Энэ удаагийн дугаарын мэдээ мэдээллийн буландаа дараах мэдээллүүдийг багтаалаа.

 МУ-ын Засгийн газрын тогтоолоор шинэчлэн батлагдсан барилгын ажлыг эхлүүлэх, үргэлжлүүлэх зөвшөөрөл авах болон барилга ашиглалтанд оруулахад бүрдүүлэх бичиг баримтын шинэчлэгдсэн жагсаалтыг нийтэллээ. Мөн барилга эхлэх, үргэлжлүүлэхэд ямар зөвшөөрөл авах, хэд хоногийн дотор багтаан олгох, барилгын зураг төсөлд магадлал хийхэд хэд хоногийн дотор багтаан холбогдох байгууллага, албан тушаалтан зөвшөөрөл өгөхийг Барилга.МН сэтгүүлийн шинэ дугаараас унших боломжтой.

 

     Мөн төрийн бус байгууллагуудаас барилгын салбарын инженер техникийн ажилчдыг мэргэшүүлэх сургалт, 2013 онд барилгын чиглэлээр олон улсын  чанартай хурал, семинар хаана, хэзээ болох, бүртгэлийн талаарх мэдээллийг уншаарай.

 

      Улаанбаатар хотын утааг бууруулж чадах дэвшилтэт технологийн зуухны талаарх мэдээллийг хүргэж байна. Энэхүү зуух нь Канад улсад үйлдвэрлэгдсэн усан халаалттай, 80м² талбайг халаах хүчин чадалтай. Ердийн зуухтай харьцуулахад түлшийг 50% хүртэл хэмнэдэг зуухны талаарх мэдээллээ аваарай.

 

 

 

 

 
 

      2 дугаар сарын “Асуудал хөндсөн” сэдвээр Улаанбаатар хотын цахилгаан станцуудаас гарч байгаа үнсийг ямар байдлаар ашиглаж болох, барилгын материал бүтээгдэхүүн үйлдвэрлэлд хэрэглэх боломжийн талаар асуудал болгон дэвшүүллээ. Гадны улс оронд үнсийг барилгын материалд өргөнөөр хэрэглэдэг. Манай улс ч үнсийг хэрэглэх талаар судлагаа шинжилгээний ажлууд хийгдэж байгаа юм байна. Дэлхийн өндөр хөгжилтэй улс орнуудад үнсийг барилгын материалд ашиглан алдартай барилгуудыг хүртэл барьжээ.

 

      Дэлхийн хэмжээгээр жилд 600 сая тонн үнс гардаг гэсэн тооцоо судлагаа байдаг. Харин манай улсын дотоодын нүүрсний хэрэглээ нь жилд дунджаар 7 сая тонн орчим байдаг. Үүний хамгийн багаар бодоход 10% нь үнс болдог гэхээр хамгийн багадаа 700 мянган тонн үнс хаягддаг гэсэн үг.

      4-р цахилгаан станцын 1 жилийн өмнө байгууллагдсан үнсэн бассейн 1,4 сая м³ эзлэхүүнтэй бол жилд 250-300 тонн үнс гаргадаг. Харин 3-р цахилгаан станцын үнсэн бассейн 800 мянган м³ эзлэхүүнтэй, жилд 100 мянган тонн үнс гардаг.

      Дахин усан сан байгуулах газар нийслэл хотод байгаа билүү? Энэ талаарх дэлгэрэнгүй мэдээллийг 2 сарын дугаараас уншаарай.

 

 

 

 

      Улаанбаатар хотын 2030 он хүртэлх хөгжлийн чиг хандлага ямар байх бол? Гэсэн асуултанд хариулт болгон дараах мэдээллийг бэлтгэн хүргэлээ.  

 

  Улаанбаатар хотын төлөвлөлтийг алдагдуулсан хэд хэдэн шалтгаан байдаг байна. Үүнд гэр хорооллын огцом тэлэлт, зохисгүй төвлөрөл, хүн амын механик, огцом өсөлт нь хот төлөвлөлтийг алдагдуулах үндсэн шалтгаан болжээ.

 

   Улаанбаатар хот нь түүхэн хөгжлийн явцад 1954,1963,1971,1986,2002 онуудад боловсруулсан 5 ерөнхий төлөвлөгөөний дагуу хөгжиж хотын өнөөгийн дүр төрхөө бүрдүүлсэн билээ. 6 дахь ерөнхий төлөвлөгөөг Нийслэлийн зураг төслийн хүрээлэнд боловсруулж дууслаа.

 

   2030 он гэхэд Улаанбаатар хотод шинэ дагуул хотыг Хөшгийн хөндийд олон улсын нисэх онгоцны буудлыг түшиглэн байгуулж 60.0 мянган хүн суурьшуулахаар төлөвлөж байна. Тус хотыг нисэхийн “Аэросити” чиг үүрэгтэй хөгжүүлэх гэнэ.

 

      Хотын чанартай 2 төв, дүүргийн чанартай 6 дэд төвийг байгуулж, хотын доторхи төвлөрлийг задлах бөгөөд тэр чиглэл рүүгээ барилга байгууламж, худалдаа үйлчилгээний төв, орон сууцны хотхон хорооллыг түлхүү барьж байгуулах боломжийг бий болгох юм байна.

 

 

 

    Агуулах хэлбэрээр ашигладаг контейнерыг спорт заал болгосон гэдэгт та итгэх үү? Спорт заал барихад хэтэрхий өндөр өртөгтэй. Харин энэ мэдээлэл танд шинэлэг бизнесийн санаа өгч магадгүй шүү. Өмнөд Лондонд байрлах Дунравэн сургуулийн спорт заал.

