Бид бүхэн дугаар бүртээ уншигч та бүхэнд хэрэгцээтэй шинэлэг мэдээ мэдээллийг хүргэхийн зэрэгцээ, олон улсад болоод монголын барилгын салбарт нэвтэрч байгаа сүүлийн үеийн дэвшилтэт техник технологи, салбарын төрийн байгууллагаас хэрэгжүүлж байгаа төсөл хөтөлбөр тэдгээрт заруцуулагдах төсөв, барилгын салбарт ажиллаж байгаа мэргэжлийн ажилчдад зориулсан зөвлөгөө, зөвлөмжийг бэлтгэн орууллаа.

 

 

 

 

 

 

 

 

 

 

 

 

 

     Энэ удаагийн дугаартаа барилгын салбарын амин чухал хөдөлгөгч хүч болсон ажиллах хүчний талаарх сэдвийг хөндлөө. 2012 оны 4-р улирлын байдлаар барилгын мэргэжилтэн 46556 байгаагаас 27087 нь мэргэжилтэй ажилтан, 19469 нь инженер текникийн ажилтан байна. Эдгээр инженер техникийн ажилчдаас 2374 нь зэрэгтэй, 17095 нь зэрэггүй байна.

 

    Барилгын салбарын аж ахуйн нэгжүүд Хөдөлмөрийн бирж дээр бүртгүүлсэн ажилгүй иргэдийг “өөрсдөө хүсвэл” компаний зардлаар сургаж, мэргэшүүлэн ажилд авах бүрэн бололцоотой ч барилгын ажлыг хүнд хэцүү, хар бор гэж голох, шантрах зэргээр бүтээн байгуулалтын ажлыг тууштай хийх хүсэлтэй хүн тэр бүр олдоггүй байна. 2012 оны 12 сарын байдлаар Монгол улсын хэмжээнд 35776 иргэн ажил хайгчаар бүртгүүлснээс 395 нь ямар ч боловсролгүй иргэн байжээ.

 

    Гэтэл барилгын салбарт ажиллах мэргэжилтэй боловсон хүчин хаана байна вэ? гадагшаа гарах Монгол иргэдийн цуваа улам өргөжсөөр. Харь оронд тоосго өрөх, эх орондоо тоосго өрөх хоёрын ялгаа гар дээрээ авдаг хэдэн төгрөгт л байгаа юм. Хөдөлмөрийн насны энэ олон залуусыг гадагшаа алдаж байснаас эх орныхоо бүтээн байгуулалтанд гар бие оролцох боломжоор хангаад өгөх ажлыг зохион байгуулаад өгөөчээ гэж Засгийн газраас хүсэх л үлдлээ.

 

 

      “Барилга.МН” сэтгүүл барилгын салбарын тулгамдсан асуудал, шийдвэрлэх арга замын талаар өөрийн санал бодлоо илэрхийлж байдаг идэвхтэн бичигч та бүхэндээ талархлаа илэрхийлье. Мөн барилгын салбарт ажиллаж байсан, одоо ч гэсэн ажиллаж байгаа ахмад барилгачид залуу үеийн мэргэжлийн инженер техникийн ажилчдад зориулсан зөвлөгөө, зөвлөмжийг бичин ирүүлдэг билээ.

 

     5 сар гаруй хугацаагаар хадгалагдсан цементэд заавал шинжилгээ хийж хэрэглэх боломжтой эсэхийг тогтооно. Цемент нарийн нунтаг материал учраас чанараа амархан алдаж идэвхи(барьцалдах болон бат бэх чанар) нь 3 сар хадгалахад 20%, 6 сар хадгалахад 30%, жил хадгалахад 40% буурдаг.

 

      Бетон хольцыг тээвэрлэх миксерт зуурч л байвал хольц хатуурч бэхжихгүй гэсэн ойлголт нь буруу юм. Цементийг устай хольж зуурсан үеэс л харилцан урвалд орж эхэлдэгээс хэдэн цагаар үргэлжлүүлэн зуурахад эхний бүрэлдсэн цементэн цавуун холбоос алдагдаж бетоны чанарыг бууруулж хэт удаан зуурвал барьцалдаж хатуурахгүй болно.

 

 

      Бид бүхэн энэ булангаараа монголын болоод гадны улс орны барилгын салбарт болж байгаа шинэлэг содон мэдээллийг уншигч та бүхэнд дуулгахыг зорьдог билээ. Агаарын бохирдлыг бууруулахад ногоон байгууламж хамгийн чухал үүрэг гүйцэтгэдэг. Гадна талбайдаа ногоон байгууламжтай орон сууц гэж байдаг ч орон сууц өөр дээрээ ногоон байгууламжтай барилга гэж сонсож байсан уу? Тэгвэл барилга өөрөө ногоон байгууламжаар амьсгалж болдогыг танд дуулгаж байна.

