Монгол улсын ерөнхийлөгч Ц.Элбэгдоржийн ивээл дор  “Их Майдар” сангаас Монголын ард түмний эв нэгдлийн бэлгэдлийн илэрхийлэл болгож “Их Майдар” төслийг санаачлан хэрэгжүүлж эхлээд байна.

    Төслийн хүрээнд 54 метр өндөр Майдар бурхан, 108 метр өндөр Зарлиг увидасын суварга бүхий Соёмбот цогцолборыг Төв аймгийн Сэргэлэн сумын нутаг Өгөөмөрийн аманд байгуулахаар төлөвлөжээ. Их Майдар цогцолбор нь Монголын шашин соёлын түүхэнд төдийгүй үндэсний урлаг, уран баримал, барилга архетиктурын хөгжилд үнэлж баршгүй хувь нэмэр оруулах үндэсний хэмжээний томоохон бүтээн байгуулалт болон сүндэрлэх аж. 

   Ингэхдээ Майдар бурханыг Монголын шашин соёлын нэрт хүмүүн Өндөр гэгээн Занабазарын хийц загвараар бүтээж байгаа бөгөөд цогцолбор нь дотроо 21 дарь эхийн сүм, бясалгалын ордон, амьтны хүрээлэн, номын өргөө, цэцэрлэгт хүрээлэн, одон орны төв гэхчилэн олон байгууламж бүхий 108 га газрыг хамарсан урлагийн бүтээл болон цогцлон гэлээ.

 "Барилга.МН" сэтгүүлийн № 34 дугаараас