Нийслэлийн 12 байршилд дахин төлөвлөлт хийгдэх гэж буйтай холбогдуулан Улаанбаатар хотын Захирагч Э.Бат-үүл гэр хорооллын дахин төлөвлөлтийн тухай захирамж гаргажээ. Тодруулбал, гэр хорооллын дахин төлөвлөлт хийгдэхээр батлагдсан 12 байршлын нэгж талбарт хамрагдсан газар эзэмшигч, ашиглагч, өмчлөгч иргэд, аж ахуйн нэгжийн судалгааг гаргаж, тухайн байршилд газар эзэмших, ашиглах, өмчлөх эрх шилжүүлэх үйл ажиллагааг хэсэгчилсэн ерөнхий төлөвлөгөөний зураг төслийг боловсруулан батлуулах хүртэлх хугацаанд түр зогсоохыг нийслэлийн Өмчийн харилцааны газарт даалгасан бйна. Түүнчлэн дахин төлөвлөлт хийгдэх гэр хорооллын байршлуудад хамрагдсан иргэдийн шилжилт, хөдөлгөөнийг түр зогсоож, бүртгэлд өөрчлөлт оруулахгүй байхыг нийслэлийн Улсын бүртгэлийн газарт, Дүүрэг, хороодын Засаг дарга нарт мөн үүрэг болгосон байна.

Ж.Отгон

Эх сурвалж: www.mminfo.mn