 

     Нарны зайн үүсгүүр бүхий энэ хоёр барилгын гадна хана мод ургамлаар дүүрэн. Ургамлууд хүчил төрөгч үйлдвэрлэхээс гадна хотын агаар дахь тоосжилтыг багасгахад тусалдаг. Түүнчлэн байран дахь халаалт, хөргөлтийн шаардлагыг багасгадаг давуу талтай. Хотжилтын нөлөөгөөр сүүлийн үед зун цагт хэт халдаг нөлөөллөөс байрыг хамгаалахад ихээхэн тустай юм.

 

      Хоёр барилга 79, 111 метрийн өндөртэй бөгөөд нийтдээ том, дунд зэрэг хэмжээтэй 480 мод, жижиг хэмжээтэй 250 мод, 11 мянган газрын ургамал, 5000 бут сөөгийг даах хүчин чадалтай.

Эдгээр ургамлууд байшингийн аль хэсэгт нь тохиромжтой, ургах боломжтой эсэхийг ургамал судлаачид хоёр жил гаруйн хугацаанд судалсны эцэст сонгон авсан юм байна.

 

 

      Ашиглалтанд ороод удаагүй ч оршин суугчидаасаа гомдлын үг сонсож байгаа барилгуудын жагсаалт бас нэгэн орон сууцаар нэмэгдлээ. Ашиглалтанд ороод 1 жил болоогүй ч хана нь хагарчихсан “хадны сүг зураг гэгчээр” ханан дээрх сүг зураг шиг харагдана.

 

      4-р давхарт гарч уулзсан эхний айл 3-н давхарт амьдарч байгаад ус алдсан учир 4-н давхар руу нүүлгэсэн гэнэ. Оршин суугчид байрандаа ороод удаагүй болохоор чанарын талаар мэдэхгүй байна. Гэхдээ “сантехникийн материалууд нь муу юм шиг байна лээ. Ариун цэврийн өрөөнөөс ус алдах, ус тасрах тохиолдол их гардаг. Мөн авто машины зогсоол, хүүхдийн тоглоомын талбай байхгүй нь хэцүү байна. Хүүхдүүдээ салхилуулж, тоглуулах боломжгүй юм” гэсэн гомдол их.

 

   “Hill Side” орон сууцны барилга урд талаараа “Хуашин” хятад ресторанаар халхлагдаж баруун талаараа хуучин угсармал орон сууцаар хашигдсан бол зүүн талаараа авто зам, хойд талаараа өндөр далангаар хүрээлэгдсэн. Гэтэл зурган дээр төлөвлөгдсөн шигээ ногоон байгууламж, тоглоомын талбайг хаанаа байгуулах юм бол? “Хуашин” хятад рестораныг нураадаггүй л юм бол? ямар ч боломжгүй ажээ.

 

 

     Урин цаг ирж байгаа энэ үед хотын дуу чимээнээс хол зуслангийн газраа амины орон сууц барихаар төлөвлөж байгаа хүмүүст зориулан бас нэгэн содон загварын байшинг хүргэж байна. Нэгэн хэвийн загвараас түр татгалзан, содон загварлаг байшинг сонгож яагаад болохгүй гэж. Байшинд дотоод, гадаад заслын аль аль нь тусгагдсан бөгөөд төслийн хамгийн төв хэсэг нь агуй мэт харагдах гол хэсэг нь юм байна.  

  

      Тав тухтай өргөн уудам энэ байгууламжийг бий болгохын тулд орон зайн хил хязгаарыг алга болгосон байна. Энэхүү байгууламж нь архитектурын шийдэлтэй уран барилга биш. Хамгийн чухал нь гэвэл байгалийн хад чулуугаар хана, хавтан, багана зэргийг орлуулан хийсэн нь гайхалтай туршлага болж байгаа юм.

 

      “Барилга.МН” сэтгүүлийн байнгын булангуудын нэг нь барилгын материалын үнэ ханшаа шинэчлэн гаргалаа. “Барилгын материалын үнэ тогтвортой байна. Материалын үнэ барилгын ажил эхлэхээр л хөдөлгөөнд орно. Одоохондоо онцын өөрчлөлт байхгүй байна” хэмээн материалын бөөний төвийн борлуулагчид хэлсэн юм.

 

      Улаанбаатар хотод ашиглалтанд орсон болоод 2013 онд ашиглалтанд орох болон орсон 52000 айлын орон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судалгаа мэдээллийг ч унших боломжтой.

 

      Барилгын ажил эхлэх гэж байгаатай холбоотойгоор барилгын ажил гүйцэтгэлийн жишиг үнэлгээг нарийвчлан шинэчлэн гаргалаа. Ажил гүйцэтгэлийн үнэлгээг байгууллага бригад, 100 айл /Би чадна/-уудын ажлын үнэлгээ гэж тус бүрд нь гаргалаа.

 

Та Барилга.МН сэтгүүлээ худалдан авах боломжтой.

 

Интернэтээр худалдан авахыг хүсвэл book.gogo.mn/paper.html дарна уу?