Барилга МН сэтгүүл

     "Унтаад босоход нэг байшин"... Энэ ч ортой үг болоод байна шүү. Барилгын салбар манай оронд эрчимтэй хөгжиж байгаа салбар яахын аргагүй мөн. Хөгжлийн хурдыг дагаад орчин цагийн хэв маяг, хийц загвар эрс өөрчлөгдөж байгаа нь ч илхэн харагдаж байна.

     Урд цагт орон сууцны байрыг нэг л загвар нэг л хэвийн байдлаар төсөөлдөг байж. Шохойдсон ханан дээр өнхрүүшээр хээ тавина. Хээ нь мэдээж олон янз. Арай хөгжөөд обой гэх цаас наадаг болсон. Гэхдээ тэр нь цаас болохоор мэдээж он цаг өнгөрөхөд муудна. Сүүлд угаадаг обой гарсан боловч олон жилийг ардаа орхисон нь юу л бол.

     Барилгын салбар хөгжихийн хирээр дэвшилтэт технологитой чанартай материал бүтээгдэхүүнүүдийг хэрэглэж байна. Иргэд ч чанарыг эрхэмлэх болсон.

   Тиймээс энэ салбарт хувь нэмрээ оруулахаар "Анд нөхөд" компани Өмнөд Солонгос улсын "Index Korea" компанийн монгол улс дахь албан ёсны төлөөлөгч нь болж барилгын дотор, гадна фасадны төрөл бүрийн будгийг монголд оруулж ирж байгаа юм байна. Ялангуяа дотор ханын будаг нь ханыг аль нэг төрлийн чулуугаар хийсэн мэт харагдуулдаг ба ямар ч гадаргууг будах боломжтой. Мөн гадна ханын төрөл бүрийн чулуун будаг нь он цагийн нар салхинд тэсвэртэй учир гандаж, өнгө нь хувирахгүй баталгаажсан чанартай бүтээгдэхүүн юм.