Уншигч таны өдөр тутмын амьдралд хэрэг болохуйц заавар зөвлөгөө, мэдээ мэдээллийг хүргэж байдаг “Барилга.МН” сэтгүүлийн шинэ дугаар худалдаанд гарлаа. Энэ дугаараас уншигч та бүхэн орон сууцны үнийн өсөлтийн талаар үл хөдлөх хөрөнгийн мэргэжилтнүүд юу хэлсэн бол? Мөн барилгын материал бүтээгдэхүүний үнийн өсөлтөнд юу нөлөөлөөд байна. Үнийн өсөлтийг хэн бий болгоод байгаа бол? Үнийг буулгах боломж бий болов уу? эдгээр асуултанд хариулт болгон дараах мэдээ мэдээллийг бэлтгэлээ.

 

 

 

 

 

 

 

 

 

 

 

 

 

 

 

 

 

 

 

    Барилгын материалын гол нэр төрлийн бүтээгдэхүүн болох цементний үнэ өсөөд байгаа гол шалтгаан нь Замын-Үүд дээр их хэмжээний цементийн бөөгнөрөл, түгжрэл үүссэнтэй холбоотой. Улаанбаатар төмөр замын удирдлагууд ачааллыг арилгах арга хэмжээг өөрсдийн эрх мэдлийн хүрээнд авсан ч тодорхой үр дүнд хүрч чадаагүй.

    Тиймээс энэ асуудлыг шийдвэрлэхэд барилгын компаниудын оролцоо маш их байгааг УБТЗ-ынхан хэлдэг. Эдгээр асуудлыг шийдвэрлэх арга зам юу байгааг харилцан ярилцсан ч тодорхой үр дүнд хүрсэнгүй. Байдал бахь байдгаараа л байна.

    Төмөр замын ачааллыг багасгах хамгийн зөв арга нь жижиг хэмжээтэй савлагдсан цементийг Big Bag савлагаа буюу том хэмжээтэй савлагдсанаар оруулж ирвэл ачилтанд цаг хугацаа алдахгүй байх бүрэн боломжтой. Гэтэл цементийг оруулж ирж байгаа нөхдүүд хайхрахгүй байгаагаас үнэ нь өсөж, энэ нь эргээд орон сууцны үнийн өсөлтөнд сөргөөр нөлөөлж байна.

 

 

 

 

 

 

 

 

 

 

 

     Энэ удаа барилгын салбарынханы шийдвэрлэж чадахгүй “шүдний өвчин” болсон барилгын материал бүтээгдэхүүний үнийн өсөлтийг сонголоо. Хэн буруутай вэ гэхээсээ илүү цаад учир шалтгаан нь юунаас болоод байгааг “оношлох” хэрэгтэй юм. Барилгын материал бүтээгдэхүүн өсөөд байхад салбарын удирдах хүмүүс яагаад арга хэмжээ авахгүй байна.

      Асуудал бүхэн шийдэх гарцтай хамгийн гол нь түүнийг олох нь чухал” гэж нэгэн суутан хэлсэн байдаг. Манай улсын барилгын материал бүтээгдэхүүн үйлдвэрлэлийн салбарт төрийн бодлого үгүйлэгдэж байна.

     Барилгын салбар нь хөгжиж буй манай орны хувьд материал бүтээгдэхүүн нь хараат байна гэдэг байж боломгүй. Барилгын материал бүтээгдэхүүн өссөн нэрийдлээр орон сууцны үнэ тэнгэрт гарчихана. Өндөр үнэтэй орон сууц худалдан авна гэдэг иргэдийн хувьд мөрөөдөл хэвээр үлдэх нь.

 

 

 

 

 

 

 

 

 

  Орон сууцны үнэ өслөө. Буурах боломжтой болов уу? эдгээр асуултанд үл хөдлөх хөрөнгийн мэргэжилтнүүд юу гэж хариулсаныг эндээс унших боломжтой.

    Орон сууцны үнэ өсөж хөрөнгө мөнгөтэй тодорхой хүрээний хүмүүс л байраа сольж шинэхэн орон сууцанд орох боломжтойгоос биш дунд болон дундаас доош орлоготой иргэдийн хувьд орон сууц гэдэг нь “мөрөөдөл” болон хувирсан. Мөрөөдөл биелдэг гэдэг.

