Дэлхий дээрх хамгийн их бохирдолтой хотуудын нэг бол Милан. Тийм ч учраас хотжилтоос болон маш ихээр бохирдсон байгаль орчныг сэргээх зорилгоор Боско Вертикайл төслийг хэрэгжүүлэхээр зорьжээ.

Нягтшил өндөртэй хоёр барилгын загвар дизайн үнэхээр сонирхолтой.

 

 

     Нарны зайн үүсгүүр бүхий энэ хоёр барилгын гадна хана мод ургамлаар дүүрэн. Ургамлууд хүчил төрөгч үйлдвэрлэхээс гадна хотын агаар дахь тоосжилтыг багасгахад тусалдаг. Түүнчлэн байран дахь халаалт, хөргөлтийн шаардлагыг багасгадаг давуу талтай. Хотжилтын нөлөөгөөр сүүлийн үед зун цагт хэт халдаг нөлөөллөөс байрыг хамгаалахад ихээхэн тустай юм.

 

     Хоёр барилга 79, 111 метрийн өндөртэй бөгөөд нийтдээ том, дунд зэрэг хэмжээтэй 480 мод, жижиг хэмжээтэй 250 мод, 11 мянган газрын ургамал, 5000 бут сөөгийг даах хүчин чадалтай. Эдгээр ургамлууд 10 мянган ам метр хэмжээтэй ойг эзлэх хэмжээнийх ажээ.

 

 

    Эдгээр ургамлууд байшингийн аль хэсэгт нь тохиромжтой, ургах боломжтой эсэхийг ургамал судлаачид хоёр жил гаруйн хугацаанд судалсны эцэст сонгон авсан юм байна. Ургамал бүрийг тус тусад нь ургуулан барилгын ханан хэсэгт суулгахаар дасган нутагжуулж ирсэн бөгөөд өдгөө дэлхийд гайхагдсан амжилттай хэрэгжиж буй төсөл болоод байна.