Барилга, хот байгуулалтын яам он гарсаар олон шинэлэг ажлуудыг зохион байгуулж ажлын гараа сайтай байна. Түүний дотор “Барилгын салбарыг дэмжих, орон сууцны үнийг тогтворжуулах” дэд хөтөлбөрийг Монгол банктай хамтрах хэрэгжүүлэх, “Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотголыг батлах тухай” УИХ-ын тогтоолын төслийг УИХ-д өргөн барих, “Барилгын материалын үйлдвэрлэлийг дэмжих хөтөлбөр”-ийг Засгийн газрын 2012.12.15-ны өдрийн 171 дүгээр тогтоолоор батлуулах зэрэг арга хэмжээг аваад байна.

 

      “Хот байгуулалтын талаар төрөөс баримтлах бодлого”-ын баримт бичгийг боловсруулахын зэрэгцээ Газрын тухай багц хуулийн төслийг боловсруулж , Улсын Их хурлын хаврын чуулганаар батлуулахаар бэлэн болгоод байна.

 

     Аймгийн Газрын харилцаа, барилга, хот байгуулалтын газрын дарга нарын 2013 оны нэгдсэн сургалт, семинарыг зохион байгуулж, өнгөрсөн оны ажлаа дүгнэж, ирэх онд хийж хэрэгжүүлэх ажлын талаар дээр дурьдсан газрын дарга нар Яам, агентлаг, төвийн удирдлагуудтай гэрээ байгуулж, Барилга, хот байгуулалтын сайдаар баталгаажууллаа. 

 

     Сүхбаатар аймгийн Баруун-Урт хотод “Хот төлөвлөлт”-ийн семинар, хэлэлцүүлгийг зохион байгуулж түүнд хөрш зэргэлдээ 8 аймгийн Засаг дарга, Засаг даргын орлогч, Газрын харилцаа, барилга, хот байгуулалтын газрын дарга нар зарим холбогдох байгууллагын албаны хүмүүс оролцлоо.

Мөн энэ ажлын хүрээнд Дундговь, Дорноговь, Өмнөговь, Дорнод, Хэнтий аймгуудад 1000 айлын орон сууц барих газрын байршил, түүний инженерийн шугам сүлжээний чиглэлийг тогтоох ажлуудыг шийдвэрлэсэн. 

  

      Барилга, хот байгуулалтын салбарын үндэсний стандартад улсын үзлэг явуулах замаар, хүчин төгөлдөр мөрдөгдөж буй стандартуудын өнөөгийн түвшин, шаардлага, салбарын шинжлэх ухаан, технологийн дэвшилтэй уялдаж байгаа байдал, цаашид тухайн стандартыг үргэлжлүүлэн мөрдөх эсэх талаар дүгнэлт гаргаад байна.

 

 

      Саяхан “Барилга, хот байгуулалтын яам, салбарын агентлаг, төв, институтийн үйл ажиллагааны явцад хяналт-шинжилгээ хийх, үр дүнг үнэлэх журам”-ыг шинэчлэн боловсруулж, Барилга, хот байгуулалтын сайдын тушаалаар батлуулан Газрын харилцаа, геодези, зураг зүйн газар, Барилгын хөгжлийн төв, Хот байгуулалт, барилгын зураг төслийн институтийн дарга, захирлуудад албан бичгээр хүргүүлээд байгаа.

 

       Энэ журмын дагуу дээр дурьдсан дарга, захирлууд хариуцсан салбар, байгууллагынхаа бодлого, үйл ажиллагааг шинэчлэх, өөрчлөн сайжруулах чиглэлээр төр, засаг, иргэд, олон нийтийн санаа бодолд бүрэн нийцсэн ажил, үйлчилгээг тоо хэмжээ, чанарын хувьд бүрэн нийлүүлэхээр ажиллах юм.

Харин манай газрын зүгээс дээрхи байгууллагын дарга, захирлуудын сайдтай байгуулсан үр дүнгийн гэрээ, үйл ажиллагааны төлөвлөгөөний хэрэгжилтэд хяналт-шинжилгээ хийж, үнэлэлт, дүгнэлт, санал, зөвлөмж, чиглэл өгөх юм.