     Улаанбаатар хотын дийлэнх нь гэр хороололд амьдарч байна. Улаанбаатар хот утаандаа “утагдлаа”. Гэр хороолол утаа “үйлдвэрлэж” гэхчлэн амтай болгон ярьдаг. Тохилог, дулаахан сууцанд амьдрахыг хүсэхгүй хэн байхав дээ. Гэтэл орон сууцны м²-ийнх нь үнэ хэдэн жилийнх нь орлогоос хол давчихсан байхад яаж орон сууцанд орох билээ. Тиймээс өөр арга замаар утаагаа үгүй хийх хэрэгтэй болж байна. Мөн одоогийн баригдаж байгаа орон сууцнууд эрэлтээ хангаж чадахгүй байгаагаас орон сууцны үнэ өсөж байгаа бололтой.

    Энэ үнийн өсөлтөнд мэргэжлийн хүмүүс юу гэж хариулсан бол? Орон сууцны үнэ өсөх болов уу? Буурах болов уу?

 

 

 

 

 

 

 

 

 

 

 

 

 

 

 

     Барилгын талбайг өнгөц харахад том том машинууд нааш цааш хөлхөлдөн өдөржин завгүй өнжинө. Гэтэл яг нөгөө тогоонд чанагдсан хүмүүсээс барилгын талбай дээр өрнөж байгаа асуудлуудын талаар сонсож болно.

 

 

 

 

    Өнгө бүх зүйлд чухал байр суурь эзэлдэг. Таны өмсөж байгаа хувцас, машин, гэрийн тавилга гээд. Энэ удаа танай гэрийн тавилга болон өнгө хоёр фэнг шүйг бүрдүүлдэг гэдгийг та мэдэхүү? Шинээр тавилга худалдан авах гэж байгаа бол түр хүлээгээрэй. Тавилга сонгоход учир бий. Бидний бэлтгэсэн зөвлөгөөнд анхаарлаа хандуулаарай.

   Гэрийн тавилга заавал үнэтэй, чамин байх албагүй, ганцхан таны сэтгэлд нийцсэн, тав тухтай, чанартай байх шаардлагатай. Зочны өрөөнй тавилга цэвэр модоор хийсэн, буйдан нь арьсан эсвэл толбо болохооргүй материалтай байх нь цэвэр орчинг бүрдүүлж өгдөг. Мөн хулсаар хийсэн тавилгыг сүүлийн үед их хэрэглэх болсон бөгөөд гайхалтай харагдаж, жинхэнэ байгалийн өнгө төрхийг таны зочны өрөөнд бүрдүүлж өгдөгөөрөө давуу талтай. Хэт модернист буюу авангард хийцийн тавилганаас зайлсхийгээрэй. Эцэст нь, цэвэр цэмцгэр, зөв байрлалтай өрөөнд л энергийн урсгал жигд саадгүй эргэлдэж байх болно гэдгийг анхаараарай.

 

 

 

 

 

    Орон сууц сонгох гэж элдэв янзын сонин сэтгүүл эргүүлж, цаг заваа барсаар л байна уу? Таны эрэл хайгуул болоод байгаа мэдээлэл нэг дор байна. Барилгын материалын гол нэрийн бүтээгдэхүүний үнэ ханш орсон “Барилга.МН” сэтгүүлийн 08 сарын дугаар худалдаанд гарлаа. Улаанбаатар хотод ашиглалтанд орох гэж байгаа болон орсон шинэ орон сууц болон хуучин орон сууцны мэдээллийг дүүргүүдээр нь бүсчилэн гаргалаа.

     Шинэ орон сууц болон хуучин орон сууцны үнэ сар бүр бага хэмжээгээр өсөн нэмэгдэж байна. Үүнийг үл хөдлөх хөрөнгийн мэргэжилтнүүд эрэлт ихэссэнээс үүсэлтэй гэж үзэж байгаа бөгөөд эрэлтийг нь дэмжээд өгвөл орон сууцны үнэ буурах боломжтой хэмээн үзэж байгаа юм.

     Мөн амины орон сууцандаа засвар хийх гэж байгаа иргэддээ зориулан барилгын материалын өргөн хэрэглээний материал бүтээгдэхүүний үнийг шинэчлэн гаргалаа. Барилгын материалын үнэ засвар үйлчилгээ, барилгын ажлууд эхэлсэнтэй холбоотойгоор “уламжлал” болон өссөн. Материал бүтээгдэхүүний дотроос цемент, модон материалын үнэ түлхүү өссөн байна.

   Учир нь Замын-Үүд боомт дээр цаанаас ирж байгаа их хэмжээний цементийн бөөгнөрөл үүссэн болохоор Улаанбаатарт цементийн үнэ өссөн гэсэн тайлбарыг холбогдох хүмүүс нь өгч байна. Харин модон материалын  хувьд түүхий эд багассан, мөн л эрэлт ихэссэн гэсэн шалтгаанаар үнэ өсөж байна.