Зурвас бичих
Messenger
Залгах
- Batsuh
Ханын цаасаар агаарыг цэвэршүүлнэ
Өрөөнийхөө агаарыг цэвэрхэн таатай байлгахын тулд ханын цаас наахад л хангалттай гэнэ. Энэ бол нано технологиор бүтээгдсэн “Агаар цэвэршүүлэгч ханын цаас” юм. Япон эрдэмтдийн ная гаруй жилийн уйгагүй хөдөлмөрийн үр дүнд (triple fresh) буюу гурвалсан цэвэрлэгээ гэж нэрлэгдсэн технологийг бий болгож чаджээ. Харин энэхүү ханын цаасыг Монголчууддаа зориулаад Сусуни компани оруулж ирээд байна.
Энэхүү ханын цаас нь тамхи, нүүрсний гэх мэт бүх төрлийн хорт утаа, эвгүй үнэрийг задалж агаарыг цэвэршүүлснээр хүний эрүүл мэндэд тустай цэвэр орчинг бүрдүүлэх онцлогтой төдийгүй ханын цаас элэгдэж дуусахаас нааш энэ чанар нь алга болохгүй гэнэ. Агаар цэвэршүүлэгч ханын цаас нь анх 2005 онд худалдаанд гарсан цагаас хойш Япон болон бусад Азийн орнуудад аль хэдийн хүмүүсийн таашаалд нийцсэн бүтээгдэхүүн болж чадсан байна.
Амьд цэцэг, үнэртэй ус, үнэртүүлэгчийн таатай үнэрийг задлаж сарниулахгүй бөгөөд агаарыг бохирдуулдаг хорт утаа, эвгүй үнэрийг агаарын урсгалын хөдөлгөөнөөр дамжуулан өөртөө нааж, задлаж цэвэршүүлснээр дахин эргэлтэнд оруулдаг байна. Ид шидтэй гэж болохоор энэхүү ханын цаасыг хэрэглэхийн тулд ямар ч тусгай цавуу, арчилгаа шаардлагагүй, бүлээн усаар норгосон алчуураар арчиж цэвэрлэхэд хангалттай гэнэ.
Одоогоор Монгол улсад агаар цэвэршүүлэгч ханын цаас нь 600 гаруй төрлийн сонголттойгоор худалдаалагдаж байгаа бөгөөд бүх төрлийн харшил үүсгэгч бактерыг задалж цэвэршүүлдэг шинэ төрлийн загварыг захиалгын дагуу Япон улсаас авчруулах боломжтой юм байна. Энэ загвар нь дөнгөж 2013 оны нэгдүгээр сараас эхлэн зах зээлд гараад байгаа аж.