Үнэгүй

Барилга МН сэтгүүл

 
Дагах

Монгол улсын 2014 оны шилдэг сэтгүүлээр “Барилга.МН” тодорлоо

Batsuh Batsuh
Монгол улсын 2014 оны шилдэг сэтгүүлээр “Барилга.МН” тодорлоо
Үзсэн: 1992

“Best of Mongolia 2014” олон нийтийн санал асуулгаар “Барилга.МН” сэтгүүл Монгол улсын 2014 оны шилдэг сэтгүүлээр тодорлоо.

Өнгөрөгч онд Барилга.МН сэтгүүлийнхээ мэдээ мэдээлэл болоод агуулгыг сайжруулах тал дээр улам бүр анхаарч, салбарын, дагнасан, мэргэжлийн сэтгүүл гэдгээ дахин нотолж, барилгын салбарынхныхаа гол мэдээллийн хэрэгсэл боллоо.

Сэтгүүлийн онцлог:


     Барилгын салбарт үйл ажиллагаа явуулж буй аж ахуйн нэгж, байгууллага, шинэ технологи, ноу-хау, бизнес санал зэргийг олон нийтэд хүргэн хамтран ажилладаг. Түүнчлэн салбартай холбогдоотой цаг үеийн тулгамдсан асуудал, хууль тогтоомж, шийдвэр, салбарын шинжлэх ухаанч хандлага, үндэсний бүтээн байгуулалт, космополитан хот, дизайн зэрэг, салбарт холбогдох бүх төрлийн асуудлыг нэгэн зэрэг хөнддөгөөрөө бидний агуулга мэргэжлийн онцлогтой.     

         Сар тутам 5000 хувь хэвлэгдэж, барилга орон сууц, интерьер дизайн, амины орон сууц, барилга угсралт, засвар үйлчилгээний зөвлөгөө, материал үйлдвэрлэлт, нийлүүлэлт, зах зээлийн үнэ ханш, хууль эрх зүй, дэлхийн шилдэг архитектурын шийдэл болон нэрт архитекторуудын бүтээл, гадны мэргэжилтнүүдийн зөвлөгөө, үйлдвэрлэлийн дэвшилтэт технологийн тухай мэдээлэл авахыг хүссэн хүн бүрт  манай сэтгүүл зориулагддаг.  


 

Өнгөрөгч онд:

     Барилга.МН сэтгүүлийг тав дах жилдээ эрхлэн гаргаж буй бид мэдээллийн эрин зуунд сэтгүүлтэйгээ зэрэгцэн ажилладаг www.barilga.mn вэбсайт маань ч хэрэглэгч та бүхэнд барилга, бүтээн байгуулалтын салбарын өдөр тутмын мэдээ мэдээллийг цаг алдалгүй, түргэн шуурхай, цогцоор нь хүргэж, уншигчид, харилцагчдынхаа маркетингийн үйл ажиллагаанд дэмжлэг үзүүлдэг.

Техник технологийн хөгжилтэй зэрэгцэн Барилга.МН аппликейшн ч ухаалаг гар утсанд суурилагдан нийт хэрэглэгчиддээ хүргэж байна.  



 

Цаашдын зорилт:

       Барилгын салбарынхныхаа хамтын ажиллагааны уялдаа холбоог сайжруулан энэ талбарын гол холбогч гүүр нь байж “Баялаг бүтээгчдээ дэмжье” уриан дор Барилга.МН сэтгүүл уншигч, харилцагч, олон нийтдээ зориулан Үндэсний бүтээн байгуулагчдын тухай сонирхолтой мэдээллийг хүргэх болно.  

Харилцагчид, хамтрагчид, түншүүд, гишүүддээ баярлалаа

Монголын барилгын салбарынхан, аж ахуйн нэгж, байгууллагууд, инженер техникийн ажилтнууд, нийт  барилгачид, бүхий л хамтран ажиллагч түншүүд болон Барилга.МН сэтгүүлийн нийт уншигчид, санал асуулгад идэвхтэй оролцсон Монголын нийт ард түмэндээ чин сэтгэлээсээ талархаж байгаагаа илэрхийлье. Бидний хамтын ажил үйлс ирэх жилүүдэд улам батжин хөгжиж, амжилтаас амжилтад тэмүүлэх болно.

Ирэх 2015 онд та бүгдийн маань төлөвлөсөн ажил бүр сэтгэлчлэн бүтэж, өөдлөн дэвжихийн өлзийтэй ерөөлийг өргөхийн ялдамд аз жаргал, сайн сайхан бүхний дээдийг хүсэн ерөөе.