Энэхүү дугаараас та бүхэн үл хөдлөх хөрөнгийн зах зээл, түүний эргэн тойрон дахь мэдээлэл, эрх зүйн орчин, 2013 онд орон сууцны үнэ ханш ямар байх гээд орон сууцны зах зээлтэй холбоотой бүрэн цогц мэдээллийг унших боломжтой юм.

 

     Мөн барилгын материал үйлдвэрлэлийн салбарт нэвтрэх боломжтой дэвшилтэт технологийн талаарх мэдээллийг багтаалаа.  

 

 

 

 

      Энэ удаа үл хөдлөх хөрөнгийн зах зээлийн асуудлыг хөндлөө. Монголд үл хөдлөх хөрөнгийн зах зээл хөгжөөд 15 жил болж байгаа харьцангуй залуу салбар. Тийм учраас үл хөдлөх хөрөнгийн зах зээлийн талаар төдийлөн мэдлэггүй.

 

      Монгол орон 1990 онд зах зээлийн нийгэмд шилжсэнээр нийгэм, эдийн засаг, хүмүүсийн үзэл бодол орвонгоороо өөрчлөгдсөн. Хөлтэй нь хөлхөж, хөлгүй нь мөлхдөгийн үлгэрээр овсгоотой нэг нь өмч хувьчлал нэрийн дор хувьдаа овоо гэгчийн хөрөнгө хурааж амжсан бол улсын ажил хийж авсан цалингаараа амьдралаа залгуулж ирсэн дийлэнхи хэсэг нь яах учраа олохгүй өнчин ишиг шиг л хоцорсон.

 

      Сүүлийн хоёр гуравхан жилийн дотор барилга, орон сууцны үнэ тэнгэрт хадсаны нэг шалтгаан нь Засгийн газраас их хэмжээний бэлэн мөнгө тараасан явдал юм. Амьдрах орон сууц худалдаж авах хүсэлтэй хүмүүсийн эрэлтийг хааж, ашиг олох зорилготой хөрөнгө оруулалтын шинж чанартай худалдан авалтыг бий болгосноор орон сууцны үнийг ихээхэн өсгөжээ.

 

 

 

      “Барилга.МН” сэтгүүл уншигчиддаа эрэлт хэрэгцээнд таарсан, уншууртай мэдээлэл хүргэхийг гол зорилгоо болгон ажилладаг. Тиймээс орон сууц, үл хөдлөх хөрөнгийн зах зээлд өөрийн гэсэн байр сууриа эзэлсэн энэ чиглэлийн судлагааны ажлаар олон жил дагнан ажилласан “UMC Alpha” компанитай хамтран үл хөдлөх, орон сууцны зах зээлтэй холбоотой мэдээллүүдийг хүргэж байгаа.

 

      2013 оны 1-р улирлын байдлаар орон сууцны зах зээлийн идэвхижил сул хэвээр байна. Учир нь 100 мянган айлын орон сууцны хөтөлбөрийн хүрээнд олгогдож эхлээд байсан 6 хувийн хүүтэй зээлийн санхүүжилт зогсож цаашид үргэлжлэх боломжгүй болсон. Мөн арилжааны банкуудын орон сууцны зээлийн хүү өндөр байсан нь эрэлт буурахад нөлөөлсөн гол хүчин зүйл байлаа.

2012 оны байдлаар УБ хотод нийт 306,8 мянган өрх байгаагийн 60 хувь нь буюу 184,1 мянга нь гэр хороололд, 122,7 нь орон сууцанд оршин сууж байна.

 

 

Цаашид дэлхийн зах зээл дээр манай улсын голлох экспортын түүхий эдийн үнэ ханш тогтвортой байж, ЗГ-аас хэрэгжүүлж байгаа бодлого, хөтөлбөр тууштай хэрэгжих улс төрийн тогтвортой нөхцөд байдал бүрдвэл манай улсын эдийн засаг 2013 онд дор хаяж 25%-аар өсөх бүрэн боломжтой байна. Үүнд хамгийн их нөлөө үзүүлж болзошгүй хүчин зүйл нь Оюу толгойг тойрсон асуудал байгаа бөгөөд талууд тохиролцоонд хүрч чадахгүйд хүрвэл эдийн засаг доголдох магадлал өндөр юм.

 

      2012 оны жилийн эцсийн байдлаар инфляци 14,0% байсан бол 2013 оны 1-р улирлын байдлаар инфляци 9,8% болж буурсан нь Монголбанкнаас хэрэгжүүлж байгаа мөнгөний бодлого, түүний дэд хөтөлбөрүүд эдийн засагт эерэг нөлөө үзүүлж байгааг харуулж байна.

 

 

 

 

     Орон сууцны үнэ ханш нь өртөг зардал, эрэлт нийлүүлэлт гээд олон хүчин зүйлээс хамаардаг. Эдгээрийг нарийвчилж авч үзвэл:

      Монгол улс барилгын материалынхаа 70 орчим хувийг гадаадаас импортоор авдаг. Гадаад валютын ханшны өсөлт барилгын материалын үнийг нэмэгдүүлэх хандлагатай.

      Барилгын ажилчдын тарифт цалин жил бүр нэмэгдэж байна. Барилгын ажилчдын тарифт цалин 2013 онд 358850 болж нэмэгдлээ.

      Бүтээн байгуулалтын ажлууд идэвхижихийн хирээр түүхий эд материалын импортын хэмжээ нэмэгдэж байдаг.

Газрын нийлүүлэлт буурч эрэлт нэмэгдсэн.        

 

 

 

      Энэ байшинг хаана л бол хаана барьж болно. Зеро хаусын бүхий л эд хэрэгслийг ачааны хоёр машинд л аччихна. Тэгээд нэг л өдрийн дотор угсрах боломжтой. Энгийн байшин барих боломжгүй газар, тэр бүү хэл гурван метр хүртэл устай газар, 35 градусын налуу газарт ч барих боломжтой.

 

     Байшингийн суурь нь шурган зангуу хэлбэрийнх бөгөөд газарт дөрвөн цэгээр холбогдоно. Газар ухаж суурилуулах шаардлагагүйгээс гадна газрыг ухаж, сэндийчихгүй байнгын зориулалттай барилга барихад тохиромжгүй бүсэд барихад нэн тохиромжтой.

 

      Зеро хауст засвар үйлчилгээ төдийлөн шаардагдахгүй. Байшингийн гадна хэсгийн хавтан зурагдах, хонхойх, хөгцрөх, элэгдэхээс хамгаалагдсан. Нарны зайн болоод халуун усны үүсгүүр, амьдрахад шаардлагатай бүхий л төхөөрөмжөөр тоноглогдсон. Энэ байшинг хэдий ч хугацаагаар эзэнгүй орхиж болно.