Барилгын материалын үнэ яагаад өсөв?

Batsuh

Барилгын материалын үнэ яагаад өсөв?

Их хотын маань хаа сайгүй л дутуу баригдсан өндөр өндөр барилгууд нэг л эвгүй сэтгэгдэл төрүүлэн сэрийсээр байх болжээ. Энэ байдал, иймэрхүү барилгууд өдөр ирэх бүр нэмэгдсээр байна. Зарим нэг нь хоёр гурван жил өнгөрөхөд ч энэ л хэвээрээ байсаар л байдаг. Аль хэдийн баригдаж дуусаад үйл ажиллагаагаа явуулж байх учиртай эдгээр барилгын ажил ямар учраас зогсов? нөгөө л хөрөнгө санхүүжилт, барилгын материалын дутагдалтай холбоотой.

Барилгын материалын үнэ жил ирэх тусам нэмэгдэж байна. Үүний нэгэн баталгаа бол барилгын хамгийн гол материал болох тоосго ширхэг нь 220 төгрөг байсан бол өнөөдөр 270 төгрөг хоёр мянга болон түүнээс дээшийг авах бол 260 төгрөгийн ханштай зарагдаж байгаа юм. Ийнхүү нэг жилийн хугацаанд 50 төгрөгөөр нэмэгджээ. Талхны үнэ 20 төгрөгөөр нэмэгдэхэд нийтээр шуугиж, эсэргүүцэл зарладаг. Харин тоосгоны үнэ 50 төгрөгөөр нэмэгдсэнийг тухайн салбарынхнаас өөр мэдэх хүн ховор. Тоосго бол барилгын салбарынхны талх нь билээ. Харин тэд өөрсдийнхөө талхны үнийг нэмэгдэхэд юу ч дуугардаггүй. Яагаад гэвэл дуугараад ч хэрэггүй, тэдний талхны үнэнд төрийн зохицуулалт байдаггүй.

Мөн өнгөрсөн жил нэг тн Хятад цемент 128.000 төгрөг байсан бол одоо 135.000 төгрөгөөр худалдаалагдаж байна. Нэг хэсэг 180.000 болж өссөн үе ч бий.

Манай улсын барилгын салбарын хоёр томоохон үйлдвэрлэгчийн нэг Эрэл компанийн Дархан хот дахь үйлдвэрийн задгай цемент нэг тн 165.000 төгрөг, савласан цемент нэг тн нь 170.500 төгрөгийн ханштай байна. Харин Хөтөлийн “Цемент-шохой” ХК-ийн задгай цемент нэг тн нь 155.353 төгрөг, савласан цемент нэг тн нь 170.610 төгрөгийн үнэтэй байгаа юм. Монгол, Хятад хоёр цементийн үнэ 5.000-46.000 төгрөгийн зөрүүтэй байна. Тийм учраас барилгын компаниуд ихэвчлэн Хятад цементийг авч хэрэглэдэг. Харин “Эрэл” цементийн үйлдвэрлэлтийн хэмжээ бага болохоор барилгын зах дээр ч ирж амжилгүйгээр үйлдвэрээсээ шууд зарагдчихдаг гэж Улаанбаатар хотын Гурвалжин барилгын захын цементийн худалдаачид хэлж байсан. Мөн төрөл бүрийн ган хийц, арматурын үнэ ч жил тутам өссөн байдаг.

Үргэлжлэлийг: Барилга.МН сэтгүүлийн №27 дугаараас