Манай сэтгүүлийн 2015 оны хамгийн анхны дугаараас та олон сонирхолтой, өгөөжтэй, ач холбогдолтой мэдээллүүдийг уншаарай. Манай сэтгүүлийн 2015 оны хамгийн анхны дугаараас та олон сонирхолтой, өгөөжтэй, ач холбогдолтой мэдээллүүдийг уншаарай

...Монгол улсын бүтээн байгуулалтанд өндөр хувь нэмэр оруулж байгаа “Жигүүр Гранд Групп”-ийн Гүйцэтгэх Захирал Баттөрийн Халиуны “Аав бид хоёрын мэдрэмж огт өөр” ярилцлагыг уншаарай. Барилгын салбарт зүтгэж яваа залуухан бизнес эмэгтэйн ирээдүйн зорилго, төлөвлөгөө, үзэл бодол, хүсэл тэмүүллийн талаар сонирхоорой. 

Импортоор орж ирж байгаа барилгын материалын 18,4 хувь нь, дотоодын барилгын материал үйлдвэрлэгч 550 аж ахуйн нэгжээс 26 хувь нь буюу 135 үйлдвэр хуулийн дагуу импортолсон, үйлдвэрлэсэн бүтээгдэхүүндээ тохирлын үнэлгээ хийлгэн, лабораторийн шинжилгээнд хамрагддаг гэсэн судалгааг Барилгын материал үйлдвэрлэгчдийн холбооноос гаргажээ. Судалгаанаас харахад манай улсын хэмжээнд байгаа бүх барилгын материалын 30 хүрэхгүй шахам хувь нь итгэмжлэгдсэн лабораториор шинжлүүлдэг, үлдсэн нь ямар ч судалгаа, шинжилгээгүй, баталгаагүй бүтээгдэхүүнүүд байна гэсэн үг. Энэ талаарх дэлгэрэнгүй бас сонирхолтой баримтыг Барилга.МН сэтгүүлийн 2015 оны хамгийн анхны дугаараас та бүхэн хүлээн авч уншаарай. 

Бидний мэдэх хавтанг /плита/ Монголчууд ноосоор хийхээр зэхэж буй тухай “Дэвшилтэт технологи” буландаа мэдээллээ. Европын орнуудад барилгын дулаалгын материалыг ноосоор хийдгийг Монголчууд судлан одоо зөвхөн тоног төхөөрөмжөө авах л үлджээ. Хүний эрүүл мэндэд ямар ч хоргүй, экологийн цэвэр бүтээгдэхүүн хийх түүхий эдийн нөөц нь байгаа учраас үүнийг өөрийн эх орондоо үйлдвэрлэхээр туршсан нь амжилттай болсон таатай мэдээллийг эндээс уншаарай. 

Эдийн засгийн хямралын үед хөрөнгө босгох ухаан хийгээд компаний үйл ажиллагаагаа хэрхэн зөв удирдах талаарх сонирхолтой мэдээллийг уншаарай. Барилга.МН сэтгүүлээс санаачлан зохион байгуулсан “Барилгын төслийн удирдлага” семинарт тавигдсан чухал бас “ховор”  илтгэлүүдийг энд тоймлон хүргэлээ.

Сүүлийн үед Азийн орнууд орон зайн төлөвлөлтийг хэрхэн ухаалгаар шийдэж буйг “Дуулгах мэдээ” булангаас сонжоорой. Энэ мэт шинэлэг, сонирхолтой, ач холбогдолтой олон мэдээллийг сэтгүүлийнхээ 2015 оны хамгийн анхны дугаар багтаалааа. Түүнчлэн танд хэрэгтэй шинэ орон сууц, барилгын материалын үнэ ханш, шинэ бүтээгдэхүүн, амины орон сууцны шилдэг загвар, Монгол хэв шинж бүхий интерьер зэрэг бусад мэдээллийг ч энэ дугаараас хүлээн аваарай.