 

      Энэ заал нь хүүхдүүдэд хөгжилтэй, шинэлэг уур амьсгал, өнгөлөг орчинг бүрдүүлж чадах материалыг сонгосон гэнэ.

 

       Хамгийн чухал нь уламжлалт аргаар барих байсан зардлаа хэмнэсэн учраас сургуулийн захиргаанд нь ихэд таалагдаж байгаан байна. Гэвч арвич хямгачдаа гол нь биш, шинэлэг уур амьсгалтай, байгаль орчинд ээлтэй гээд олон давуу талтайгаас гадна спорт заалны дизайн нь хүүхдүүдийн спортоор хичээллэх идэвхийг 2 дахин нэмэгдүүлсэн явдал юм.

 

   Энэ заал нь 8200 м² газарт хуучин контейнер, байгалд ээлтэй байшин барихад хэрэглэдэг гэрэл нэвтрүүлдэг тунгалаг поликарбонат зэрэг байгалд ээлтэй материалууд их хэмжээгээр ашигласан.

 

 

 

       Амины орон сууцны барихаар төлөвлөж, шинэлэг загварыг хайж байгаа хэн бүхэнд зориулан дараах мэдээллийг бэлтгэн хүргэж байна. Танд таалагдана гэдэгт итгэлтэй байна.

Энэ загвар дизайн нь байшингийнхаа цонхоор эргэн тойрны үзэсгэлэнт байгалийн тогтоцыг харах бүрэн боломжтой.

 

       Байшингийн зохион байгуулалт нь хүний ая тухтай, амгалан тайван амьдрах бүхий л боломжийг бүрдүүлж чаджээ. Гэр дотроосоо нар мандах, жаргахыг харахад тохиромжтой байхаар шийдсэнээс гадна байшингийн дотор хэмийн өөрчлөлтийг хянах зорилгоор ногоон дээвэр хийсэн бөгөөд байгальд байгаа мэт сэтгэгдэл төрөхүйц орчныг бүрдүүлж чаджээ.

 

    Нэгэн хэвийн уйтгартай загвараас түр татгалзаж, ийм амины орон сууцыг зусландаа яагаад барьж болохгүй гэж.

 

 

 

 

      Барилга.МН сэтгүүл дугаар бүртээ барилгын материалын судалгааны мэдээллийг цуврал байдлаар хүргэж байгаа. Энэ удаа цемент, хуванцар хоолой, арматур, блок тоосго, эмульс, замаск, плита, ДСП хавтан гэх зэрэг 8-н гол барилгын материалын нийлүүлэлт импортын талаарх мэдээллийг орууллаа. Манай улсын барилгын материалын импортод үнийн дүнгээр 12.0%, тоо хэмжээ, жингээрээ 64.0% эзлэдэг гол нэр төрлийн материал бүтээгдэхүүн нь цемент юм.

 

      2012 оны жилийн эцсийн байдлаар манай улс 123,4 тэрбум төгрөгийн цемент импортоор орж ирсэн байна. Энэ нь өмнөх 2011оноос 46.5% өссөн дүн юм. Импортын цемент үндсэндээ БНХАУ-н Эрээн хотоос орж ирдэг ба  нийт импортын 99.7% эзэлж байна.

 

 

 

 

 

 

 

 

 

 

     Үл хөдлөх хөрөнгө гэдэг хүний амьдралд хэрэг болохуйц үнэ цэнэтэй зүйл. Бид үл хөдлөх хөрөнгийн зарим төрүүдийн худалдах болон түрээслэх үнэ ханшийн талаарх судлагааг бэлтгэн хүргэж байна.

    Гэр хорооллуудад амины хашаа байшин газрын хамт доорх үнэ ханшаар зарагдаж байна. Мэдээж хотын төв рүүгээ ойртох тусам хашаа байшингийн үнэ өндөр байна. Энэ нь газрын үнэ, эрэлт өсч байгаатай холбоотой байна.

 

     Харин зуслангийн газрын үнэ байршил орчин зэргээсээ хамааран харилцан адилгүй байна. Талбайн хэмжээнээс гадна доорх хүчин зүйлүүд үнэлгээ өсөхөд голлох нөлөө үзүүлж байна. Үүнд газрынхаа байршил, байшингийн чанар, гражтай эсэх, харуул хамгаалалттай үгүй юу гэдгээсээ шалтгаалаад үнэ нь харилцан адилгүй байна.

 

       “Барилга.МН” сэтгүүл дугаар бүртээ барилгын материалын өргөн хэрэглээний бүтээгдэхүүний үнийг байнга шинэчлэн гаргадаг билээ. Энэ удаа үнэ ханшаа илүү өргөн хүрээтэй шинэчиллээ. Дан ганц Улаанбаатар хотод борлуулж байгаа материал бүтээгдэхүүнүүдээс гадна Эрээн хотын барилгын материалын захын үнэ ханшыг сонирхож байгаа хүмүүст мэдээлэл болгон хүргэж байна.

 

     Улиралаасаа хамаараад барилгын материалын үнэ ханш бага зэрэг буух хандлагатай байгааг материалын бөөний төвүүдийн борлуулагч нар хэлж байгаа юм.

 

     Улаанбаатар хотод ашиглалтанд орсон болоод 2013 онд ашиглалтанд орох 200-аад орон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судлагаа мэдээллийг ч унших боломжтой.

    Мөн барилгын материал бүтээгдэхүүний үнэ ханш, барилгын ажил гүйцэтгэлийн жишиг үнэлгээг шинэчлэн гаргалаа.