 

       Мөн “Яамны дотоод бүтцийн нэгжүүдийн үйл ажиллагааны төлөвлөлт ба хэрэгжилтэд хяналт-шинжилгээ хийж, үр дүнг үнэлэх журам”-ыг яамны Төрийн нарийн бичгийн даргын тушаалаар батлуулсан. Ингэснээр яам, салбарын бодлого, үйл ажиллагаа гадна ба дотор талдаа сайжрах нөхцөл бүрдэж байгаа юм.

 

 

      Барилга, хот байгуулалтын салбарын стратегийн бодлого тодорхой, оновчтой, хууль, эрх зүйн орчин зөв, сайн бүрдсэн, үйл ажиллагаа нээлттэй, ил тод, шуурхай байх нь яамны ажилтнууд биднээс шууд хамааралтай.

 

      Цахим хэлбэрт шилжсэнээр хэн юу хийж, ямар ажил, үйлчилгээ /бүтээгдэхүүн/ төлөвлөж, хэрэгжүүлж байгаа нь нэг талаас ил тод, нээлттэй, нөгөө талаас мэргэжилтнүүдийн дунд жижиг өрсөлдөөн бий болгож байгаагаар онцлогтой.

 

      Энэ нь яамны удирдлагын зүгээс үлбэгэр, удаан, санаачилга багатай, идэвхгүй ажилтнуудыг шүүмжилж, дэмжихгүй байх, харин шинэлэг санал, бодол дэвшүүлдэг, сэтгэлгээ сайтай, хурдтай ажилладаг, оюуны чадвар сайтай ажилтнуудыг дэмжин, урамшуулж ажиллах бодлого, чиглэл барьж ажиллахад тус нэмэр болно.

 

 

     Бүх яамны хуучин нэрээр “Хяналт-шинжилгээ, үнэлгээний газар” гэж байсны чиг үүрэгт “дотоод аудит” гэдэг үйл ажиллагаа нэмэгдсэн.

      Энэ үйл ажиллагаа нь товчдоо яамныхаа газрууд болон салбарын агентлаг, төв, институтийн бодлого, үйл ажиллагаа, хууль эрх зүйн орчин, төсөв, санхүүд дотоод аудит хийх замаар аливаа эрсдэлээс үүсэх алдаа, дутагдал, доголдлыг гаргуулахгүй байх, түүнээс урьдчилан сэргийлэхэд чиглэгдэх юм. 

 

 

 

      Гагцхүү энэ хөрөнгө оруулалтын ажлыг бүрэн хэрэгжүүлэх, ашиглах, шингээх нь нэг талаас манай яамны бодлого, үйл ажиллагаа нөгөө талаас аймаг, орон нутагт ажиллаж байгаа манай салбарын байгууллага болох аймгуудын Газрын харилцаа, барилга, хот байгуулалтын газрын удирдлага менежментээ яаж хийхээс шууд хамааралтай болох юм.

 

      Энэ ажлыг улсын хэмжээнд бүрэн хэрэгжүүлэх зорилгоор Засгийн газраас өгсөн чиглэлийн дагуу манай яам, Эдийн засгийн хөгжлийн, Үйлдвэр, хөдөө аж ахуйн, Хөдөлмөрийн яамтай хамтарсан ажлын хэсгийг энэ оны 2-3 дугаар сард багтааж бүх аймаг, суманд гаргаж ажиллуулахаар бэлэн болоод байгаа юм.

 

      Энэ ажил нь хөрөнгө оруулалтын үр ашгийг дээшлүүлэхтэй холбоотой аливаа эрсдэлээс урьдчилан сэргийлэх ач холбогдолтой болох юм.

 

Баярлалаа. Таны ажилд амжилт хүсье.

Ярилцсан: Г.Одгэрэл

 

"Барилга.МН" сэтгүүлийн №34 дугаараас