Барилгын салбарын цогц мэдээллийг түгээх уриатай ажилладаг сэтгүүлийн шинэхэн дугаарт гэр хорооллын дахин төлөвлөлтөнд ямар дүүргийн хэддүгээр хороо хамрагдсан, хэдийнээс хэрэгжиж эхлэх гээд дэлгэрэнгүй мэдээллийг шинэ дугаараас мэдэх боломжтой боллоо.

 

      Мөн хөнгөн бетон гулдмайн үйлдвэрүүдийн байршлыг холбогдох утас, хаягтай нь хэвлэн гаргалаа. Бага болон дунд орлоготой иргэдийг орон сууцжуулах зорилгоор 100,000 айлын орон сууц хөтөлбөрийн сургаар Төрийн банк болоод ОССК-т нэг хэсэгтээ л иргэдийн хөлд дарагдсан. Энэ хөтөлбөр хэрэгжих үү? үгүй юу гэсэн асуултанд хариулт хайлаа.

 

 

 

 

 

 

 

 

 

 

 

      Нийслэлийн засаг даргын мөрийн хөтөлбөрт гэр хорооллыг дэд бүтцэд бүрэн холбогдсон ногоон байгууламж бүхий амины орон сууцны хороолол болгон хөгжүүлнэ гэж заасан байгаа. Харин энэхүү мөрийн хөтөлбөр нь ирэх дөрөвдүгээр сараас хэрэгжиж эхлэх гэнэ.

 

     Өмнө нь Гандан, Дэнжийн мянга, Радио телевизийн ойролцоо гэх мэт таван газар дахин төлөвлөлт хийхээр төлөвлөөд байсан бол одоо нэмж Сонгинохайрхан дүүргийн V, VI, VII хороо буюу “Ханын материал ХХК” орчмын 130 га, Сонгинохайрхан дүүргийн X хороо буюу Арьс ширний үйлдвэрийн ажилчдын нийтийн байр орчмын 2.3 га газар гээд нийт 12 газарт ирэх 6 жилийн дотор багтаан дахин төлөвлөлт хийх гэж байна.

      Энэ талаарх дэлгэрэнгүй мэдээллийг “Барилга.МН” сэтгүүлээс уншаарай. Мөн монголчуудын эв нэгдлийн илэрхийлэл болсон дэлхийн хамгийн өндөр хөшөө болох Их майдарын талаарх мэдээллийн тухай дэлгэрүүлэн уншаарай.

 

 

 Асуудал хөндсөн сэдэв

      Энэ удаа Барилгын салбарын хүнд суртал буюу экспертизийн асуудлыг сөхлөө. Нэг барилга барихын тулд бүтэн жилийн турш 100 гаруй хүний гарын үсэг цуглуулж гүйдэг, энэ бүгдээ бүтээхийн тулд мутар хайрлагчдын гарыг цайлгах болдог гээд өч төчнөөн бэрхшээлийг зөвшөөрөл “горилогч” иргэд тоочиж байсан. Харин одооноос энэ бүх асуудал ард хоцрох гэнэ. 151-р тогтоолд зааснаар барилга байгууламжийг эрсдлийн түвшингээр нь гурав ангилсан.

 

      Барилга хүлээн авахад өмнө нь Техникийн комисс, дараа нь Улсын комисс хүлээж авдаг байсан бол шинэ журмаар нэгдүгээр ангилалд багтах барилгыг хүлээж авах комисс Барилга, хот байгуулалтын яамнаас гарах бол хоёрдугаар ангиллын барилга байгууламжийг орон нутгаас гарсан комисс хүлээн авах юм байна. Харин гуравдугаар ангилалд багтах барилга байгууламжийг тухайн иргэн бүртгэлийн газрын тодорхой албан тушаалтанд  мэдэгдсэний үндсэн дээр бүртгүүлдэг систем рүү шилжих гэнэ. Ингэснээр ойролцоогоор 59 хоногийн хугацаанд ажлаа бүтээх боломжтой болжээ.

 

 

     Та энэ барилгыг мэдэхүү? Гадна талаар нь өдөр тутам л өнгөрч байсан байх. Гэвч дотроосоо өмхрөн унаж байгаа гэдгийг тэр бүр мэдэхгүй. Энэ орон сууцны дотор хэсгээр ороод үзье.

 

       Дээвэр нь хучилтын хавтан дээрээ шууд хар цаас дэвсчихсэн болохоор ус чийг байнга нэвтэрдэгээс мөөгөнцөртсөн, цонхны амалгаа шаварнаасаа эхлээд нурж, дотор талын хана, тааз, дээвэр нь ус, чийгт автан холцорч, цуурсан, обой нь хуураад байгаа болохоор өдөр болгон хуурай алчуураар арчдаг. Хаалга, цонхоор хүйтэн салхи сэнгэнээд байхаар нь чадах чинээгээрээ дулаалж наасан учраас цонх онгойлгож агаар солилцох гэсэн асуудал байхгүй. Тийм учраас гэр дотор чийгтэй агаар ихтэй. Зураг авахаар очсон айлдаа ороод 10-20 минут болоод гаргахад өлгүүрт өлгөсөн хувцас, өмссөн ноосон цамц бага зэргийн чийг даасан байлаа.

       Гэртээ байгаа хэрнээ гадаа байгаа юм шиг чийгтэй, хүйтэн орчинд амьдрах нь хэнд ч таатай биш. Дулаараад ирэхээр ахиад засвар хийнэ.

