гээд олон хүчин зүйлээс шалтгаалдаг. Энэ бүгд хүмүүсийн хийдэг үйлдэл.  

      Үйлдвэржилтийн хувьсгал эхэлсэн 1790-1850 оноос хойш дэлхийн дундаж температур түүхэнд байгаагүй хурдтайгаар нэмэгдэж, агаар мандал дахь CO2-ийн агууламж 35%-иар нэмэгдсэн. Одоо ч гэсэн энэ хувь хэмжээ нэмэгдсээр л байна. Дэлхийн хэмжээнд ялгарч байгаа CO2-ийн ойролцоогоор 20% нь ой модоо устгаснаас шалтгаалдаг бол 10% нь автомашинаас үүдэлтэй. Сүүлийн 30 жилд манай гаригийн ойн бүрхэвчийн 80% нь устсан гэсэн судалгааг гаргасан байдаг. Мөн жилд 24 тонн хөрс ямар нэгэн шалтгаанаар бохирдож байна гэсэн судалгааг гаргасан. Үүнд барилгын салбар хэдэн хувийг эзэлж байгаа бол?

      Монгол Улсад “ногоон өсөлтийг” хэрэгжүүлэхийн тулд дараах 6 чиглэл тус бүрээр стратеги боловсруулах шаардлагатай гэж дүгнэсэн байдаг. Үүнд тогтвортой хэрэглээ, үйлдвэрлэл, бизнес, зах зээлийг “ногоон” болгох, байгалийн нөөцөд хөрөнгө оруулах гэх мэт зургаан асуудлыг гаргаж ирсэн байдаг.

     Бид бүхэн ногоон орчныг бий болгохын тулд эхний ээлжинд эрчим хүч, усыг үр ашигтай хэрэглэх хэрэгтэй. Эрчим хүч гарган авахын тулд их хэмжээний нүүрс шатааж, цаас үйлдвэрлэхийн тулд ой мод устгаж байгаа нь дулаарлын гол шалтгаан болж байна.

      Дээр дурдсан шалтгаанаас үүсэж байгаа асуудлуудыг бид бүхэн багасгах боломж бүрэн байгаа. Ингэхийн тулд эхний ээлжинд “ногоон худалдан” авалт хийх хэрэгтэй. Өөрсдийн гэр болон албан өрөөндөө худалдан авч байгаа бүтээгдэхүүнээ ENERGY STAR^® логотой эсэхийг анзаараарай. Мөн дахин ашиглагдах боломжтойг сонгохыг зөвлөж байна.

    Таны хэрэглэж байгаа компьютер, мониторын эрчим хүчний нийт хэрэглээний 85-95%-ийг эзэлдэг гэдгийг мэдэхүү?

     Мөн албан тасалгаандаа хэрэглэж байгаа принтер, факсыг амрах горимд программчилж болдог бүтээгдэхүүнийг сонгох нь чухал. Таны сонгосон бал, үзэгний сав хүртэл эрчим хүчийг хэмнэж, хорт хог хаягдлыг багасгахад багагүй хувь нэмрээ оруулах юм. Албан газруудын өдөр тутмын хэрэглээнд хамгийн их хэрэглэгддэг цавуу (PVA) гэснийг сонгох, бичгийн хавчаар, батарейгаар ажилладаг тооны машин гээд тоочоод байвал уртхан жагсаалт гарна. Эдгээр бүтээгдэхүүн нэг талаар соёлтой хэрэглээ боловч нөгөө талаараа та бидний амьдарч байгаа эх дэлхийн дулаарал, сөрөг өөрчлөлтөнд голлох байр суурь эзэлдэг.

      Зарим албан газруудын гэрэл өдөржин асаалттай байдаг. Гэтэл гэрэл эрчим хүчийг хэдий хэмжээгээр “залгиж” байгааг мэддэг хэрнээ огт анзаардаггүй. Тиймээс өдрийн цагт гэрлээ унтраах цонхоо аль болох цэвэрхэн байлгаж, гэрэл нэвтрэх боломжийг бий болгож өгөх нь таны оруулж байгаа томоохон хувь нэмэр юм. Ердийн өдрийн гэрлийг өндөр үр ашигтай электрон балласттай гэрлээр сольсноор эрчим хүчний хэрэглээ 40-50 хувь буурна. Орчин үеийн хамгийн үр ашигтай гэрэлтүүлэг нь LED лампууд юм.

Ердийн улайсах чийдэн ба эрчим хүчний хэмнэлттэй

чийдэнтэй зардлын харьцуулсан тооцоо

Үзүүлэлт	Энгийн улайсах чийдэн	Эрчим хүчний хэмнэлттэй өдрийн чийдэн
Чадал	100 Вт	20Вт
Ажиллах дундаж хугацаа	1000 цаг	8000 цаг
8000 цагт зарцуулах цахилгаан	100Вт х 1000 кВ