Барилгын материалын тээвэрлэлтийн асуудлыг хэрхэн шийдвэрлэх вэ?

Batsuh

Барилгын материалын тээвэрлэлтийн асуудлыг хэрхэн шийдвэрлэх вэ?

Барилгын салбарт тулгамдаж байгаа олон асуудлын нэг нь материал бүтээгдэхүүн тэр дундаа урд хөршөөс орж ирж байгаа цементийн тээвэрлэлт томоохон байр суурь эзлэнэ. Замын-Үүд дээр үүсээд байгаа цементийн бөөгнөрөл, түгжрэлийг хэрхэн зөв, үр ашигтай замаар шийдвэрлэж болох талаар Улаанбаатар Төмөр Зам болон барилгын салбарын төрийн болон төрийн бус байгууллага, барилгын компаниудын төлөөлөгчидтэй удаа дараалсан уулзалтуудыг хийсэн. Гэсэн ч эдгээр уулзалтууд тодорхой үр дүнд хүрсэнгүй. Замын-Үүдийн ачаалал хэвээр байсаар л байна.

7-р сарын 20нд Замын-Үүд дээр түгжрээд байгаа их хэмжээний цементийн асуудлаар Монголын барилгын үндэсний ассоциаци, Монголын барилгын үйлдвэрлэгчдийн холбоо, Барилгын зөвлөгөө мэдээллийн төвийн төлөөлөл оролцсон уулзалтыг зохион байгуулсан билээ. Энэ уулзалтаар УБТЗ-ынхан үүсээд байгаа нөхцөл байдлыг өөрсдийн эрх мэдлийн хүрээнд 6-р сарын 1-ээс эхлээд 50 кг-ын ууттай цементийг төмөр замаар улсын хилээр оруулж ирэхгүй гэсэн бичгийг Хятадын талд өгсөн боловч хэрэгжихгүй байна. Тиймээс барилгын компаниудаас дэмжлэг хүссэн юм.

Манай улс хэрэгцээт барилгын материалынхаа 70 орчим хувийг импортоор авдаг. Тэр дундаа БНХАУ-аас авч байна. БНХАУ-аас авч байгаа барилгын материалын тээвэрлэлтийн дийлэнх хувийг зөвхөн цементний тээвэрлэлт эзэлдэг. Их хэмжээгээр орж ирж байгаа цемент нь Замын-Үүд боомтод олон хоногоор саатсанаас болж Улаанбаатарт материал бүтээгдэхүүний үнийн өсөлт явагддаг.

Олон тонн цемент Замын-Үүд дээр түгжрээд байгаагийн гол шалтгаан нь 50кг-аар уутлагдсан их хэмжээний цементийг ачих гэж цаг хугацаа их зарцуулахаас гадна ажиллах хүчин олдохгүй байгааг УБТЗ-ынхан учирлаж байсан юм. Ажилчид дутагдалтай байгаа уул уурхайн компаниуд ажилчдад нь илүү цалин амлаж, урвуулаад авчихсан.

Өнөөдрийн байдлаар хил дээр 50кг-аар савлагдсан 405 вагон түгжигдчихээд байна.

Үргэлжлэлийг "Барилга.МН" 8-р сарын №27 сэтгүүлээс