 

     Оршин суугчид өөрсдөдөө тулгараад байгаа бэрхшээлээ шийдвэрлүүлэх цагдаад хандахаар “наад асуудыг чинь шүүх л шийднэ” гэнэ. Шүүх дээр нь очихоор цагдаагийн байгууллагад ханд хэмээн бие биеэн рүүгээ чихэнэ. Харин хохирогч нь монгол, солонгос иргэдэд хулхидуулсан иргэд.

 

 

   Гадаад улс орны болоод өөрийн барилгын салбарт нэвтэрч байгаа дэвшилтэт технологийн мэдээллийг байнга уншигч та бүхэнд хүргэж байдаг билээ.

 

      Энэ удаа даавуун бетоны тухай мэдээллийг хүргэж байна. Даавуун бетон гэхээр гайхаж байна уу? Тэгвэл бидний бэлтгэсэн мэдээлэлд анхаарлаа хандуулна уу? Даавуун бетон нь цемент агуулсан уян хатан, зөөлөн материал бөгөөд усаар чийглэхэд бат бөх, ус, галд тэсвэртэй, нимгэн бетонон хавтан болж хувирдаг. Бетон байгууламж барихад бетон зуурагч, зуурмагийн үйлдвэр шаардлагагүй. Даавуун бетоноо байрлуулаад норгоход л хангалттай.

 

     Даавуун бетон нь тусгайлан боловсруулсан хуурай бетоны хольц агуулсан 3 тэнхлэг утаслаг, матрицаас бүрдэнэ. Материалын гадаргуу дахь хуванцар аравч нь уснаас хамгаалдаг. Үүнийг усаар шүрших юмуу усанд бүхлээр нь дүрж чийглэж болно. Даавуун бетон нь маш бат бөх бөгөөд байгалийн аюулт үзэгдэл, гар бөмбөгийн тэсрэлтийг ч тэсвэрлэх чадалтай. Мөн даавуун бетоноор өөр юу хийж болохыг шинэ дугаараас олж уншаарай.

 

 

       Гэр хорооллыг амины орон сууцны хороолол болгон хөгжүүлэх тухай яригдаж байгаа энэ үед танд шинэлэг санаа өгөх зорилгоор “Хаус дизайн” буланг бэлтгэн хүргэж байгаа билээ. Энэ удаа “X” загварын орон сууцыг танилцуулж байна.

 

     Одоогийн байгаа гэр хорооллуудын газар нь бүгд тэгш сайхан газар биш. Тиймээс “X” загварын сууц тохиромжтой, бас шинэлэг санааг танд өгөх биз ээ.

 

      Энэхүү барилга нь энгэр газрын оройд баригдсан ба өндөрлөг газрыг ашиглаж газар ухан, тэгшилж барьсан энэ сууцны дээврээс орчин тойрныхоо байгалийн гайхалтай үзэмжийг харж болно. Энэ сууц нь өндөрлөг газрын энгэр талыг бүхэлд нь ашигласан бөгөөд 2 давхар орон сууц юм.

 

 

     Шинжлэх ухаан нь үйлдвэрлэлээсээ хоцорчихоор үйлдвэрлэлдээ дарамт шахалт үзүүлж тэр бүү хэл хэлмэгдүүлэн устгах нь ч байдаг бололтой. Хоцрогдсон онол, хуучирч үеэ өнгөрөөсөн стандарт, норм, норматив, журам, дүрмийг сохроор мөрдөж, дэвшилтэт арга технологи, материалын хэрэглээг хязгаарлах, акт, торгууль тавьж, хохироох үзэгдэл цөөнгүй байгаа нь үүний тод жишээ болно. Үзсэн харснаа үндэслэл нотолгооогүйгээр цэцэрхэх, тэр бүү хэл албан тушаал ашиглан, арга заль хэрэглэн хэрэгжүүлэх гэж оролдох, өөрийн мэдлэг төдийгээр бусдын бүтээлийг дүгнэх зэрэг нь шинжлэх ухааны хомсдол байгаагийн нэг хэв шинж бөгөөд гарах уршиг нь асар их .

 

     Бид аливаа асуудлыг зохистой, оновчтой, ирээдүйтэй, үр ашигтай шийдье гэвэл салбарын шинжлэх ухаанаа буй болгож хөгжүүлэх хэрэгтэй байна. Эхлээд тодорхой хугацаанд нилээд хэмжээний зардал, төсөв шаардагдах боловч тав арван жилийн дараа түүнээ хэдэн зуу дахин нөхөх чадвартай, гол нь хөгжлийн зөв ирээдүйг буй болгох учиртайг анхаарч хугацаа алдахгүйгээр барилгын салбарын эрдэм шинжилгээний байгууллагаа байгуулах шаардлагатай байна.

 

 

 

      “Барилга.МН” сэтгүүлийн байнгын булангуудын нэг нь барилгын материалын үнэ ханшаа шинэчлэн гаргалаа. “Барилгын материалын үнэ тогтвортой байна. Материалын үнэ барилгын ажил эхлэхээр л хөдөлгөөнд орно. Одоохондоо онцын өөрчлөлт байхгүй байна” хэмээн материалын бөөний төвийн борлуулагчид хэлсэн юм.

 

    Улаанбаатар хотод ашиглалтанд орсон болоод 2013 онд ашиглалтанд орох 200-аад орон сууцны мэдээллийг дүүргээр нь нэгтгэн гаргалаа. Түүнчлэн орон сууцны үнэ ханштай холбоотой судалгаа мэдээллийг ч унших боломжтой.