Үнэгүй

Барилга МН сэтгүүл

 
Дагах

Монголын анхны “Интерьер дизайн” каталоги нээлтээ хийлээ

Batsuh Batsuh
Монголын анхны “Интерьер дизайн” каталоги нээлтээ хийлээ
Үзсэн: 1816

     "Барилга.МН" Барилгын Зөвлөгөө, Мэдээллийн Төвийн зураг төсөл, интерьер дизайнеруудын зөвлөлөөс гаргасан Монголын анхны “Интерьер дизайн” каталоги өнөөдөр 11цагт “Интерном” номын их дэлгүүрт албан ёсоор нээлтээ хийлээ. Уг нээлтэнд Интерьер каталогийг үүсгэн байгуулагч “Барилгын зөвлөгөө мэдээллийн төв”-ийн ерөнхий захирал Г.Батсүх, МУ-ын зөвлөх инженер, Техникийн ухааны магистр Ч.Баатарсүрэн, “ШУТИС”-ийн харъяа “Үйлдвэрлэлийн технологи, дизайнеруудын сургууль”-ийн ерөнхий захирал Т.Амаржаргал, “Монголын барилгын үйлдвэрчний эвлэлийн холбоо”-ны ерөнхийлөгч Б.Батцогт нар хүрэлцэн ирж каталогийн талаарх сэтгэгдэлээ уншигч олонтой хуваалцлаа.

    Нээлтийн үеэр “ШУТИС”-ийн харъяа “Үйлдвэрлэлийн технологи, дизайнеруудын сургууль”-ийн ерөнхий захирал Т.Амаржаргал: << Залуу дизайнеруудын нарийн мэдрэмжээр бүтээгдсэн сайхан каталоги болжээ. Манай сургуулийн оюутнууд бас хувь нэмрээ оруулсан явдалд их баяртай байна. Интерьер дизайны талаарх ойлголтыг Монголдоо нэвтрүүлж, дэлгэрүүлэхийг эрмэлзэж байгаа залуу дизайнерууд болон сэтгүүлчиддээ баярлалаа>>.

    Харин МУ-ын зөвлөх инженер, Техникийн ухааны   магистр Ч.Баатарсүрэн: << Тавилга, цонх, хөшиг, ханийн цаас гээд бүх л зүйлс өөрийн гэсэн интерьертэй сонголт ихтэй байдаг. Энэ бүхнийг зөв цогцлоож өөрийн гэсэн орчноо бүрдүүлэхийн тулд интерьерийн суурь мэдлэг хүн бүхэнд хэрэгтэй. Хүн бүхний хэрэгцээ болсон энэхүү каталоги нь дизайн сонирхогчдын тэмцэлдээн, уралдааны дэвжээ болох болтугай >> гэсэн ерөөлийг хэлж, залуу дизайнерууддаа амжилт хүслээ.
    Уг интерьерийн каталогид Монголын залуу архитекторч, интерьер дизайнерууд, сэтгүүлчдийн оюун ухаанаа шингээн гаргасан зураг төслүүд, сонирхол татахуйц хүртээмжтэй мэдээ мэдээллүүд орж чадсан юм.